#seminar
#kasbiy_rivojlanish

🤩 Qoraqalpogʻiston Respublikasidagi Xoʻjayli tuman ixtisoslashtirilgan maktabida san’at (Art) fanini STEAM ta’limida qoʻllash boʻyicha koʻrgazmali uslubiy seminar tashkil etildi.

Unda Qoraqalpogʻiston Respublikasida faoliyat koʻrsatayotgan ixtisoslashtirilgan maktablar Art fani oʻqituvchilari ishtirok etib, oʻquv-amaliy mashgʻulotlar, taqdimotlar, mahorat darslari yordamida STEAM ta’limida Art fanining oʻrni va ahamiyati, oʻqitish metodikasidagi zamonaviy usullar va ularni samarali qoʻllash boʻyicha oʻzaro tajriba almashdi.

Telegram | Facebook | Instagram | YouTube

#Vatan_himoyachilari_kuni

🤩 Andijon shahridagi Prezident maktabida Oʻzbekiston Respublikasi Qurolli Kuchlari tashkil etilganligining 33 yilligi hamda 14-yanvar – Vatan himoyachilari kuni munosabati bilan tantanali tadbir boʻlib oʻtdi.

Unda Mudofaa vazirligiga qarashli harbiy orkestr tarkibi, Qo‘riqlash boshqarmasi rahbariyati, Ichki ishlar vazirligining Qorovul qo‘shinlariga qarashli harbiy qism xizmatchilari, pedagog xodimlar va oʻquvchilar ishtirok etdi.

Mazkur uchrashuv oʻquvchilarning harbiy hayotga boʻlgan qiziqishini oshirib, vatanparvarlik tuygʻularini kuchaytirgani shubhasiz.

Koʻrgazmali chiqishlar, harbiy orkestr tomonidan mahorat bilan ijro etilgan musiqiy dastur va harbiy qurol-aslahalar ko‘rgazmasi barchaga koʻtarinki kayfiyat bagʻishladi.

Telegram | Facebook | Instagram | YouTube

#seminar
#kasbiy_rivojlanish

🤩 Qoraqalpogʻiston Respublikasidagi Qoʻngʻirot tuman ixtisoslashtirilgan maktabida kasbiy rivojlanish, oʻquv-tarbiya ishlarida zamonaviy yondashuv yoʻnalishida oʻquv-amaliy seminar tashkil etildi.

Unda Qoraqalpogʻiston Respublikasida joylashgan ixtisoslashtirilgan maktablar pedagog-tarbiyachilari, psixologlar ishtirok etib, oʻquv-tarbiya ishlarida taʼsirchan usullar, taʼlim jarayonida zamonaviy yondashuvlar, ota-onalar bilan hamkorlik borasida oʻzaro tajriba almashib, yangi bilim va koʻnikmalarga ega boʻldi.

Seminar ixtisoslashtirilgan maktablardan saralangan tajribali pedagog-xodimlar, psixologlar tomonidan nazariy-amaliy mashgʻulotlar, taqdimotlar, mahorat darslari shaklida olib borildi.

Telegram | Facebook | Instagram | YouTube