Vazirlik rahbariyati Xorazmdagi ta’lim tashkilotlarida yaratilgan sharoitlar bilan tanishdi

Bugun Maktabgacha va maktab ta’limi vaziri Hilola Umarova hamda uning birinchi o’rinbosari Agrippina Shin Xorazm viloyatidagi ta’lim tashkilotlarida bo‘ldi.

Dastlab, viloyat maktabgacha va maktab ta’limi boshqarmasida bo‘lib, viloyatda joriy qilingan APro platformasi imkoniyatlari bilan tanishdi.

So‘ngra Xiva shahridagi 18-son umumta’lim maktabida o‘quvchilarni kasb-hunarga yo‘naltirish borasida qilingan ishlarni kuzatib, o‘quvchilar bilan tanlagan kasblari hamda maktabda yaratilgan sharoitlar haqida suhbatlashdi.

Keyingi manzil Xiva shahar 15-son maktabgacha ta’lim tashkiloti bo‘ldi. Vazir bu yerda jajji bolajonlar uchun yaratilgan sharoitlarni o‘rgandi.

So‘ngra Xiva pedagogika kolleji oshxonasining yangi binosining ochilish marosimida qatnashdi. O‘qituvchi hamda o‘quvchilarning kelgusidagi rejalari bilan qiziqdi.

Agentlikning rasmiy sahifalariga ulanish:
Telegram | Facebook | Instagram | YouTube

Vazir Hilola Umarova xorazmlik 20 nafar faxriy o‘qituvchini "Xalq ta'limi fidoyisi" ko'krak nishoni bilan taqdirladi

Bugun Xiva shahrida bo‘lib o‘tgan tadbirda Maktabgacha va maktab ta’limi vaziri Hilola Umarova xorazmlik o‘qituvchilar bilan uchrashdi.

Unda Xiva shahar hokimi Temur Davletov va “O’zbekiston Qahramoni”, pedagog Anora Mahmudova ham ishtirok etdi.

Uchrashuv so‘nggida viloyatda faoliyat yuritayotgan 20 nafar faxriy hamda fidoyi ustozlar “Xalq ta’limi fidoyisi” ko‘krak nishoni bilan taqdirlandi.
_
Ma’lumot uchun, bugungi kunda Xorazm viloyatida 555 ta maktab va 1735 ta maktabgacha ta’lim tashkilotlarida 358 ming o‘quvchi va 121 ming tarbiyalanuvchi tahsil olmoqda.

Agentlikning rasmiy sahifalariga ulanish:
Telegram | Facebook | Instagram | YouTube