#qabul_2025
#ishchi_guruh
#Qashqadaryo

🤩 AGENTLIK DIREKTORINING TIZIMDAGI MAKTABLAR FAOLIYATINI JOYIGA BORIB OʻRGANISH ISHLARI DAVOM ETMOQDA

Ixtisoslashtirilgan ta’lim muassasalari agentligi direktori Alisher Ubbiyev boshchiligida Qashqadaryo viloyatida joylashgan tizimdagi maktablar faoliyati joyiga chiqib o‘rganilmoqda.

Tashrif davomida direktor 2025/2026-o‘quv yili uchun hujjat topshirayotgan o‘quvchilarga ko‘mak berish maqsadida tashkil etilgan maxsus shtablar faoliyati, “Dolzarb 90 kunlik” rejalari va yozgi oromgohlar bo‘yicha amalga oshirilayotgan ishlar, shuningdek yangi o‘quv yiliga tayyorgarlik jarayonlari bilan yaqindan tanishdi.

Agentlik direktori o‘quvchilar bilan ochiq muloqot chog‘ida, ularning orzu va maqsadlari, o‘quv jarayonlari haqidagi fikrlarini eshitdi. U yoshlarni chuqur bilim olishga, zamonaviy fanlarni puxta egallashga chaqirib, bu omillar kelajakda yuqori natijalarga erishishda muhim rol o‘ynashini ta’kidladi.

Agentlik rahbari boshchiligidagi joyiga chiqib o‘rganish ishlari boshqa hududlarda ham davom ettirilishi rejalashtirilgan.

❗️Qabul yangiliklarini biz bilan kuzating:
Telegram | Facebook | Instagram | YouTube