🇺🇿 27-iyun kuni Toshkent shahar hokimligida “Xalq dardi bilan yashash, xalqqa xizmat qilish - eng asosiy vazifamiz!” shiori ostida o’rganishlar tahlili va ustuvor vazifalarga bag’ishlangan yig’ilish bo’lib o’tdi.

Yig’ilishda Toshkent shahar devoni rahbari Y.Ismoilov, Davlat xizmatini rivojlantirish agentligi Toshkent shahar filiali rahbari Sh.Mamadjanov, O‘zbekiston Respublikasi Prezidenti Xalq qabulxonasi Toshkent shahar mudiri Tohir Mullajonov, boshqarma va tashkilotlar huquqshunoslari, murojaatlar bilan ishlash va inson resurslari bo‘yicha mas’ul rahbarlar ishtirok etdi.

Seminarda so’zga chiqqan T.Mullajonov davlat fuqarolik xizmatchilari o‘z vazifalariga shaxsiy mas’uliyatini yanada oshirishi lozimligini ta’kidladi. Murojaatlar bilan ishlashda har bir fuqaroga alohida yondashish, bee’tibor bo’lmaslik, yuzlangan masalalar muddatini inobatga olgan holda kechikishiga yo’l qo’ymaslik va murojaatlarni ijobiy hal etishda sektor rahbarlari, mahalla yettiligi bilan hamkorlik samarali natija berishi haqida so’zladi.

Tadbir so’ngida, aholi tomonidan 2023-2024-yil 1-chorak davomida kelib tushgan murojaatlar tahlil qilindi va yo‘l qo‘yilayotgan mavjud kamchiliklar hamda kelgusida amalga oshirilishi lozim vazifalar muhokama qilindi.

YouTube | Facebook | Instagram | Web-site | Twitter | Linkedin

🖼 27-30-iyun kunlari Toshkent fotosuratlar uyida "Orzu"nomli birinchi xayriya auksion ko'rgazmasi o’tkazilmoqda

“Butunjahon yoshlar festivali” doirasida Yoshlar ishlari agentligi tomonidan “Mehrli qo'llar” fondi, AVO Bank va “We Digital marketing” agentligi hamkorligida “Orzu” nomli birinchi noyob ko'rgazma-auksioni tashkil etilmoqda.

“Orzu”- loyihasi inson ijodkorligi va sun'iy intellektning o'ziga xos uyg’unlashuvidir. Ko'rgazmada 15 nafar ko'zi ojiz bolalarning taassurotlari asosida yaratilgan asarlar namoyish etilmoqda. Ushbu rasmlar shunchaki suratlar emas, balki bolalarning chuqur va ta’sirchan hayollari va tasavvurlarining aksidir.

Ko'rgazmada sun'iy intellekt tomonidan yaratilgan va “Sharm Studio” rassomlari tomonidan qog’ozga ko’chirilgan 20 ta rasm namoyish etilgan.

Xayriya ko'rgazmasida ijodiy ishlarni sotishdan tushgan mablag'lar ko'zi ojiz bolalarning ko'rish qobiliyatini tiklash bo'yicha operatsiyalarga yo'naltiriladi. Auksionga tashrif buyurib bolalarning orzu quilgan dunyosini ko’rishlariga yordam berasiz.

Eksponatlarni sotib olish mumkin bo'lgan kim oshdi savdosi 29-iyun kuni bo'lib o'tadi. Yaxshilik ulashgan holda bolalarga o'z orzularidagi dunyoni ko'rishga yordam bering. Har bir inson loyihaga Payme, Click va Payze to'lov xizmatlari orqali yordam berishi mumkin.

“Orzu” loyihasi bizga tasavvur kuchini va har bir bolaning orzularini qo’llab-quvvatlash qanchalik muhim ekanligini eslatadi.

📆Ko'rgazma 2024 yil 27-30 iyun kunlari bo’lib o’tadi.
🧑🏻‍⚖️Auksion savdo 29-iyun, soat 17:00 da o’tkaziladi.
📍Manzil: Toshkent fotosuratlar uyi.