#Bizning_shunday_ustozlarimiz_bor
#Geografiya_PhD

🎓Allayorov Ruslan Xaykal o‘g‘li – Qarshi shahridagi Prezident maktabining oliy toifali geografiya fani o‘qituvchisi, geografiya fanlari bo‘yicha falsafa doktori (PhD). 1 ta monografiya, 2 ta ilmiy-ommabop risola, 5 ta o‘quv-uslubiy qo‘llanma, 1 ta amaliy tavsiyanoma va 70 dan ortiq ilmiy, ilmiy-uslubiy maqolalar muallifi. Geografiya o‘qitish metodikasi, ekoturizm va Janubi-g‘arbiy Hisor tog‘lari landshaftlari va geoekologiyasiga bag‘ishlangan maqola va tezislari Respublika hamda Rossiya, Qozog'iston, AQSH, Ispaniya, Kanada kabi xorijiy mamlakatlarning ilmiy jurnallari va ilmiy-amaliy konferensiyalari to‘plamlarida chop etilgan. Ko'plab tanlovlar g'olibi, geografiya fanidan milliy sertifikat sohibi. O'quvchilari mahalliy va mintaqaviy fan olimpiada ishtirokchisi va sovrindori.

Qarshi shahridagi Prezident maktabining rasmiy sahifalari:
Telegram | Instagram | Facebook | YouTube

#yangi_ixtisoslashtirilgan_maktab
#Farmon_ijrosi_amalda

Samarqand viloyatida Muhammad al-Xorazmiy maktabining filiali ochildi

Tadbirda Maktabgacha va maktab ta’limi vaziri Hilola Umarova, Ixtisoslashtirilgan taʼlim muassasalari agentligi direktori Alisher Ubbiyev, Samarqand tuman hokimi S.Usmonov, nuroniylar, keng jamoatchilik va ommaviy axborot vositalari vakillari ishtirok etdi.

Samarqand tumanida barpo etilgan mazkur maktab-internat 504 o‘ringa mo‘ljallangan.

Unda 58 ta o‘quv xonasi, 6 ta kompyuter xonasi, 6 ta laboratoriya va 7 ta xorijiy til xonasi, 250 o‘rinli faollar zali, sport zal, kutubxona va 250 o‘rinli oshxona mavjud.

Ma’lumot uchun: O‘zbekiston Respublikasi Prezidentining 2024-yil 1-apreldagi "Ixtisoslashtirilgan maktablar tarmog‘ini kengaytirish va ularning faoliyatini yanada takomillashtirish chora-tadbirlari to‘g‘risida"gi Farmonida Muhammad al-Xorazmiy nomidagi ixtisoslashtirilgan maktabining filiallari 13 ta hududda tashkil etilishi belgilab o’tilgan.

Telegram | Facebook | Instagram | YouTube

#4S_maʼnaviyat_festivali
#Termiz_shahri

Termiz shahridagi Prezident maktabi mezbonlik qilgan Prezident maktablari o‘rtasidagi “4S” ma’naviyat festivali o‘z nihoyasiga yetdi.

✅Festivalni Ixtisoslashtirilgan ta’lim muassasalari agentligining Prezident maktablari bilan ishlash bo‘limi bosh mutaxassisi Ma'mura Bahodirovna, Qarshi hamda Termiz shahridagi Prezident maktablarining ijrochi direktorlari ochib berishdi.

✨Tadbirning badiiy qismida Termiz shahridagi Prezident maktabi orkestr jamoasi o‘zlarining repertuarlaridagi eng sara asarlarini ijro etishdi. Shundan so‘ng, Surxon vohasining ming yillik o‘tmishi, qadimiy urf-odat va an’analarini o‘zida mujassam etgan “Milliy liboslar” namoyishi bo‘lib o‘tdi.

🔗Kunning ikkinchi yarmida esa Qarshi hamda Termiz shahridagi Prezident maktablari o‘qituvchilar va o‘quvchilar jamoalari o‘rtasida sport o‘yinlari, jamoaviy ishlash mashg‘ulotlari o‘tkazildi.

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube