#bizning_shunday_oʻquvchilarimiz_bor
#100_foizlik_grant

⚡️Ixtisoslashtirilgan maktab bitiruvchisi xorijdagi bir qancha universitetlarga 100 foizlik grant asosida o‘qishga qabul qilish bo'yicha takliflarni qoʻlga kiritdi.

Kasbi tuman ixtisoslashtirilgan maktabining 11-sinf oʻquvchisi Jahongir Umirov 40 dan ortiq xalqaro oliy taʼlim muassasalaridan oʻqishga qabul qilinishga takliflar oldi.

Ular orasida 100 foizlik grant ajratgan universitetlar ham bor.

Jahongirning hozirgacha qoʻlga kiritgan xalqaro taʼlim grantlarining jami miqdori qariyb 3 000 000 AQSh dollarini tashkil qilmoqda.

Quyida oʻquvchimizning qabul qilingan va grant yutgan universitetlari roʻyxatini koʻrishingiz mumkin.

Oʻquvchimizning kelgusidagi oʻqish va ishlarida omad va ulkan zafarlar tilaymiz!

Telegram | Facebook | Instagram | YouTube

#hududlardan_xabarlar
#kunlik_dayjest

⏺Guliston shahridagi Prezident maktabi, Guliston shahar 1-son ixtisoslashtirilgan maktab-internati, Kogon tuman ixtisoslashtirilgan maktabi bitiruvchilari xalqaro va milliy taʼlim grantlarini qoʻlga kiritdi.

⏺"Xon atlas” haftaligi doirasida Samarqand, Fargʻona shaharlari Prezident maktablari, Abdulla Oripov, Hamid Olimjon va Zulfiya, Abdulla Qodiriy nomidagi ijod maktablari, Navbahor, Kogon, Qoʻngʻirot, Uychi, Norin, Oltinsoy, Namangan, Angor, Qorakoʻl tumanlari, Urganch, Buxoro shaharlari ixtisoslashtirilgan maktab va maktab-internatlarida maʼnaviy-maʼrifiy tadbirlar tashkil etildi.

⏺Guliston shahridagi Prezident maktabida "Oʻrganamiz, oʻrgatamiz" loyihasi yoʻlga qoʻyildi.

⏺Andijon shahridagi Prezident maktabi oʻquvchilari uchun bank mutaxassislari ishtirokida “Moliyaviy savodxonlikni birgalikda oshiramiz” mavzusida amaliy trening tashkil etildi.

⏺Abdulla Oripov nomidagi ijod maktabi, Shovot tuman ixtisoslashtirilgan maktab-internatida "Farzandimga kitob sovgʻa qilaman" aksiyalari oʻtkazildi.

⏺Abdulla Qodiriy nomidagi ijod maktabida “Orasta qizlar” klubining navbatdagi yig’ilishi bo’lib o’tdi.

⏺Ibroyim Yusupov nomidagi ijod maktabi Ixtisoslashtirilgan ta’lim muassasalari agentligi tizimidagi ijod maktablari oʻquvchilari oʻrtasida "Poema – she’riyatning yuragi" nomli onlayn tanlov e’lon qildi.

⏺Hamid Olimjon va Zulfiya nomidagi ijod maktabi oʻquvchilari Abdulla Oripov nomidagi ijod maktabi faoliyati bilan yaqindan tanishdi.

⏺Halima Xudoyberdiyeva nomidagi ijod maktabi oʻquvchisi Aziza Rahmatullayevaning she'riy toʻplami nashr etildi.

⏺Sergeli tuman ixtisoslashtirilgan maktabining 10-sinf oʻquvchisi Sardor Mamutov IELTS imtihonidan 7.0 (C1) ballni qoʻlga kiritdi.

⏺Sardoba, Xatirchi tumanlari ixtisoslashtirilgan maktablarida bilimlar bellashuvi oʻtkazildi.

⏺Kosonsoy tuman ixtisoslashtirilgan maktabida hududdagi umumtaʼlim maktablari oʻquvchilari uchun "Ochiq eshiklar kuni" tashkil etildi.

Telegram | Facebook | Instagram | YouTube