#teatr_ibratxonadir
#hududiy_bosqich

🤩 Ixtisoslashtirilgan ta’lim muassasalari agentligi tizimidagi maktablar o‘rtasida "Teatr – ibratxonadir" shiori ostida o‘tkazilayotgan tanlovning hududiy bosqichi qizg‘in davom etmoqda.

Bugun, Agentlikning Andijon va Buxoro viloyatlarida joylashgan maktablarining teatr jamoalari oʻzaro bellashdi. Yakuniy natijalarga koʻra:

Andijon viloyati bosqichida – "Eski shahar gavroshlari" spektakli bilan Andijon shahar 2-son ixtisoslashtirilgan maktabi teatr jamoasi;

Buxoro viloyati bosqichida – “Ilhaq” spektakli bilan Olot tuman ixtisoslashtirilgan maktabi teatr jamoasi Respublika bosqichiga yo‘llanmani qo‘lga kiritishdi.

Telegram | Facebook | Instagram | YouTube

#xalqaro_hamkorlik

🤩 Muhammad al-Xorazmiy nomidagi ixtisoslashtirilgan maktabiga Yaponiyaning Global Jamiyat instituti vakillari tashrif buyurib, "Oʻzbek maktablarida STEM tadqiqot koʻnikmalarini va 21-asr kompetensiyalarini kuchaytirish" pilot loyihasi doirasida oʻrganishlar olib bordi.

Telegram | Facebook | Instagram | YouTube

#vebinar

🤩 Agentlik tizimidagi taʼlim muassasalari mutaxassislari va bitiruvchi oʻquvchilarning xalqaro taʼlim grantlari, jahonning nufuzli oliygohlari, ularga hujjat topshirish tartibi hamda imtihon shartlari boʼyicha bilimlarini oshirish maqsadida muntazam ravishda turli formatdagi muloqotlar tashkil etib kelinmoqda.

Ana shunday vebinar tizimdagi maktab maslahatchilari uchun ZOOM platformasi orqali oʻtkazildi.

"Xalqaro universitetlarga qabul jarayoni: muhim bosqichlar va samarali maslahatlar" mavzusidagi ushbu onlayn muloqot Agentlik mutaxassislari va xalqaro ta’lim sohasidagi ekspertlar tomonidan olib borildi.

Vebinarda ishtirokchilarga AQSh va Yevropa davlatlaridagi nufuzli oliy oʻquv yurtlari misolida qabul jarayonining asosiy bosqichlari haqida batafsil maʼlumotlar, motivatsion xat, tavsiyanomalar, CV va akademik transkriptlarni toʻgʻri tayyorlash boʻyicha koʻrsatmalar, xalqaro sertifikatlarning qabul jarayonidagi ahamiyati, intervyu va universitet vakillari bilan muloqotga tayyorgarlik boʻyicha maslahatlar berildi.

Ushbu muloqot maktab maslahatchilariga nafaqat oʻz bilimlarini oshirish, shunindek oʻquvchilarni xalqaro ta’lim grantlariga yoʻnaltirishga qaratilgan aniq vazifalarni belgilab olishga ham yordam beradi.

Bu kabi treninglar va vebinarlar tizimli ravishda davom ettirilmoqda va kelgusida yangi mavzularni qamrab olish rejalashtirilgan.

Telegram | Facebook | Instagram | YouTube