#hududlardan_xabarlar

⏺Buxoro shahridagi Prezident maktabida mamlakatimiz mustaqilligining 33 yilligiga bagʻishlab “Vatanimni ta’riflayman” mavzusidagi taqdimotlarga start berildi.

⏺Termiz shahridagi Prezident maktabida "Ta’lim sifatini oshirishda xalqaro va milliy baholashning o‘rni" mavzusida seminar-trening oʻtkazildi.

⏺Farg’ona, Navoiy , Nurafshon shahridagi Prezident maktablari, Shayxontohur, Sergeli tumanlari ixtisoslashtirilgan maktablari, Namangan shahar 1-son ixtisoslashtirilgan maktabi oʻquvchilari SAT va IELTS sertifikatlarini yuqori natijalar bilan qoʻlga kiritdi.

⏺Nukus, Fargʻona, Qarshi shahridagi Prezident maktabi oʻquvchilari 100 foizlik grant asosida xorijiy va mahalliy universitetlarga oʻqishga qabul qilindi.

⏺Toshkent shahridagi Prezident maktabi va O‘zbekiston Ekologik partiyasi hamkorligida shanbalik tadbiri oʻtkazildi.

⏺Ogahiy nomidagi ijod maktabida "Chempion maktablar" kasbiy rivojlanish loyihasi doirasida davra suhbati tashkil qilindi.

⏺Shayxontohur tuman ixtisoslashtirilgan maktabida Koreya Respublikasining oʻndan ziyod universitetlari vakillari ishtirokida “Ta’lim yarmarkasi” oʻtkazildi.

⏺Xatirchi tuman ixtisoslashtirilgan maktabida xalqaro va mahalliy oliygohlarga oʻqishga kirgan bitiruvchilar bilan uchrashuv boʻlib oʻtdi.

⏺Kogon shahar hamda Bog‘ot tuman ixtisoslashtirilgan maktablarida Singapurning "Marshall Cavendish Education" xalqaro ta'lim tashkiloti dasturi asosida 3-bosqich treninglariga start berildi.

Telegram | Facebook | Instagram | YouTube | Portal

Bugun “Xorijiy tillarni oʻqitish boʻyicha eng yaxshi maktab” tanlovining taqdirlash marosimini oʻtkazdik.

Mazkur tanlov qisqa muddatda ommalashib ulgurdi. Raqamlarga murojaat qilsak, 2023/2024 oʻquv yilida oʻtkazilgan tanlovda 6 442 ta maktabning 32 210 nafar oʻquvchisi qatnashgan. Oʻtgan davr mobaynida tanlovda 110 mingga yaqin oʻquvchilar oʻz bilimlarini namoyon etdi.

Oʻn minglab qorakoʻzlarimiz qamrab olingan tanlovning yakuniy final bosqichiga yetib kelishning oʻzi katta gʻalaba.

Gʻoliblar, bugungi kun qahramonlarimiz bilan tanishing:

1-oʻrin Jizzax viloyati, Jizzax shahri 22-maktab jamoasi,

2-oʻrin Namangan viloyati, Chortoq tumani 53-IDUM jamoasi,

3-oʻrin Toshkent shahri, 110-IDUM jamoasiga nasib etdi.

Gʻoliblarga medallar hamda egallagan oʻrniga mos ravishda 300 mln soʻm, 400 mln soʻm hamda 500 mln soʻmlik pul mukofotlari topshiriladi.

Shuningdek, Prezident sovgʻasi sifatida Respublika bosqichi barcha ishtirokchilari va ularning ustozlari, jami 84 nafar oʻquvchi va pedagoglar oʻz bilim va koʻnikmalarini rivojlantirish uchun xorijga taʼlim sayohatiga yuboriladi.

Shuni bemalol aytish mumkinki, ushbu tanlov sabab xorijiy tillarni oʻrganish jarayoni maktablarimizda umummilliy harakatga aylandi.

Yana bir quvonarli statistikani keltirsam, chet tilini bilish sertifikatiga ega boʻlgan maktab bitiruvchilari soni oxirgi ikki yilda 6 mingdan 18 ming nafarga yetdi.

Bugungi tanlovda gʻolib boʻlgan barchani tabriklayman. Aziz yoshlar, oʻquvchilar xorijiy tillarni oʻrganishdan charchamang!