Bugun Toshkent davlat iqtisodiyot universitetining majlislar zalida Toshkent shahar hokimi v.b. Shavkat Umurzakovning yoshlar bilan uchrashuvi bo‘lib o‘tdi.

Samimiy muloqot shaklida o‘tgan uchrashuv chog‘ida Sh. Umurzakov yoshlarni kirib kelayotgan yangi 2024-yil bilan qutlab, Prezidentimiz tomonidan yoshlar bandligini ta’minlash, sifatli ta’lim bilan qamrab olish va bo‘sh vaqtlarini mazmunli tashkil etish, ijtimoiy qo‘llab-quvvatlash hamda sog‘lom firklashlariga zamin yaratish bo‘yicha vazifalar belgilab berilganini ma’lum qildi.

Ushbu vazifalar ijrosi doirasida 2023-yil davomida ko‘makka muhtoj og‘ir toifadagi yoshlarning muammolari hal qilingani, ishsiz hamda maktab bitiruvchilarining bandligi ta’minlanganini so‘zlab berdi.

Bundan tashqari, o‘tgan yil davomida “Yoshlar daftari”ga kiritilgan yoshlarga ham ko‘mak ko‘rsatilib, muammolari hal qilindi.

Bundan so‘ng, Sh. Umurzakov yoshlarga ko‘maklashish, ularni qo‘llab-quvvatlash borasida kelgusi yilga rejalashtirilgan ishlar bilan o‘rtoqlashib, yoshlarning bandligini ta’minlash bo‘yicha manzilli ro‘yxat shakllantirilgani, shuningdek, “Yoshlar daftari” doirasida ko‘mak olishlari kutilayotganini aytib o‘tdi.

Uchrashuv yakunida Sh. Umurzakov yoshlarning savollariga javob berib, o‘z hayot va mehnat tajribasi bilan o‘rtoqlashdi.

Bugun Toshkent shahar Korrupsiyaga qarshi kurashish hududiy kengashining yig’ilishi bo’lib o’tdi.

Yig’ilishda Korrupsiyaga qarshi kurashish shahar hududiy Kengashi a’zolari, poytaxtimizning tegishli tashkilot va idoralari rahbarlari, nodavlat-notijorat tashkilotlari, ommaviy axborot vositalari vakillari ishtirok etdilar. Shuningdek, videokonferents aloqa yordamida poytaxtimizning barcha tumanlari mutasaddilarining ishtiroki ta'minlandi.

Tadbirni Toshkent shahar hokimi v.b. Shavkat Umurzakov ochib berdi va korrupsiya turli ko‘rinishlari bilan taraqqiyotimizga g‘ov bo‘layotgani, faqatgina bu yovuz baloning oldini olish orqali, haqiqiy ishbilarmonlik va investitsiya muhitini yaratish imkoni paydo bo‘lishi, umuman, jamiyatning barcha tarmoqlari rivojlanishi mumkinligini ta’kidladi.

So‘zga chiqqan O‘zbekiston Respublikasi Korrupsiyaga qarshi kurashish agentligining direktori Akmal Burxonov tomonidan Toshkent shahrida korrupsiyaga qarshi kurashish borasida amalga oshirilayotgan ishlar hamda bu boradagi chora-tadbirlarni belgilab olish masalasi ko'tarildi.

Bundan so‘ng, Toshkent shahar prokuraturasi, Markaziy bank Toshkent shahar boshqarmasi, Toshkent shahar Qurilish va uy-joy kommunal xo'jaligi boshqarmasi mutasaddi rahbarlarining o’z tizimlarida korrupsiya holatlarining oldini olish hamda unga qarshi kurashish yuzasidan ko’rgan choralari bo’yicha axborotlari tinglandi.

Korrupsiyaga oid jinoyatchilikning holati va uni bartaraf etish bo’yicha ko’rilayoitgan choralar, Toshkent shahrida bank sohasida korrupsiya holatlarini oldini olish masalalari, poytaxtdagi qurilish sohasida korrupsiya holatlarini oldini olish bo’yicha ko’rilayotgan choralar tanqidiy muhokama qilinib, mas’ullarga ularni jadallashtirish, inson omilini istisno qiladigan yechimlarni izlash vazifasi yuklatildi.

Muhokamalar davomida aniqlangan korrupsiya holatlariga alohida e’tibor qaratilib, ularning sabab va oqibatlari tahlil qilindi. Bu illatga qarshi kurashish yo’nalishdagi ishlarni yanada kuchaytirish bo’yicha taklif va tavsiyalar bildirildi.

Toshkent qurultoyi: 2023-yilda erishilgan yutuqlar muhokama qilinib, kelgusi yil rejalari tuzildi

Kecha poytaxtimizdagi «Yangi O'zbekiston» universitetida «Ustoz — ta'lim bunyodkori» shiori ostida o‘qituvchilar qurultoyi bo'lib o'tdi.

Tadbirda maktabgacha va maktab ta'limi vaziri H.Umarova, Toshkent shahar hokimi v.b. Sh.Umurzakov ishtirok etib, unda yil davomida erishilgan yutuqlar, istiqboldagi rejalar haqida so'z yuritildi.

Tadbir ochiq muloqot ruhida o'tdi. Unda ustozlarning tizimni yanada rivojlantirish borasidagi taklif-mulohazalari tinglandi.

Tantanali tadbirda sakkiz nafar pedagog «Xalq ta'limi a'lochisi» ko'krak nishoni bilan taqdirlandi. Shuningdek, tizim rivoji yo'lida fidoyilik ko'rsatib, ko'plab yutuqlarga erishgan bir guruh ustozlarimizga faxriy yorliq hamda esdalik sovg'asi, Mirzo Ulug'bek tumanidagi 64- va Uchtepa tumanidagi 44-sonli umumta'lim maktablariga interaktiv doskalar taqdim etildi.

YouTube | Facebook | Instagram | Web-site | Twitter | Linkedin