#Agentlik_fan_olimpiadasi
#5_10_sinflar

G‘OLIBLAR TAQDIRLANDI

Joriy yilning 12-13-may kunlari Ixtisoslashtirilgan ta'lim muassasalari agentligi tizimidagi maktablar o'rtasida STEAM fanlari bo'yicha olimpiadaning Agentlik bosqichi o'tkazilgan edi. Unda hududiy (viloyat) bosqichida g'oliblikni qo'lga kiritgan 882 nafar o'quvchi ishtirok etdi.

Olimpiadaning yakuniy natijalariga ko'ra, 5-10-sinflar o‘rtasida g‘oliblikni qo'lga kiritgan (1-2-3-o'rinlarni egallagan) 87 nafar o‘quvchilarga Agentlikning sovg‘alari bugun 25-may kuni maktablarimizda tashkil etilgan "So‘nggi qo‘ng‘iroq" tadbirlarida tantanali ravishda topshirildi.

Ushbu olimpiadada 1-2-3-o'rinni egallagan 11-sinf o'quvchilari shu yilning 10-iyun kuniga qadar Toshkent shahridagi Muhammad al-Xorazmiy nomidagi ixtisoslashtirilgan maktabida Agentlik rahbariyati tomonidan tantanali ravishda taqdirlanishi rejalashtirilgan.

Agentlikning rasmiy sahifalariga ulanish:
Telegram | Facebook | Instagram | YouTube

Maktab yillar bu har bir inson hayotidagi eng ajoyib damlardir. Har birimizning hayotimizda maktab bilan bog‘liq yorqin xotiralar bor.

Bugun 18 yil avval bitirgan maktabimga bordim. Ustozlarimni ko‘rib, ular bilan suhbatlashdim, duolarini oldim. O‘sha sinfxonalardagi partalarda o‘tirib, sinfdoshlarim bilan maktab davrlariga qaytdik.

Toshkent shahridagi 241-maktab... Hozirgiday yodimda, 1-sinfga borganimda meni ustozim O‘g‘iloy opa qarshi olgan edilar. Ularning qo‘llarini tutganimcha yozishni, o‘qishni o‘rgandim. Yuqori sinflardagi har bir ustozimdan olgan saboqlarim keyinchalik oliy ta’lim dargohlarida, hayotda va hatto hozirgacha ish faoliyatimda menga as qotyapti.

Ustozlarimizning bizni har tomonlama qo‘llab-quvvatlashgani, har qanday qiyin vaziyatda ham tushunib, bizga nafaqat ustoz balki do‘st ham bo‘lishganini juda qadrlayman.

Bugun erishgan barcha yutuqlarimda maktabim va undagi ustozlarimning o‘rni beqiyos va men buning uchun ularga minnatdorlik izhor qilaman.

#Seminar_trening

🔴 Maktabgacha va maktab ta’limi vazirligi tomonidan tashkil etilgan “Ta’limda boshqaruv” mavzusidagi seminar-treninglarga start berildi.

Mazkur tadbirda Qoraqalpog‘iston Respublikasi Maktabgacha va maktab ta’limi vaziri, Toshkent shahar, viloyatlar maktabgacha va maktab ta’limi boshqarma boshliqlari, ularning o‘rinbosarlari hamda mas’ullar ishtirok etishmoqda.

❗️Tadbir avvalida Maktabgacha va maktab ta’limi vaziri Hilola Umarova so’zga chiqib, bu kabi treninglarning ahamiyati hamda ta’limda boshqaruvning to’g’ri yo’lga qo’yilganligi naqadar muhimligi haqida so’z yuritdi.

⚡️ Shundan so’ng, seminar-treninglarning amaliy qismiga start berilib, vazir “motivatsion kouching”larni boshlab berdi.

Unda hududiy rahbarlarning ish faoliyatini yo’lga qo’yish, samarali boshqaruv tizimini shakllantirish kabi mavzularda so’z bordi.

📌 Kunning ikkinchi yarmida ishtirokchilar uchun sho’balarga bo’lingan holda seminar-treninglar bo’lib o’tadi.

Vazirlikning rasmiy sahifalariga ulanish
Telegram | Youtube | Facebook | Instagram

#Seminar_trening

“Ta’limda boshqaruv” mavzusidagi seminar-treninglar davom etmoqda

🔴 Seminar-treninglar quyidagi yo’nalishlarda bo’lib o’tmoqda:

▶️ o‘quvchi qabuli,
▶️ Ixtisoslashtirilgan ta’lim muassasalari agentligi maktablaridagi yondashuv, mezonlarga asoslangan baholash tizimi,
▶️ umumta’lim maktablarida inklyuziv ta’limni joriy etish,
▶️ maktablarda o‘quvchilarni bepul ovqatlantirish,
▶️ ikkinchi xorijiy tilni va kasb o‘rgatishni joriy etish,
▶️ nodavlat ta’lim muassasalari faoliyati,
▶️ attestatsiya va akreditatsiya, milliy reyting,
▶️ maktabgacha ta’lim muassasalariga qamrov darajasi.

❗️ Treninglar davom etmoqda.

Vazirlikning rasmiy sahifalariga ulanish
Telegram | Youtube | Facebook | Instagram