#Olimpiada

✅ Bugun Maktabgacha va maktab ta'limi vazirligi tomonidan Koreya Ta’lim markazi bilan hamkorlikda Muhammad al-Xorazmiy nomidagi ixtisoslashtirilgan maktabda ilk bora Koreys tili olimpiadasi bo'lib o'tdi.

📍Unda butun Respublikamizdan kelgan o'quvchilar o'z bilimlarini sinab ko'rishdi.

Yakuniy natijalarga ko'ra:

🥇Robiya Oybekova - Andijon viloyati, Shahrihon tumani, 1-sonli maktab o'quvchisi - 1-o'rinni,
🥈Ahmadullo Subhanov - Buxoro viloyati, Buxoro shahri 42-sonli maktab o'quvchisi - 2-o'rinni,
🥉Kim Artur - Toshkent shahar Mirobod tumani MATES nodavlat ta’lim muassasasi o'quvchisi - 3-o'rinni egallashdi.

Shuningdek:
➖Muhammad No'monxo'jayev - Namangan shahar 34-maktab o'quvchisi 4-o'rinni,
➖Diana Razmatova - Toshkent shahar, Mirzo Ulug'bek tumani 35-sonli maktab o'quvchisi 5-o'rinni,
➖Iroda Rahimova - Toshkent shahar, Mirzo Ulug'bek tumani 190-sonli maktab o'quvchisi 6-o'rinni,
➖Lazokatxon Inagamova - Toshkent shahar, Yashnobod tumani 145-sonli maktab o'quvchisi 7-o'rinni,
➖Kim Kristina - Toshkent viloyati, O'rta Chirchiq tumani 54-sonli maktab o'quvchisi 8-o'rinni,
➖Ramzbek Boymurodov - Toshkent shahar, Shayxontohur tumani 167-sonli maktab o'quvchisi 9-o'rinni,
➖Ruxshonaxon Marufova - Namangan viloyati, To'raqo'rg'on tumani Is’hoqxon Ibrat nomidagi ijod maktabi o'quvchisi 10-o'rinni qo'lga kiritishdi.

Olimpiada g‘oliblari quyidagicha bir martalik pul mukofotlari bilan taqdirlandi:

🥇1-o‘rin: 6 000 000 so‘m;
🥈2-o‘rin: 4 500 000 so‘m;
🥉3-o‘rin: 3 500 000 so‘m;
❗️4-10-o‘rinlarni egallagan ishtirokchilarga esa 1 000 000 so‘m.

⚡️Shuningdek, 1-5-o’rin sohiblari Koreyaga ta’lim sayohatiga yuborilishi rejalashtirilmoqda.

❗️Bunda barcha mukofot va ta’lim sayohati xarajatlari Koreya ta’lim markazi tomonidan qoplanadi.

Telegram | Facebook | Instagram | YouTube

#olimpiada
#yakuniy_bosqich
#koreys_tili

KOREYS TILI BO‘YICHA II RESPUBLIKA OLIMPIADASINING YAKUNIY BOSQICHI O‘TKAZILDI

Ixtisoslashtirilgan ta’lim muassasalari agentligi tizimidagi Toshkent shahrida joylashgan Shayxontohur tuman ixtisoslashtirilgan maktabida koreys tili bo‘yicha II Respublika olimpiadasining yakuniy bosqichi hamda olimpiada g‘olib va sovrindorlarini taqdirlash marosimi bo‘lib o‘tdi.

Mazkur olimpiada Maktabgacha va maktab ta’limi vazirligi, Ixtisoslashtirilgan ta’lim muassasalari agentligi tomonidan Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda umumta’lim maktablarining 9-, 10-, 11-sinf o‘quvchilari o‘rtasida 2 bosqichda tashkil etildi.

1-bosqich (hududiy)da Qoraqalpog‘iston Respublikasi, Toshkent shahri hamda viloyatlardan jami 1 272 nafar o‘quvchi koreys tilida tinglash va o‘qish mahoratlarini sinovdan o‘tkazib, eng yuqori natija ko‘rsatgan 150 nafar ishtirokchi Respublika bosqichiga yo‘llanma oldi.

2-bosqich (yakuniy)da jami 150 nafar o‘quvchi ishtirok etib, koreys tilida tinglab tushunish, yozish ko‘nikmalari, o‘qish ko‘nikmalari va grammatika shartlari asosida yozma va test sinovlarini topshirdi.

Yakuniy natijalarga ko‘ra, 9-, 10-, 11-sinflar kesimida 3 nafar g‘olib va 7 nafar sovrindor aniqlandi.

Olimpiadaning taqdirlash marosimida Janubiy Koreyaning O’zbekistondagi elchisi Von Do Yon, Maktabgacha va maktab ta’limi vazirining birinchi o’rinbosari Sherzod Karimov, Koreya ta’lim markazi direktori Lee Young Woong hamda Agentlik huzuridagi Fan olimpiadalari markazi direktori To’raboy Shermatov g‘olib va sovrindorlarga Koreya Respublikasiga ta’lim sayohati yo‘llanmasi hamda esdalik sovg’alarini topshirdi.

Telegram | Facebook | Instagram | YouTube