#Xalqaro_maktablar_kengashi

🤩 PREZIDENT MAKTABI DIREKTORI XALQARO MAKTABLAR KENGASHI KOMISSIYASI AʼZOLARI SAFIDA

Ayni vaqtda Toshkent shahridagi Prezident maktabi ijrochi direktori Maʼmura Tojiboyeva Baku shahridagi “Baku Oxford School” maktabida CIS (Xalqaro maktablar kengashi) komissiyasi aʼzosi sifatida ushbu taʼlim maskani faoliyatini oʻrganmoqda.

Albatta, Oʻzbekistonlik pedagog va ekspertlarning xalqaro maydonga chiqishi mamlakatimizda soʻnggi yillarda taʼlim sohasida amalga oshirilayotgan keng qamrovli islohotlar, ularning eʼtiborga molik amaliy natijalari va ushbu sohada xorijiy davlatlar bilan ilgʻor tajriba almashish tizimi yoʻlga qoʻyilgani bilan bevosita bogʻliqdir.

Telegram | Facebook | Instagram | YouTube

Usmon Sharifxodjayev yangi lavozimga kuzatildi

Oʻzbekiston Respublikasi Prezidentining tegishli farmoniga asosan, bugungi kunga qadar Maktabgacha va maktab taʼlimi vazirining birinchi oʻrinbosari sifatida faoliyat yuritib kelgan Usmon Sharifxodjayev Oʻzbekiston Respublikasi Prezidenti huzuridagi Ijtimoiy himoya agentligi direktori oʻrinbosari etib tayinlandi.

Bugun Maktabgacha va maktab taʼlimi vazirligida Usmon Sharifxodjayevni kuzatish marosimi boʻlib oʻtdi. Vazirlik jamoasi uning kelgusi kasbiy faoliyatida katta muvafaqqiyatlar tiladi.

Shu oʻrinda Usmon Sharifxodjayev ham oʻtgan vaqt davomida barcha hamkasblar bilan hamjihat mehnat qilganligini taʼkidlab oʻtdi hamda buning uchun vazirlik jamoasiga oʻz minnatdorligini bildirdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Rahbar_va_yoshlar_uchrashuvi
#Harbiy_Vatanparvarlik

🤩 Uchqoʻrgʻon tuman ixtisoslashtirilgan maktabida Oʻzbekiston Respublikasi Qurolli Kuchlari Sharqiy harbiy okrug qoʻshinlari qoʻmondoni oʻrinbosari, polkovnik Maqsud Daminov hamda Uchqoʻrgʻon tuman hokimi Dilshod Mirxonov bilan "Rahbar va yoshlar" uchrashuvi oʻtkazildi.

Mehmonlar maktabda harbiy-vatanparvarlik targʻiboti yoʻnalishida amalga oshirilgan ishlarni ijobiy baholab, taʼlim maskani oʻquv jamoasiga oʻz minnatdorligini bildirdi.

Uchrashuvda mehmonlarga maktab oʻquvchilari tomonidan tayyorlangan musiqiy va badiiy dastur havola etildi. Harbiy qurollar koʻrgazmasi, harbiy orkestr va askarlarning jangovar chiqishlari uchrashuv ishtirokchilarida katta taassurot qoldirdi.

Telegram | Facebook | Instagram | YouTube

#xalqaro_hamkorlik

🤩 Toshkent shahridagi Prezident maktabiga Massachusets texnologiyalari institutining akademik rivojlanish boʻyicha prorektori, professor — Erik Grimson tashrif buyurdi.

Ushbu tashrif O’zbekistonda ilk bora o’tkazilayotgan Markaziy Osiyo Universitetlari forumi doirasida amalga oshirildi.

Tashrif davomida mehmonlar muassasada tashkil etilgan ta'lim jarayonlari, undagi shart-sharoitlar va fan mutaxassislari- ustozlar bilan tanishishdi.

Shuningdek, Erik Grimson Toshkent shahridagi Prezident maktabining iqtidorli, eng ilg'or hamda zamonaviy bilimlarni chuqur egallab kelayotgan bir qator o'quvchilari bilan bevosita muloqot qilish barobarida dunyoning birinchi raqamli Massachusets texnologiyalari instituti haqida ham ma’lumotlarni ulashdi.

Ushbu institut qabul shartlari, xorijiy talabalar uchun ajratiladigan grantlar va afzalliklar haqida tushunchalar berildi.

Telegram | Facebook | Instagram | YouTube

#xalqaro_hamkorlik

🤩 Turkiya Respublikasi Prezidenti administratsiyasining Inson resurslari boshqarmasi boshligʻi Salim Atay boshchiligidagi delegatsiya Agentlikka tashrif buyurdi.

Agentlik direktori Alisher Ubbiyev Davlatimiz rahbari tomonidan so’ngi yillarda ta’lim sohasiga berilayotgan keng ko’lamli islohotlar, jumladan Prezident, ijod hamda ixtisoslashtirilgan maktablar faoliyati bilan mehmonlarni tanishtirdi.

Mehmonlar Agentlik faoliyati, o’quvchilar erishayotgan yuqori natijalari va yutuqlariga yuqori baho berdi. O’zbekistonda barcha sohalar singari ta’lim sohasi ham shiddat bilan rivojlanib, katta e’tiroflarga sazovor bo’layotganini ta’kidladi.

Delegatsiya a’zolari Agentlik tizimidagi maktablarni tamomlab hozirgi kunda Turkiyada tahsil olayotgan o’quvchilarimiz uchun turli vazirliklarda, davlat idoralarida amaliyot o’tashiga sharoit yaratish, o’quvchilarni shu borada qo’llab-quvvatlashga tayyor ekanligini bildirdi.

Telegram | Facebook | Instagram | YouTube