Hurmatli ta’lim tizimi xodimlari!
Aziz o‘quvchilar!

Avvalo, barchangizni yangi o‘quv yili boshlanishi munosabati bilan chin dildan tabriklayman.

So‘zim avvalida shuni aytishni istardim: bilim barcha eshiklarning kaliti, muvaffaqiyatning asosidir. Bugungi kunda yurtimizda ta'limga juda katta e'tibor qaratilmoqda va bularning barchasi barkamol avlodni tarbiyalab, yetishtirishga qaratilgan.

Yangi o‘quv yilida bolajonlarimizni ko'plab yangiliklar, xususan boshlang‘ich sinflar uchun ishlab chiqilgan yangi darsliklar kutib turibdi. Bularning bari, umuman sohada qilinayotgan har bir islohot yurtimiz ertasi bo‘lgan farzandlarimizning iqboli uchun amalga oshirilmoqda.

Zamon shiddat bilan rivojlanib bormoqda va ulkan marralarni zabt etishda maktab ta'limining o‘rni beqiyos. Bunda biz fidoyi va o'z ishining ustasi bo‘lgan ustozlarimizga suyanamiz.

Ta'til kunlarida biz pedagog-kadrlar uchun o'quv-seminarlar tashkil etdik va kasbiy rivojlanish darslarida o’zaro sohadagi yangiliklarni bo'lishishlariga zamin hozirladik. Zero, malakali o'qituvchi sifatli ta'limning boshida turadi.

Qadrli ustozlar,
aziz o’quvchilar!

Yangi o‘quv yilida sizga omad va zafar yor bo‘lishini tilayman.

Fanlarni chuqur o'rganib, yurt koriga yaraydigan farzand bo'lib yetishishingizga tilakdoshman!

Barchangizga muvaffaqiyat yor bo‘lsin!

Hilola Umarova,
Maktabgacha va maktab ta'limi vaziri

✅Buxoro shahridagi Prezident maktabida "Yangi hayot uchun, Yangi Oʻzbekiston uchun!" shiori ostida birinchi qoʻngʻiroq dasturi boʻlib oʻtdi.

📌Oʻquvchilar tomonidan ijro etilgan vatanparvarlik ruhidagi goʻzal sheʼr va qoʻshiqlar tashrif buyurgan mehmonlarga aʼlo kayfiyat ulashdi.

✅Buxoro shahridagi Prezident maktabining ijtimoiy tarmoqdagi rasmiy sahifalari:👇
Facebook | Instagram |Youtube |Telegram

✅Buxoro shahridagi Prezident maktabida "Yangi hayot uchun, Yangi Oʻzbekiston uchun!" shiori ostida birinchi qoʻngʻiroq dasturi boʻlib oʻtdi.

📌Oʻquvchilar tomonidan ijro etilgan vatanparvarlik ruhidagi goʻzal sheʼr va qoʻshiqlar tashrif buyurgan mehmonlarga aʼlo kayfiyat ulashdi.

📌Bugungi tadbirdan videolavha.