#hamkorlik
#xalqaro_islom_akademiyasi

⚡️ Xabar berganimizdek, bugun Oʻzbekiston xalqaro islom akademiyasida “Yangi Oʻzbekiston yoshlari – kelajagimiz poydevori” shiori ostida ish beruvchi tashkilot vakillari va talabalar uchrashuvi oʻtkazildi.

🔺 Unda Ixtisoslashtirilgan taʼlim muassasalari agentligi direktori A.Ubbiyev, “Yangi asr universiteti” nodavlat taʼlim muassasasi rektori Q.Zahidov, Oʻzbekistonda Shanxay hamkorlik tashkilotining xalq diplomatiyasi markazi direktori Q.Sobirov, Xalqaro Nordik Universiteti rektori Sh. Mustafakulovlar qatnashdi.

✅ Tadbirni Oʻzbekiston Respublikasi Prezidentining jamoat va diniy tashkilotlar bilan hamkorlik masalalari boʻyicha maslahatchisi, Oʻzbekiston xalqaro islom akademiyasi rektori Muzaffar Komilov kirish soʻzi bilan ochib berdi.

⏰ Uchrashuvda Akademiyaning Mumtoz sharq filologiyasi, Islomshunoslik hamda Islom iqtisodiyoti va xalqaro munosabatlar fakultetlarining bakalavriat yoʻnalishi bitiruvchi talabalari ishtirok etdi.

✍️ Tadbir davomida Ixtisoslashtirilgan taʼlim muassasalari agentligi hamda Oʻzbekiston xalqaro islom akademiyasi oʻrtasida Memorandum imzolanib, soʻngra bitiruvchilar bilan suhbat jarayonlari tashkil etildi.

Agentlikning rasmiy sahifalariga ulanish:
Telegram | Facebook | Instagram | YouTube

#Prezident_maktabi
#Seminar_trening

⚡️ Ixtisoslashtirilgan ta'lim muassasalari agentligining Maktablar faoliyatini muvofiqlashtirish boshqarmasi boshlig'i S.Shakirova tomonidan Buxoro shahridagi Ixtisoslashtirilgan maktablar direktorlariga "Zamonaviy maktab liderining instrumenti" mavzusida seminar-trening o'tkazdi.

⏰ " Ushbu seminarni tashkil qilishdan asosiy maqsadimiz, direktorlarga maktablarni boshqarishda liderlik faoliyatini olib borishni yo‘lga qo‘yish hamda jamoani boshqarishda birgina insonning fikri emas, jamoaning fikrini qo‘llagan holda rejalarni amalga oshirish kerakligini tushuntirishdan iboratdir", – deb ta'kidladi S.Shakirova.

✅ Shu bilan birga, seminarda maktab direktorlari uch chorak davomida birinchi marta qo'llanilgan BSB va ChSB sinovlarining tahlilini ham birgalikda o'rgandilar va yangi o'quv yilida yangi strategik rejalarni amalga oshirishni asosiy vazifa qilib belgilab oldilar.

Agentlikning rasmiy sahifalariga ulanish:
Telegram | Facebook | Instagram | YouTube

#live

🔴 Ayni vaqtda Sirdaryo viloyati Guliston shahrida joylashgan Halima Xudoyberdiyeva nomidagi ijod maktabida “Maktabdan tashqari ta’lim: muammo va yechimlar” mavzusidagi 1-Respublika forumi o‘z ishini boshladi.

❗️ Maktabgacha va maktab ta’limi vazirligi tomonidan tashkil etilatoygan mazkur tadbirdan asosiy maqsad, maktabgacha va maktab ta’limi vazirligi tizimidagi maktabdan tashqari ta’lim muassasalari sohasidagi bugungi kun muammolari va o‘quvchilarning bo‘sh vaqtlarini mazmunli tashkil etish borasidagi rahbar va pedagog kadrlarning menejerlik qobiliyatlarini rivojlantirishdan iboratdir.

📍 Forum doirasida Maktabgacha va maktab ta’limi vaziri Hilola Umarova, Yoshlar siyosati va sport vaziri o‘rinbosari Durdona Rahimova hamda boshqa mas’ul vazirlik va tashkilotlar vakillarining mavzuga doir chiqishlari o‘rin olgan.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

#live

🔴 Sirdaryo viloyatida o‘tkazilayotgan “Maktabdan tashqari ta’lim: muammo va yechimlar” mavzusidagi 1-Respublika forumida ishtirok etayotgan Maktabgacha va maktab ta’limi vaziri Hilola Umarova mavzuga doir o‘z fikrlarini bildirib o‘tmoqda:

- Barchamizga yaxshi ma’lum, o‘quvchilarning barkamol shaxs va yetuk bilimdon insonlar bo‘lib voyaga yetishida maktab va boshqa ta’lim muassasalari qatorida maktabdan tashqari ta’lim tashkilotlarining ham o‘rni beqiyos. Mazkur maskanlar o‘quvchilarimizning chin ma’noda ijod maydoniga aylanishi lozim.

Shu ma’noda bugungi uchrashuvimiz davomida maktabdan tashqari ta’limni rivojlantirish hamda ularga o‘quvchi-yoshlarni jalb etish bo‘yicha aniq strategiyani belgilab olishimiz zarur.

Bunda bolalarning ehtiyojlari hamda zamon talablari asosida ularning bo‘sh vaqti va dam olishini tashkil etish uchun davlat va nodavlat tashkilotlari bilan uzviy hamkorlik, ilg‘or xorijiy davlatlar tajribasini atroflicha o‘rganish, maktabdan tashqari ta’limdagi to‘garak va seksiyalarni samarali yo‘lga qo‘yish asosiy vazifalarimizdan biridir.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram