⚡️Shu yilning 5-11-noyabr kunlari Ixtisoslashtirilgan ta’lim muassasalari agentligi tizimidagi maktab o‘quvchilaridan iborat jamoa Yaponiyaning Tokio shahrida bo‘lib o‘tgan "Sakura Science High School Exchange Program" dasturida ishtirok etdi.

🗣Dastur davomida o‘quvchilar global muammolarni hal qilishga qaratilgan eng zamonaviy texnologiyalarni ishlab chiqish va ularni amaliyotga tatbiq etish, qayta tiklanadigan energiya manbalaridan samarali foydalanish, tabiiy fanlarning kelajakda kutilayotgan yutuqlari bo‘yicha professorlar tomonidan tashkil qilingan ma’ruzalarda faol qatnashishdi hamda dunyoning turli davlatlaridan kelgan tengdoshlari bilan fikr almashdilar.

🗺O‘quvchilar ushbu dastur asosida Tokioning quyida nomlari keltirilgan mashhur muzey, universitet va madaniy hordiq markazlarida bo‘lishdi:
➖Mitsubishi Minatomirai Industrial Museum;
➖Sankeien Garden;
➖Chuo University Senior High School;
➖Senso-ji Temple and Nakamise shopping Street;
➖Chiba University;
➖JAXA Tsukuba Space center;
➖Cyberdyne studio;
➖The University of Tokyo;
➖Miraikan museum.

Agentlikning rasmiy sahifalariga ulanish:
Telegram | Facebook | Instagram | YouTube

#seminar_trening
#Jizzax_shahar_2_IMI

⚡️Ixtisoslashtirilgan taʼlim muassasalari agentligi tizimidagi Jizzax shahar 2-son ixtisoslashtirilgan maktab-internatining pedagog xodimlari uchun oʻquv-trening boʻlib oʻtdi.

✅Seminar Agentlik tizimidagi Pedagogik mahorat va xalqaro baholash ilmiy-amaliy markazi direktor oʻrinbosari Iroda Saibova tomonidan oʻtkazilib, pedagoglarga yangi baholash tizimining yutuqlari va yuzaga kelgan muammolarni bartaraf etish, oʻquvchilarning amaliy koʻnikmalarini rivojlantirish, taʼlim jarayoniga zamonaviy pedagogik texnologiyalarni joriy etish hamda takomillashtirilgan mahalliy fan dasturlari va qoʻllanmalaridan samarali foydalanish toʻgʻrisidagi maʼlumotlar berildi.

🗣Seminar davomida oʻqituvchilar oʻquv jarayonini
rejalashtirish, taʼlim samaradorligini taʼminlash, oʻquvchining ehtiyojini hisobga olgan holda taʼlim dasturlarini amalga oshirish, hamkasblar va oʻquvchilarning ota-onalari bilan hamkorlik qilish singari mavzularda oʻzaro fikr almashdilar.

Agentlikning rasmiy sahifalariga ulanish:
Telegram | Facebook | Instagram | YouTube

#yangi_avlod_darsliklari

⚡️Abu Ali ibn Sino nomidagi ixtisoslashtirilgan maktabining birinchi toifali Biologiya fani oʻqituvchisi Zilola Mirxonova hammuallifligida oliy taʼlimning bakalavr va magistratura bosqichi talabalari uchun "Zoogeografiya" darsligi yaratildi.

📝Ushbu kitob Mirzo Ulugʻbek nomidagi O'zbekiston Milliy universiteti tomonidan oliy oʻquv yurtlarining 70510101 – Biologiya (zoologiya, ixtiologiya va gidrobiologiya) mutaxassisligi uchun darslik sifatida tavsiya etilgan.

📚Mazkur darslikdan nafaqat oliy taʼlimning bakalavr va magistratura bosqichi talabalari, balki ushbu fanga ixtisoslashtirilgan va chuqurlashtirib oʻqitiladigan maktab oʻquvchilari uchun ham qoʻshimcha manba sifatida foydalanish mumkin.

Agentlikning rasmiy sahifalariga ulanish:
Telegram | Facebook | Instagram | YouTube