Prezident_maktabi

🔔Termiz shahridagi Prezident maktabida 14-yanvar — "Vatan himoyachilari kuni" munosabati bilan "Ota-onalar-farzandlar hamkorligidagi eng yaxshi osh" festivali bo‘lib o‘tdi. Blue va Green sinf o‘quvchilarning ota-onalari farzandlari bilan birlashgan holda boshqa sinflar bilan bellashdilar.

▫️Osh tayyorlash jarayoni bilan bir vaqtda ko‘ngilochar sport tadbirlari, o‘quvchi-qizlarning bayram tabriklari, qolaversa, harbiy orkestr jamoasining musiqalari va harbiy chiqishlari aziz mehmonlarimiz va butun maktab ahliga zavq-u shavq ulashdi.

So‘nggi natijaga ko‘ra:

🥇7-sinflar - I o‘rin,
🥈6-sinflar - II o‘rin,
🥉8-sinflar - III o‘ringa loyiq deb topildi.

⚡️Qolgan sinflarga ham turli nominatsiyalar bo'yicha sertifikatlar topshirildi. Ota-onalarga o‘zaro hamkorlik uchun maktab rahbariyati tomonidan alohida minnatdorchilik bildirildi.

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube

#tabrik

⚡️Termiz shahridagi Prezident maktabi jamoasi O‘zbekiston Respublikasi Qurolli Kuchlari tashkil etilganligining 32 yilligi hamda Vatan himoyachilari kuni munosabati bilan hayotini ona yurtimizni himoya qilishdek ulug‘ va oliyjanob ishga bag‘ishlagan yurt posbonlarini tabriklaymiz! Sizlarga mustahkam sog'lik, oilaviy baxt, mamlakatimiz ravnaqi yo‘lidagi xizmatingizda ulkan zafarlar tilab qolamiz.

🇺🇿Yurtimiz tinchligi va osoyishtaligiga ko'z tegmasin!

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube

#hayot_lavhalari

“Iste’dodsiz farzand bo‘lmaydi, e’tiborsiz ota-onalar bor, xolos”

✅ Iqtidorli rejissyor Shokir Xoliqovning ushbu g‘oya ostida yaratilgan “Iste'dod" ijtimoiy roligida hayotimizning kundalik bir lavhasi katta mahorat bilan ochib berilgan.

➖ Film ijodkorlari ta’kidi bilan aytganda, har bir bolaning ichida o‘ziga xos iste’dod yashirin. Uni yuzaga chiqarish hamda rivojlantirish ota-onalarning farzandiga berayotgan e’tiboriga, daldasiga bog‘liq.

➖“Iste'dod" ijtimoiy roligi sizga ana shu haqiqatni ko‘rsatib beradi.

❗️Hurmatli ota-onalar, farzandlaringizning qiziqishlari va iste’dodiga befarq bo‘lmang!

Telegram | Facebook | Instagram | YouTube

🟢GALAKTIKADA BIR KUN

⚡️ Termiz shahridagi Prezident maktabida “Zukko kitobxon” ko‘rik tanlovining 5-6-sinflar o‘rtasidagi saralash bosqichi O‘zbekiston yozuvchilar uyushmasi a'zosi, bolalar yozuvchisi, ijodkor - Sa'dullo Quronovning “Galaktikada bir kun” asari yuzasidan o‘tkazildi.

✔️Tadbirning ochilish marosimida onlayn tarzda yozuvchining ishtiroki va asar yuzasidan o‘tkazilgan savol-javoblar o‘quvchilarda ko‘tarinki kayfiyat baxsh etdi.

➖O‘quvchilar “Rigel”, “Koinot bolalari”, “Ko‘kkezar” va “Liderlar” nomli jamoalarga bo‘linib, bir-birlari bilan 2 ta shart asosida bellashdilar.

📝Ular:
1.Tezkor savol javob. (Galaktikada bir kun)
2.Sahna ko‘rinishi. (Galaktikada bir kun)

✅Bellashuv natijalariga ko‘ra, “Ko‘kkezar” jamoasi g‘olib deb topildi va keyingi final bosqichiga yo‘llanmani qo‘lga kiritdi.

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube

Rasmiy munosabat

Ijtimoiy tarmoqlar orqali Sariosiyo tuman ixtisoslashtirilgan maktab-internatida joriy yilning 18-yanvar kuni o‘quvchilar ovqatdan zaharlanganligi haqida xabarlar e'lon qilingan.
 
Sariosiyo tuman ixtisoslashtirilgan maktab-internatida 402 nafar o‘quvchiga 37 nafar o‘qituvchi, 8 nafar tarbiyachi ta’lim-tarbiya berib keladi. Maktab-internat yotoqxonasiga 120 nafar o‘quvchi joylashgan bo‘lib, shundan 32 nafarida 2024-yil 18-yanvar kuni soat 22:00-24:00 oralig‘ida sog‘lig‘i bilan bog‘liq ko‘ngil aynishi, oshqozonda va qorinda og‘riqlar kuzatildi.

Mazkur holat bo‘yicha maktab-internat hamshirasi birinchi yordam ko‘rsatdi, foydasi bo‘lmagach tez yordam xodimlarining ko‘rsatmasiga ko‘ra tuman tibbiyot birlashmasiga olib borildi. Ma’lumot o‘rnida maktab-internat oshxonasida autsorsing asosida “Azizbek Omad uchquni” MChJ faoliyat olib boradi.

Joriy yilning 19-yanvar kuni Sariosiyo tuman Sanitariya va epidimalogiya osoyishtalik markazi tomonidan maktab-internat oshxonasining sanitariya holati to‘liq o‘rganilib, 18-yanvar kuni o‘quvchilarga berilgan nonushta, tushlik va kechki ovqat namunalari tahlil uchun olindi.

Hozirda barcha o‘quvchilarning sog‘ligi yaxshi, dars jarayonlarda faol ishtirok etishmoqda. Shuni alohida ta'kidlaymizki, vaziyat IIB, SES hamda Ixtisoslashtirilgan ta'lim muassasalari agentligi tomonidan nazoratga olingan.

Telegram | Facebook | Instagram | YouTube