#sport_maktablari
#Osiyo_chempionati

⚡️Abu-Dabi shahrida (BAA) sportning boks turi boʻyicha oʻsmirlar va kichik oʻsmirlar oʻrtasida boʻlib oʻtgan Osiyo chempionati sovrindorlari Islom Karimov nomidagi Toshkent xalqaro aeroportida tantanali tarzda kutib olindi.

Unda Ixtisoslashtirilgan taʼlim muassasalari agentligi hamda tizimdagi boks maktabi mas'ullari ishtirok etib, sovrindorlarni samimiy qutladi.

Eslatib oʻtamiz, mazkur xalqaro sport musobaqasida boks maktabining 8-sinf o‘quvchi-sportchilari Asilbek Roʻzimboyev 33 kg vaznda kumush medal va Javlonbek Muhammadisoqov 40 kg vazn toifasida bronza medalini qoʻlga kiritdi.

Telegram | Facebook | Instagram | YouTube

#sport_maktablari

✅ Bugun Ixtisoslashtirilgan ta’lim muassasalari agentligi tizimidagi Bahodir Jalolov nomidagi boksga ixtisoslashtirilgan sport maktabida yangi oʻquv yili boshlandi.

Shu munosabat bilan tashkil etilgan tantanali tadbirda Maktabgacha va maktab ta’limi vaziri Hilola Umarova, Sport vaziri Adham Ikramov, Ixtisoslashtirilgan ta’lim muassasalari agentligi direktori Alisher Ubbiyev, ikki karra Olimpiada chempioni Bahodir Jalolov, boks maktabi oʻquvchilari va ota-onalar, pedagog-murabbiylar ishtirok etdi.

✔️ Maʼlumot oʻrnida, mazkur sport maktabiga kirish imtihonlari ikki bosqichda tashkil etildi. Birinchi bosqich imtihonlari 27-28-29-avgust kunlari o‘tkazildi.

Unda talabgorlar umumiy hamda jismoniy tayyorgarlik boʻyicha sinovdan oʻtishdi.

Ikkinchi bosqich imtihonlari 30-avgust kuni oʻtkazildi. Unda talabgorlar psixologik va intellektual qobiliyat darajasini aniqlash boʻyicha test sinovlaridan oʻtdi.

Bahodir Jalolov nomidagi boksga ixtisoslashtirilgan sport maktabiga 2024/2025-oʻquv yili uchun kirish imtihonlaridan oʻtgan 96 nafar oʻquvchi qabul qilindi.

Telegram | Facebook | Instagram | YouTube

#sport_maktabi

Joriy yilning 20-28-oktyabr kunlari Qarshi shahrida boks bo‘yicha kichik o‘smirlar (o‘g‘il bolalar) o‘rtasida O‘zbekiston kubogi bo‘lib o‘tdi.

Mazkur musobaqada Ixtisoslashtirilgan ta'lim muassasalari agentligi tizimidagi Bahodir Jalolov nomidagi boksga ixtisoslashtirilgan sport maktabining 7-sinf o‘quvchisi Ulug'bek Soliyev oltin medalga sazovor bo‘ldi.

Shuningdek, 8-sinf o‘quvchilari Aslbek Ro‘zimboyev, Sardor Rajabboyev, Samoyiddin Furqatov, 7-sinf o‘quvchilari Dilshod Jo‘raqulov, Ziyodulla Akromjonov, Aslbek Abdujalolov bronza medallarni qo‘lga kiritishdi.

O‘quvchilarimizga kelgusida yanada ulkan zafarlar tilaymiz!

Telegram | Facebook | Instagram | YouTube

#ishchi_guruh
#sport_maktablari

TIZIMDAGI SPORT MAKTABLARI FAOLIYATI YAQINDAN OʻRGANILMOQDA

Agentlik direktori Alisher Ubbiyev boshchiligidagi ishchi guruh tizimdagi Bahodir Jalolov nomidagi boksga ixtisoslashtirilgan sport maktabi hamda Oksana Chusovitina nomidagi gimnastikaga ixtisoslashtirilgan sport maktabida bo‘ldi.

Ishchi guruh tomonidan mazkur sport maktablarida o‘quvchi-sportchilarga yaratilgan sharoitlar, o‘quv-mashq jarayonlari tanqidiy-tahliliy o‘rganilib, mas’ullarga tegishli yo‘nalishlar bo‘yicha topshiriq va ko‘rsatmalar berildi.

Bugungi kunda Bahodir Jalolov nomidagi sport maktabida 140 ta, Oksana Chusovitina nomidagi sport maktabida 139 ta sportchi-o‘quvchi ta’lim olmoqda.

A.Ubbiyev mas’ullar bilan muloqotda yosh bokschi va gimnastikachilarni texnik-taktik jihatdan tayyorlash sifatini muntazam oshirib borish, ayni jarayonga ilg‘or tajribalar, eng yangi ilmiy-uslubiy texnologiyalarni bosqichma-bosqich joriy etish lozimligini alohida ta’kidladi.

O‘rganish doirasida Agentlik direktori sportchi-o‘quvchilar bilan suhbatlashib, ularning o‘quv-mashq jarayonlarini, ustoz-murabbiylari haqidagi fikrlari, kelgusidagi orzu-maqsadlari bilan qiziqdi.

Shuningdek, A.Ubbiyev yoshlar bilan muloqotda davlatimiz rahbari boshchiligida sport sohasida olib borilayotgan islohotlar samarasida Vatanimiz jahonga ko‘plab sport yulduzlarini taqdim qilayotgani, Olimpiya o‘yinlaridagi shohsupalar, jahon chempionatlaridagi g‘alabalarning barchasi O‘zbekiston sportining yuksak salohiyatini namoyish etayotganini ta’kidlab, kelgusida sportchi-o‘quvchilarimiz yurtimiz bayrog‘ini yuksaklarga ko‘tarishiga tilak bildirdi.

Agentlik direktori boshchiligida tizimdagi maktablar faoliyatini joyiga borib o‘rganish ishlari davom etadi.

Telegram | Facebook | Instagram | YouTube

#sport_maktablari

Joriy yilning 15–20-dekabr kunlari Bo‘stonliq tumanida boks bo‘yicha 2011-2012-yillarda tug‘ilgan kichik o‘smirlar hamda 2009-2010-yillarda tug‘ilgan o‘smirlar o‘rtasida “O‘zbekiston Respublikasi Konstitutsiyasining 32 yilligi” munosabati bilan Respublika ochiq turniri bo‘lib o‘tdi.

Unda Qozog‘iston Respublikasi va hududlardan kelgan sportchilar bilan bir qatorda Bahodir Jalolov nomidagi boksga ixtisoslashtirilgan sport maktabining o‘quvchi-sportchilari ham ishtirok etdi.

Musobaqaning yakuniy natijalariga ko‘ra, boks maktabi jamoasi 13 ta oltin, 12 ta kumush va 10 ta bronza medaliga sazovor bo‘lib, umumjamoa hisobida birinchi o‘rinni qo‘lga kiritdi.

Telegram | Facebook | Instagram | YouTube