#imtihon_2024
#Prezident_maktablari
#oʻquvchilar_boʻsh_oʻrinlari

🤩 Bugun, 29-avgust kuni Muhammad al-Xorazmiy nomidagi ixtisoslashtirilgan maktabida Agentlik tizimidagi barcha Prezident maktablariga oʻquvchilar boʻsh oʻrinlari uchun kirish imtihonlari oʻtkazildi.

Maʼlumot oʻrnida, Respublikadagi barcha Prezident maktablariga oʻquvchilarning boʻsh oʻrinlari uchun jami 44 nafar talabgor, shundan:

📍Guliston shahridagi Prezident maktabiga 11 nafar;
📍Navoiy shahridagi Prezident maktabiga 3 nafar;
📍Nukus shahridagi Prezident maktabiga 10 nafar;
📍Nurafshon shahridagi Prezident maktabiga 6 nafar;
📍Qarshi shahridagi Prezident maktabiga 6 nafar;
📍Termiz shahridagi Prezident maktabiga 8 nafar oʻquvchilarning hujjatlari qabul qilingan.

Telegram | Facebook | Instagram | YouTube | Portal

#ochiq_eshiklar_kuni
#Prezident_maktabi

🤩 Agentlik tizimidagi Termiz shahridagi Prezident maktabida 2024/2025-oʻquv yili uchun 5-sinfga qabul qilingan 24 nafar oʻquvchi hamda ularning ota-onalari, yaqinlari ishtirokida "Ochiq eshiklar kuni" oʻtkazildi.

Dastlab mehmonlar maktab hayoti, oʻquv va laboratoriya xonalari, kutubxona, oʻquvchilar turar joyi, maktab oshxonasi va boshqa mavjud shart-sharoitlar bilan tanishtirildi.

Shundan soʻng, oʻquvchilar va ularning ota-onalari Prezident maktabi Konstitutsiyasi, shuningdek, Axloq kodeksi talablari, maktab “Oʻquvchilar turar joyi” nizomi va ichki tartib-qoidalar bilan tanishtirildi hamda ikki tomonlama shartnomalar imzolandi.

Telegram | Facebook | Instagram | YouTube | Portal

#Kelajak_bunyodkorlari
#Prezident_maktabi

🤩 PREZIDENT MAKTABI OʻQUVCHILARI – KELAJAK BUNYODKORLARI

▶️ Batafsil videorolikda. Oʻquvchimizning ota-onasining farzandini kelajak bunyodkori qilish yoʻlidagi mehnat va mashaqqatlarini tinglab koʻzingizga yosh keladi.

Telegram | Facebook | Instagram | YouTube

#harbiy_vatanparvarlik
#Prezident_maktabi

🤩 Namangan shahridagi Prezident maktabi hamda Sharqiy harbiy okrug qoʻshinlari bilan hamkorlikda oʻquvchi-yoshlar ishtirokida “Harbiy qismda bir kun” loyihasi amalga oshirildi.

Tadbir doirasida Prezident maktabi oʻquvchilari Namangan garnizonidagi harbiy qismda kutib olindi.

Yoshlarni vatanparvarlik ruhida tarbiyalash, milliy qadriyatlarimizga hurmat, yurtga muhabbat va sadoqatini mustahkamlash maqsadida o‘tkazilgan tadbirda oʻquvchilar harbiy qismda yaratilgan sharoitlar bilan yaqindan tanishtirildi. Qurol-aslahalar va vositalar koʻrgazmasi oʻtkazildi.

Shundan soʻng, oʻquvchilar “Gʻurumsaroy” dala oʻquv maydonida boʻldi. Bu yerda yoshlar amaliy mashgʻulotlarda toblanayotgan harbiy xizmatchilar bilan suhbatlashib, o‘zlarini qiziqtirgan savollariga javoblar oldi.

Telegram | Facebook | Instagram | YouTube

#Prezident_maktabi
#harbiy_vatanparvarlik

🤩 Termiz shahridagi Prezident maktabiga O‘zbekiston Respublikasi Milliy gvardiyasi qo‘mondonining tarbiyaviy ishlar, kadrlar va yoshlar masalalari bo‘yicha o‘rinbosari Sarvar Mamayusupov tashrif buyurdi.

Tashrif davomida, Termiz shahridagi Prezident maktabi o‘quvchilarining Milliy gvardiya hududiy qo‘riqlash boshqarmalariga tashriflarini tizimli amalga oshirish mexanizmi, yoshlarni vatanparvarlik ruhida tarbiyalash bo‘yicha bir qator ustuvor vazifalar belgilab olindi.

Shuningdek, o‘quvchi-yoshlar bilan o‘tkaziladigan tabdirlar hamda mashg‘ulotlar rejasini ishlab chiqish bo‘yicha kelishib olindi.

Mehmon maktabda harbiy-vatanparvarlik targʻiboti yoʻnalishida amalga oshirilgan ishlarni ijobiy baholab, taʼlim maskani oʻquv jamoasiga oʻz minnatdorligini bildirdi.

Telegram | Facebook | Instagram | YouTube

#Prezident_maktablari
#AQSH
#Fulbright

🤩 Qarshi shahridagi Prezident maktabining oʻquv ishlari bo'yicha direktor oʻrinbosari Muborak Hazratqulova AQShda amaliyot oʻtamoqda.

AQShning Oʻzbekistondagi elchixonasi oʻrta taʼlim muassasalari oʻqituvchilari uchun AQShda 6 hafta davomida amaliyot oʻtash imkoniyatini taqdim etuvchi The 2024 Fulbright Teaching Excellence and Achievement (TEA) Program dasturini eʼlon qilgan edi.

Muborak Hazratqulova ham ushbu dasturda ishtirok etib, ayni vaqtda AQSHning Kolorado shtatida Shimoliy Kolorado Universitetida malaka oshirish kursida qatnashmoqda va Amerika maktablarida tajriba almashmoqda.

Mazkur dastur doirasida oʻzbek madaniyati va anʼanalari amerikalik maktab oʻquvchilariga tanishtirilmoqda.

Telegram | Facebook | Instagram | YouTube

#sayyor_dars
#Prezident_maktabi

🤩 Namangan shahridagi Prezident maktabining 5-sinf oʻquvchilari “Money and how to spend it” mavzusini amaliy oʻrganishlari uchun sayyor dars tashkil etildi.

Sayyor dars jarayonlari Namangan shahridagi savdo markazlaridan biri – Sardoba bozorida olib borildi. Oʻquvchilar mahsulot xarid qilish, savdolashishga oid inglizcha soʻzlar va iboralarni amalda sinab koʻrdilar.

Shu bilan birga sinflar kichik guruhlarga boʻlingan holda pulni toʻgʻri va oʻrinli sarflash, jamoada hamkorlikda ishlash, muomala madaniyati va mehnat tarbiyasi kabi koʻnikmalarni oʻzlashtirdilar.

Telegram | Facebook | Instagram | YouTube

#imtihon_2024
#Prezident_maktablari_tajribasi
#Kembrij_oʻquv_dasturi

⚡️Qoraqalpog‘iston Respublikasi Nukus shahridagi 46-sonli umumiy o‘rta ta’lim maktabida Prezident maktablari tajribasi asosida tashkil etilgan o‘zbek va qoraqalpoq tilidagi 5-sinflarga kirish imtihonlari o‘tkazildi.

Kirish imtihonlari bugun, 14-noyabr kuni Nukus shahridagi Bilim va malakalarni baholash agentligi binosida bo‘lib o‘tdi. Imtihon jarayonlari Ixtisoslashtirilgan ta’lim muassasalari agentligi tomonidan tashkil etilib, bir bosqichda, matematika va ingliz tili fanlaridan 30 tadan jami 60 ta topshiriqlarni bajarish uchun 120 daqiqa vaqt berildi.

Qabul jarayonida jami 315 nafar o‘quvchi hujjat topshirgan bo‘lib, ulardan 96 nafari o‘zbek sinfiga, 219 nafari qoraqalpoq sinfiga to‘g‘ri keldi. Kirish imtihonidan muvaffaqiyatli o‘tgan 20 nafar o‘quvchi o‘zbek sinfiga, yana 20 nafar o‘quvchi esa qoraqalpoq sinfiga qabul qilinadi.

Ma’lumot o‘rnida, tashkil etilayotgan ushbu sinflarda Kembrij dasturi asosida o‘qitish tizimi bosqichma-bosqich joriy etiladi. Mazkur sinflarga muntazam ravishda Nukus shahridagi Prezident maktabining xorijiy va mahalliy oʻqituvchilari tomonidan metodik yordam koʻrsatib boriladi.

Telegram | Facebook | Instagram | YouTube

#Jadidlar_izidan
#Prezident_maktabi

🤩 Termiz shahridagi Prezident maktabida “Jadidlar izidan” nomli ma’naviy-ma’rifiy tadbir tashkil etildi.

Ma’rifatparvar jadid bobolarimizning ibratli hayot yo‘li aks etgan taqdimot va o‘quvchilar tomonidan ijro etilgan “Jadid bobolarga xiyonat qilma” she’ri tadbir ishtirokchilari qalbida Vatanga muhabbat, sadoqat tuyg‘ularini yanada oshirdi.

Ayniqsa, ta’lim maskani ustozlarining Mahmudxo‘ja Behbudiy, Abdulla Avloniy, Abdulla Qodiriy, Abdulhamid Cho‘lpon kabi o‘zbek jadidchiligi namoyandalari qiyofasidagi chiqishlari, ular ijrosidagi she’r va monologlar o‘quvchilarda katta taassurot qoldirdi.

Telegram | Facebook | Instagram | YouTube

#Prezident_maktablari_tajribasi
#Kembrij_oʻquv_dasturi

⚡️KEMBRIJ SINFIDA BIRINCHI QO‘NG‘IROQ CHALINDI

Qoraqalpog‘iston Respublikasi Nukus shahridagi 46-sonli umumiy o‘rta ta’lim maktabida Prezident maktablari tajribasi asosida tashkil etilgan o‘zbek va qoraqalpoq tilidagi 5-sinflarga kirish imtihonlari o‘tkazilgani haqida xabar bergan edik.

Bugun mazkur sinflarda birinchi qoʻngʻiroq chalinib, kirish imtihonlaridan muvaffaqiyatli oʻtgan oʻquvchilar uchun darslar boshlandi.

Ma’lumot o‘rnida, tashkil etilgan ushbu sinflarda Kembrij dasturi asosida o‘qitish tizimi bosqichma-bosqich joriy etilib, muntazam ravishda Nukus shahridagi Prezident maktabining xorijiy va mahalliy oʻqituvchilari tomonidan metodik yordam koʻrsatib boriladi.

Telegram | Facebook | Instagram | YouTube