♾ Senatorlar va hokim qabuli bo‘lib o‘tdi

✅ Xabar berganimizdek, bugun Yakkasaroy tuman hokimligida O‘zbekiston Respublikasi Oliy Majlisi senatining Axborot siyosati va davlat organlarida ochiqlikni ta’minlash masalalari qo‘mitasining yig‘ilishi bo‘lib o‘tdi.

🫥 Unda Senatning Axborot siyosati va davlat organlarida ochiqlikni ta’minlash masalalari qo‘mitasi raisi o‘rinbosari senator Farhod Boqiyev, Xalq deputatlari Toshkent shahar Kengashining Axborot siyosati va mahalliy davlat organlarida ochiqlikni ta’minlash masalalari bo‘yicha doimiy komissiya a’zolari, tuman hokimi Anvar Sayfutdinov, O‘zbekiston ichki ishlar vazirligidan polkovnik Anvarjon Muydinjanov, ommaviy axborot vositalari vakillari hamda mas’ul rahbarlar ishtirok etdilar.

📔 Uchrashuv davomida senatorlar, Toshkent shahar mahalliy Kengashlari deputatlari va tuman hokimi bilan birgalikda hokimlik binosida fuqarolar qabuli o‘tkazdilar.

🟢 Xususan, qabulda Senatorlar va hokim qabulida bo‘lgan fuqarolarning uy-joy, kommunal xizmat ko‘rastish, tadbirkorlik faoliyati, moddiy yordam berish va mahallani obod qilish masalalari yuzasidan murojaatlari eshitildi.

🔵 Qabul davomida:

✅ Bobur mahallasida istiqomat qiluvchi fuqaro Xidirova Anorxonning farzandini Toshkent moliya institutining rektori Teshabayev To‘lqin ishga qabul qilishni taklif etdi;

✅ “Armug’on” mahallasida istiqomat qiluvchi fuqaro Mardonova Oysanamni “Temir daftar”ga kiritilib, sog‘ligini tiklash maqsadida moddiy yordam ajratish;

✅ “Qushbegi” mahallasida istiqomat qiluvchi fuqaro Xudoyqulova Madinaxonga subsidiya masalasida yordam berish;

✅ “Dilbuloq” mahallasida istiqomat qiluvchi Xo‘jaqulova Mavluda bandligini ta’minlash maqsadida mono-markazga o‘qitish masalalari joyida hal etildi.

💠 Qabul davomida tuman hokimi mas’ullarga murojaatlarni tegishli tartibda hal etish yuzasidan topshiriqlar berib, murojaatlar shaxsan hokim nazoratida bo‘lishi haqida aytib o‘tdi.

✍️ Yakkasaroy tuman hokimligi Matbuot xizmati