🇺🇿 Yurtimizda olib borilayotgan islohotlarning samaradorligini ta’minlash, kadrlarga bo‘lgan ehtiyojni qondirish, ularning malakasini oshirish va munosib kadrlarni rahbarlik lavozimlariga tavsiya etish maqsadida kadrlar zaxirasi shakllantirib boriladi.

🇺🇿 Davlatimiz rahbarining tashabbusi bilan mahalla fuqarolar yig‘inlarida faoliyat olib borayotgan hokim yordamchilari, yoshlar yetakchilari hamda xotin-qizlar faollari orasidan eng munosiblari "Salohiyatli kadrlar zaxirasi"ga kiritilib bormoqda.

📈 Shu maqsadda O‘zbekiston Respublikasi Prezidenti huzuridagi Davlat xizmatini rivojlantirish agentligining Toshkent shahar filiali tomonidan tashkil etilgan o‘quv-seminarda Toshkent shahridagi "Salohiyatli kadrlar zaxirasi" va "Istiqbolli kadrlar zaxirasi"ga kiritilgan nomzodlar uchun amaldagi qonunchilik, davlat fuqarolik xizmatida kadrlar masalasi, davlat xizmatchisining odob-axloq me’yorlariga amal qilishi, zaxira shakllantirish bosqichlari, shuningdek, "Toshkent tarixi" haqida ham seminar ishtirokchilariga tushuntirishlar berildi.

Toshkent shahrida faoliyat olib borayotgan har qanday rahbar va davlat xizmatchilari Toshkent tarixini yaxshi bilishi lozimligi bois Toshkent davlat Sharqshunoslik universiteti professori, tarix fanlari doktori Mirsodiq Is’hoqov tomonidan ma’ruza qilindi.

Zaxira nomzodlar bilan ishlash, ularni masofaviy tarzda, Davlat boshqaruvi akademiyasida hamda xorijiy malaka oshirishlarni tashkil etish, respublika vazirlik va idoralarning sohaviy boshqarmalarida amaliyot o‘tash, shaxsiy rivojlanish rejasini ishlab chiqishlari, davlat xizmatchilarining odob-axloq qoidalariga amal qilishlari yuzasidan filialning "Inson resurslarini boshqarish va kadrlar salohiyatini oshirish" bo‘limi bosh inspektori O‘tkir Abdukarimov tushunchalar berdi.

Bo‘lajak rahbar doimiy malakasini oshirib borishi, kitob mutolaasi, o‘z ustida doimiy ishlashi, izlanishi, tashabbuskorlik ko‘rsatishi bilan ajralib turishi lozim deydi – Agentlikning Toshkent shahar filiali bosh inspektori Maryam Abdukarimova.

YouTube | Facebook | Instagram | Web-site | Twitter | Linkedin