⚡Ayni paytda, Xalq deputatlari Toshkent shahar Kengashining to‘qson sakkizinchi sessiyasi bo‘lib o‘tmoqda.

Sessiyada dastlab Toshkent shahar hokimining o‘rinbosari Sharof Raxmanov so‘zga chiqib, Toshkent shahrida 2024-yilda investitsiyalar va eksport sohalarida amalga oshiriladigan aniq chora-tadbirlarni tasdiqlash to‘g‘risida ma’lumot berdi.

So‘ngra, Toshkent shahrida tashqi reklama va axborot obyekti (konstruksiyasi)ni o‘rnatish hamda reklamani joylashtirishga bo‘lgan huquq uchun yagona oylik yig‘im miqdorini tasdiqlash va tashqi reklama sohasini tartibga solish to‘g‘risidagi masala ko‘rib chiqildi.

Shuningdek, sessiya kun tartibi doirasida Toshkent shahrida jinoyatchilikning barvaqt oldini olish va huquqbuzarlikka qarshi kurashish borasida Toshkent shahar Ichki ishlar bosh boshqarmasi boshlig‘ining 2023-yil IV chorak yakuni bo‘yicha hisoboti; “Hududiy Elektr Tarmoqlari” AJ Toshkent shahar hududiy filiali tomonidan 2023-yil davomida amalga oshirilgan ishlari hamda 2024-yildagi ustuvor rejalari; Toshkent shahar Obodonlashtirish bosh boshqarmasi tomonidan 2023-yil davomida amalga oshirilgan ishlari va 2024-yildagi ustuvor rejalari kabi qator masalalar ko‘rib chiqilishi, ular bo‘yicha Kengashning tegishli qarorlari qabul qilinishi ko‘zda tutilgan.

YouTube | Facebook | Instagram | Web-site | Twitter | Linkedin

"Toshkent shahar prokurori stipendiyasi" g'oliblarini taqdirlash marosimi o'z nihoyasiga yetdi

Stipendiya uchun oʻtkazilgan tanlovda TDYUning bakalavriat bosqichida tahsil olayotgan barcha kurslardagi 1000 nafardan ziyod talabalar ishtirok etdi.

3 bosqichdan iborat bo'lgan ushbu tanlovda munosib bilimli talabalar yakunda g'olib deb topildi hamda Toshkent shahar prokurori stipendianti nomiga sazovor bo'ldilar.

G'oliblarni yana bir bor muborakbod etamiz!

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

#HotelBusinessForum2024
Ayni damda InterContinental Tashkent mehmonhonasida xalqaro “Hotel Business Forum 2024” bo’lib o’tmoqda.

Tadbir Turizm qo’mitasi hamkorligida O’zbekiston mehmonxonalar uyushmasi tomonidan tashkil etilgan bo’lib, unda
turli davlatlarning nufuzli mehmonhonalaridan vakillar, qator loyiha rahbarlari va ommaviy axborot vositalari ishtirok etishmoqda. Shuningdek, forumda “Mehmondoʻstlik sektorini rivojlantirishda yashil iqtisodiyot: jahon tajribasi” mavzusiga alohida eʼtibor qaratildi. Bundan tashqari, xalqaro ekspertlar mehmonxona biznesini ekologik jihatdan barqaror rivojlantirish sohasidagi ilgʻor tajriba va misollarni taqdim etishmoqda.

✔️Ma’lumot uchun: 2023-yilda mamlakatga 6,3 mln xorijiy mehmon tashrif buyurgan. 2023-yilda respublika bo‘ylab sayohat qilgan O‘zbekiston fuqarolari soni 12 million nafarni tashkil etdi. 2024-yilda esa 9 mln xorijiy mehmonni qabul qilish rejalashtirilgan.

YouTube | Facebook | Instagram | Web-site | Twitter | Linkedin