#uch_avlod_uchrashuvi

🤩 Agentlik tizimidagi Navoiy shahar 1-son ixtisoslashtirilgan maktabida Markaziy harbiy okrug, Navoiy viloyati mudofaa ishlari boshqarmasi, Navoiy garnizoni, Navoiy harbiy prokuraturasi bilan hamkorlikda "Uch avlod uchrashuvi" tadbiri o‘tkazildi.

“Vatanni himoya qilish sharafli burch” shiori ostida tashkil etilgan mazkur tadbirda o‘quvchi-yoshlarga harbiy sohada olib borilayotgan islohotlar mazmun-mohiyati haqida keng tushuncha berildi.

Faxriy harbiylar bilan bo‘lgan suhbatda Vatanimizni asrab-avaylash, himoya qilish barchamizning muqaddas burchimiz ekanligi ta’kidlandi.

Muloqotda yoshlar oliy harbiy bilim yurtlariga kirish imtihonlari, o‘qish tartibi borasida o‘zlarini qiziqtirgan savollarga batafsil javob oldi.

Harbiy orkestr sadolari, kuy-qo‘shiqlar va ko‘rgazmali chiqishlar o‘quvchilarda katta taassurot qoldirdi.

Telegram | Facebook | Instagram | YouTube

#oʻquv_seminar

⚡️LABORATORIYA JIHOZLARIDAN FOYDALANISH BOʻYICHA OʻQUV-SEMINAR

🤩Agentlik tizimidagi maktablarning fizika, kimyo va biologiya fanlari oʻqituvchilari uchun laboratoriya jihozlaridan foydalanish boʻyicha oʻquv-seminar oʻtkazilmoqda.

Mazkur seminar Agentlikning masʼul xodimlari, Fan kengashi aʼzolari tomonidan ZOOM platformasi orqali onlayn tashkil etilib, mavzular tizimdagi barcha maktablarning fizika, kimyo va biologiya fanlari oʻqituvchilari oʻrtasida oʻtkazilgan soʻrovnoma natijalariga koʻra tanlab olingan.

Oʻquv-seminar davomida ishtirokchilarning laboratoriya jihozlaridan toʻgʻri foydalanish malakalari oshirilmoqda. Murakkab mavzularda amaliy darslar bilan o‘qituvchilarga metodik yordam berilib, Agentlikning Fan kengashi aʼzolari tomonidan yoʻlga qoʻyilgan videodarslar orqali o‘qituvchilarning laboratoriya ishlarini bajarish koʻnikmalari mustahkamlanmoqda.

Oʻquv seminari 15-noyabrga qadar barcha hududlar kesimida olib boriladi.

Maʼlumot oʻrnida, Agentlikning Fan kengashi aʼzolari tomonidan yoʻlga qoʻyilgan loyiha doirasida fizika, kimyo va biologiya fanlaridan laboratoriya ishlarini bajarish boʻyicha videodarslar tayyorlanib, respublikadagi barcha oʻquvchi va oʻqituvchilar foydalanishlari uchun Youtube platformasiga joylab borilmoqda.

Videodarslarni quyidagi havolalar orqali kuzatib borish mumkin:

Fizika fan kengashi YouTube kanali;
Kimyo fan kengashi YouTube kanali;
Biologiya fan kengashi YouTube kanali.

Telegram | Facebook | Instagram | YouTube