Агростартап-2022 критерийдара бу бааллар. Быйыл улахан уларыйыы суох дииллэр.

Куонкурус бастакы түһүмэҕэр сайаапкаҕытыгар холбуу киллэрэр докумуоннаргытынан баал туруораллар. Ол критерийдара бу сылдьаллар. Манна баайгыт-дуолгут бэйэ бас билиитигэр баара докумуонунан бигэргэммит буоллаҕына - муҥутуур баалы ылаҕыт.

Таарыйа докумуоннаргыт дьиҥнээхтэрэ бэрэбиэркэлэнэр, иэскит-күүскүт эмиэ көрүллэр.

Иккис түһүмэххэ ааспыттар бизнес-былааҥҥытынан презентацияҕытын хамыыһыйа иннигэр көмүскүүгүт. Презентация флешкаҕа угуллар, кумааҕыга эмиэ таһаарыллар уонна сайаапканы кытта тэҥҥэ туттарыллар.

5 пууҥҥа болҕомтоҕутун ууруохпун баҕарабын. Былырыын итиннэ доҕорум хотонун, гарааһын докумуоннаппыппыт. Реестрга киллэриллибит докумуон буолуохтаах. ЕГРН дэнэр. Наименованиетыгар "производственный объект" диэн суруллубут буолуохтаах. Тута 10 баал суруллубута. Үгүс дьон манна баал ылбаттар. Дьиҥэр производственнай эбийиэги докумуоннатыы - тустаахха бэйэтигэр үчүгэй буоллаҕа.

Бэлэмнэниҥ✅

#агростартап2023 #тыасирэ

Минсельхоз Ресурснай киинин өҥөнү оҥорууга отделын салайааччыта Майя Гуляева иһитиннэрбитинэн, "Агростартапка" уонна "Дьиэ кэргэн фермата" куонкурустарга кыттыыга бизнес-былааны суруйууга САЙААПКАНЫ хомуйуу салҕанан бара турар.

Киин исписэлиистэрэ сайаапка быһыытынан БП босхо суруйаллар, сүбэлииллэр, көмөлөһөллөр.

Майя Степановна информациятын истиҥ эрэ.

Минсельхоз аадырыһа: Дьокуускай, Курашов уулуссатын 28 нүөмэрдээх дьиэтэ.

Куонкурустар барыллаан муус устар-ыам ыйа ыйдарга буолаллара былааннанар. Ол иннинэ докумуон тутуута.

#агростартап #село #тыасирэ #минсельхозрся

Баһаалыста санааҕытын суруйаргытыгар көрдөһөбүн.

Эһиги хоруйдаргытыттан көрөн, инникитин БЭЙЭ ТИЭРГЭНИТТЭН ХАЙДАХ ДОРУОБУЙАҔА ТУҺАЛААХТЫК АҺЫЫРГА рубрика арыйыахпын баҕарабын.

#тыасирэ #доруобайас #бэйэаһа #тиэргэнаһа

“Агростартап” 2023 сыллааҕы Бэрээдэгэ билигин туһааннаах тэрилтэлэргэ “согласованиеҕа” баарын минсельхозка эттилэр.

Дьон ыйытыыларыгар Ресурснай киин исписэлиистэрэ эппиэттээтилэр.

- Соцконтракка кыттыбыт киһи “Агростартапка” кыттар дуо? – Кыттар.

- 2022 сылга ИП буолбутум. Хаһан кыттар быраабы ылабын? – ИП статуһуттан уһуллан баран, үс сыл буолан баран.

- Агростартапка кыттан, грант ылбыт киһи хас сылынан “Дьиэ кэргэн пиэрмэтигэр” кыттар бырааптааҕый? - Үс сыл буолан баран.

- Оттуур сир кэргэним аатыгар. Мин кэргэн быһыытынан кини сирин бэйэм сирим курдук туттуохпун сөп дуо, куонкуруска кыттарбар? – Суох, сир, производственнай эбийиэк куонкуруска кыттар киһи аатыгар баар буолуохтаах.

- Сирбэр көннөрү дуогабардаахпын эрэ. Оннук барсар дуо? – Сир хайаан да Росреестрынан докумуоннаммыт буолуохтаах.

Куонкурус критерийдарынан баалынан сыаналанар. Сиргит, эбийиэккит бэйэҕит бас билиигитигэр баар буоллаҕына – бу пууннарга саамай үрдүк баалы ылаҕыт.

#агростартап2023 #семейнаяферма2023

"Агростартап" муҥутуур сууматын кээмэйэ 7 мөл солк буолуон сөп.

Ол туһунан РФ тыа хаһаайыстыбатын министиэристибэтин телеграм-ханаалыгар сурулунна. Бэҕэһээ "Норуот пиэрмэрэ" ассоциация чилиэннэрин кытта биэдэмистибэ салалтата көрүстэ.

Миниистири бастакы солбуйааччы Оксана Лут эппитинэн, пиэрмэрдэри уонна кооперацияны өйүүргэ көрүллэр суума быйыл улаатта, 12 млрд солк-тан 14 млрд солк-га тириэрдилиннэ. Бу "Агростартап" муҥутуур сууматын кээмэйин 7 мөл солк диэри улаатыннарыыга эмиэ кыах биэриэҕэ.

#агростартап #село #минсельхоз #сельскоехозяйство #агробизнес

Баахыла - мин олоҕум аргыһа диэбит курдук буолла🫶🏻

Биир боппуруоска эппиэт ыйыттым уонна баахыла оҥордум. Онтум сатанна - ол аата кырдьык кыайда🤩🫶🏻

Баахылам сатамматаҕа эбитэ буоллар - санаам түһүөх этэ, истибиппин итэҕэйбэккэ сылдьыбытым, эс, оннук буолбатах, ама хайаан оннук буолуой диэн санаа үүйэ-хаайа туппута.

Билигин санаам сырдаата, үөрдүм, кырдьык үрдүгэр сымыйа ыттыбат диэн чахчы эбит🤗🤗🤗

#бурдукаһа #киһисанаакулута #кырдьыкбаар #туохбарытатыыннаах

Горнай оройуонугар буолбут бырабыыталыстыба отчуотугар Тыа хаһаайыстыбатын министиэристибэтин былааннааһыҥҥа уонна судаарыстыбаннай бырагыраамаларга департамент салайааччыта Анастасия Колодезникова быйыл сири оҥорууга судаарыстыбаннай бюджеттан көрүллэр үп кээмэйэ эбиллибитин эттэ.

"Бу хайысханан дьарыктаныан баҕалаах киһи министиэристибэҕэ сайаапка түһэриэн наада", - диэтэ кини.

#тыасирэ #сир #быраҕыллыбытсир

По состоянию на 1 января 2023 года количество организаций, ведущих сельскохозяйственную деятельность в Хангаласском улусе, составило 125 единиц, в том числе 11 сельскохозяйственных организаций, 2 промышленных организаций, 9 потребительских кооперативов, 1 кредитный кооператив, 102 крестьянско-фермерских хозяйства. Поголовье крупного рогатого составляет 9958 голов, лошадей — 14 614. Далее о лидере по производству сельскохозяйственной продукции в медиапроекте “Из города в село: фермер”.

https://ysia.ru/hangalasskij-ulus-odin-iz-liderov-po-proizvodstvu-selskohozproduktsii-v-yakutii/

Бу дьиэтээҕи "погода" хайдаҕын кэпсиир сибэкки диэтилэр. Төһөнөн элбэхтик сибэккилиир уонна ол сибэккитэ төһөнөн уһуннук турар да - бу ыал олоҕо нус-хас, таптал уйаламмыт, доруобай уонна кэскиллээх диэтилэр.

"Агростартап" отчуотун туттарыы күүрээннээх күннэрэ аастылар. Оҕо эрдэхпиттэн кумааҕыга, буолаары буолан докумуоҥҥа убаастабыллаахтык сыһыаннаһар буолан, барыта паапкаҕа тиһиллэн испитэ. Атыы-кутуу дуогабардара, акталар, чектар, техпааспардар, "Меркурий" бырагыраама, ЕСИАО СХ, Фермер-1, Фермер-3 отчуоттар ирдэбиллэрэ уо.д.а. Барыта минсельхоһу кытта түһэрсиллибит Сөбүлэҥ сурук чэрчитинэн. Барытын олохтоох УСХ-ҕа туттарыллар. Исписэлиистэргэ махтал, кыһаллаллар ахан.

Бухгалтербытыгар махтал. Улахан уопуттаах дьону кытта үлэлиир үчүгэйэ бөҕө👍🏻 фермерга производствоттан ордон бухгалтериянан дьарыктанара кэккэ ыарахаттардаах. Ээр-сэмээр үөрэнэр инибит.

Үлэ сылыгар үлэбит оҥорон таһаарыыта өссө элбээтин, дьиэ иһинээҕи "погодабыт" өссө тубустун🤞🏻🤞🏻🤞🏻 сибэккибит куруук маннык чэлгийэ үүннүн😘

#агростартап

https://t.iss.one/agrarnayayakutia/6132

Тыа хаһаайыстыбатын миниистирэ Дмитрий Патрушев ЛПХ-ларга көмө туһунан эттэ. Ол курдук "самозанятай" статуһун ылыммыт ЛПХ-ларга салгыы да көмө оҥоһуллара этилиннэ.

«Саха сиригэр кэтэх хаһаайыстыбалары өйүүр миэрэлэр салҕаналлар, хас биирдии ыанар ынахха судаарыстыбаттан 37 тыһ. солкуобай суумалаах көмө көрүллэр. Маны таһынан, түргэнник ситэр хайысхаҕа туһунан (куурусса, сибиинньэ о.д.а) уонна оту тиэйиигэ көмө харчы көрүллэр. Быйыл тыа сирин кэлим сайдыытыгар Саха сиригэр барыта 664 мөл солкуобай көрүлүннэ, онтон 578,4 мөл солкуобайа дойду бүддьүөтүттэн, 53,1 мөл солкуобай өрөспүүбүлүкэ бүддьүөтүттэн», — диэн минсельхозка эттилэр.

Россияҕа "Самозанятай" быһыытынан регистрацияламмыт ЛПХ-лар былырыыҥҥыттан үүтү, эти, оҕуруот аһын, хортуоппуйу оҥорууга субсидия ылаллар. Бу федеральнай бырайыак. Ону сэргэ, быйылгы сылтан самозанятайдар уонна ЛПХ-лар чэпчэтиилээх кирэдьииккэ киириэхтэрин сөп, диэн РФ миниистирэ Дмитрий Патрушев иһитиннэрбитэ.

ИП-лар, КФХ-лар ЛПХ-ларга көрүллэр ыанар ынахха 37 тыһ суумалаах субсидияны ылбаттар. Бу сыалга былырыын 1 млрд 162 тыһ солк, быйыл 1 млрд 458 тыһ солк көрүлүннэ.

РФ Бырабыыталыстыбатын бэрэссэдээтэлэ Михаил Мишустин Агростартап граныгар биир киһиэхэ көрүллэр муҥутуур суума кээмэйэ 7 мөл солк буоларын туһунан быһаарыы ылыныллыбытын иһитиннэрдэ.

Ити эрээри бу сууманы үүт уонна эт оҥоруутугар анаммыт бырайыактаахтарга бэриллэр диэн чуолкайдаабыттар.

#агростартап #село #агрогранты