📸📸📸ФОТАФАКТ: Стала вядома аб прызначэнні дапаможнага біскупа Пінскай дыяцэзіі

19 ліпеня 2024г. Папа Францішак прызначыў ксяндза Андрэя Зноску, да гэтага часу пробашча парафіі Божай Міласэрнасці ў Лідзе Гродзенскай дыяцэзіі, дапаможным біскупам Пінскай дыяцэзіі, надаючы яму тытулярны пасад Скардоны. Гэтая навіна, як для самога ардынарыя Ксяндза Біскупа Антонія Дзям’янкі, так і для ўсіх святароў і вернікаў нашай дыяцэзіі сталася вялікай радасцю.

Прызначэнне біскупам у Каталіцкім Касцёле належыць выключна да кампетэнцыі самога Папы.

Ксёндз Андрэй Зноска стаў дапаможным біскупам Пінскай дыяцэзіі, а значыць, ён будзе здзяйсняць сваю паслугу ў залежнасці ад ардынарыя Ксяндза Біскупа Антонія Дзям’янкі, і ў сціслым супрацоўніцтве з ім. Для католікаў Пінскай дыяцэзіі гэтая падзея–знак увагі і клопату Апостальскай Сталіцы пра справы мясцовага касцёла.

Варта зазначыць, што дадзенае рашэнне Папы Францішка мае месца на парозе 100 гадовага юбілею Пінскай дыяцэзіі, якая была створаная ў 1925г.
@pinsk_newsPV