#Xalqaro_tajriba

O‘zbekistonning PISA 2022 tadqiqotidagi natijalari eʼlon qilindi

✅ Maktabgacha va maktab taʼlimi vazirligi, Jahon banki va OECD tashkiloti hamkorligida O‘zbekistonning PISA 2022 tadqiqoti natijalariga bag‘ishlangan xalqaro ilmiy-amaliy konferensiya bo'lib o'tdi.

❗️Mazkur tadbir PISA 2022 tadqiqoti natijalarining xalqaro darajada eʼlon qilinishi munosabati bilan tashkil etildi.

Konferensiyani kirish so'zi bilan vazir Hilola Umarova ochib berdi:

– Prezidentimiz tomonidan zamonaviy ko‘nikmalarga ega, keng dunyoqarashli zamonaviy kadrlar tayyorlash hamda ta’lim tizimini takomillashtirishdagi xalqaro integratsiya masalalariga alohida e’tibor qaratib kelinayotganligi barchaga yaxshi ma’lum.

Bugun e'lon qilingan O‘zbekiston ta’lim tizimining PISA tadqiqotlaridagi ilk natijalarini oldimizga qo‘ygan maqsadlarga erishishdagi keyingi qadamlarimiz uchun juda muhim omil bo‘lib xizmat qilishiga ishonaman.

Albatta, sohada yutuqlarimiz qatorida ba’zi muammolarimiz ham bor, buni yashirmaymiz. Ammo niyatimiz ham, maqsadimiz ham shuki, biz bu kamchiliklarni bartaraf etish uchun barcha imkoniyatlarni ishga solganmiz. Buning uchun malakali mutaxassislarimiz, mehnatkash ustoz-o‘qituvchilarimiz bilimi va salohiyatiga suyanamiz.
___________

➖ PISA 2022 tadqiqotida, O‘zbekistondagi 15 yoshli o‘quvchilar matematika fanidan jami 364 balni qo'lga kiritdi.

❗️Mazkur yo‘nalishda o‘g‘il bolalar qizlarga qaraganda balandroq, maktablar joylashuvi bo‘yicha tahlil qilinganda shahar maktablari qishloq maktablaridan yaxshiroq natija qayd etdi.

Shuni alohida ta'kidlash joizki, PISA 2022 tadqiqotda ustuvor yo‘nalish etib matematika belgilangan edi.

#Bayramga_munosib_tuhfa

⚡️Yangi Namangan tuman ixtisoslashtirilgan maktabi foydalanishga topshirildi
 
✅Maktabning ochilish marosimida Namangan viloyati hokimi Shavkatjon Abdurazzoqov ishtirok etib, barchani bosh qomusimizning 31 yillik ayyomi bilan qutladi hamda so‘nggi yillarda mamlakatimiz ta’lim tizimida yuz berayotgan o‘zgarish va yangilanishlar chuqur bilimga ega, har taraflama barkamol yosh avlodni tarbiyalashga xizmat qilayotganini alohida ta’kidladi.

🏢 336 o‘ringa mo‘ljallangan ushbu dargoh tumanning Mehnatobod mahallasida joylashgan sobiq mehribonlik uyi o‘rnida barpo etilgan bo‘lib, 8 mlrd so‘mdan ziyod mablag‘ evaziga to‘liq qayta ta’mirdan chiqarildi va har bir sinf xonalari innovatsion texnika jihozlari bilan boyitildi.

🗣Ayni paytda o‘quv muassasasida 40 nafar pedagog va texnik xodimlar ishga jalb etilgan bo‘lib, bu yerda 179 nafar yuqori sinf o‘quvchilari uchun jahon standartlari asosida ta’lim-tarbiya beriladi.

Agentlikning rasmiy sahifalariga ulanish:
Telegram | Facebook | Instagram | YouTube

#Boshqaruv_kengashi

🗺Ixtisoslashtirilgan taʼlim muassasalari agentligida Prezident maktablari Boshqaruv kengashining yigʻilishi boʻlib oʻtdi.

📝 Unda Boshqaruv kengashining maqsad va vazifalari, Prezident maktablarini yanada takomillashtirish chora-tadbirlari, maktablarni xalqaro miqyosda tan olingan nufuzli taʼlim tashkilotlari akkreditatsiyasidan oʻtkazish borasida olib borilayotgan ishlar, maktablarda ish yuritish hujjatlarini hamda zamonaviy xorijiy tajribalarni ta’lim jarayoniga tatbiq etish singari masalalar koʻrib chiqildi.

Shuningdek, yig’ilish doirasida Agentlik rahbari Konstututsiyamiz qabul qilinganligining 31 yilligi munosabati bilan barchani tabrikladi va Bosh Qomusimizdagi ta’limga oid bandlarga alohida to’xtalib o’tdi.

Agentlikning rasmiy sahifalariga ulanish:
Telegram | Facebook | Instagram | YouTube

🗺Dubay shahrida boʻlib oʻtgan “Zayed barqarorlik mukofoti”da kuchli uchlikdan oʻrin olgan oʻquvchilarimiz Toshkentga qaytib keldi.

📝Ularni Maktabgacha va maktab taʼlimi vazirligi, Ixtisoslashtirilgan taʼlim muassasalari agentligi, Toshkent shahridagi Prezident maktabi masʼullari, ota-onalari va yaqinlari kutib olishdi.

✅ Maʼlumot uchun, Toshkent shahridagi Prezident maktabining 11-sinf o‘quvchisi Saidaziz Abdujalilov hamda 9-sinf o‘quvchisi Paxlavon Gʻulomovning yomg‘ir suvini yig‘ib qayta ishlab aholi ehtiyoji uchun foydalanish bo‘yicha loyihasi Yevropa hamda Markaziy Osiyo davlatlaridan tanlab olingan eng yaxshi 3 ta loyihadan biri sifatida e'tirof etilgan edi.

Agentlikning rasmiy sahifalariga ulanish:
Telegram | Facebook | Instagram | YouTube