#xon_atlas_festivali

Yurtimiz boʻylab oʻtkazilayotgan “Xon atlas” festivali doirasida Agentligimiz tizimidagi taʼlim muassasalarida maʼnaviy-maʻrifiy tadbirlar, koʻrgazmalar, modalar namoyishi, chellenjlar tashkil etildi.

Milliy liboslarimizda xalqimizning koʻp asrlik oʻtmishi, urf-odat va an'analari, estetik qarashlari, oʻziga xos xususiyatlari mujassam boʻlib, mazkur tadbirlarda faol ishtirok etgan yoshlarimizning shu kabi madaniy ildizlarimizga ehtirom va qiziqishi yanada kuchaydi. Kiyinish madaniyati, milliy mato va liboslarimiz tarixi, moda va dizayn kabi mavzular boʻyicha bilimlari ham oshdi.

Telegram | Facebook | Instagram | YouTube

#Xalqaro_hamkorlik
#Cambridge_Assessment

Kembrij universitetining Yevropa va Oʻrta Osiyodagi taʼlim islohotlari boʻyicha rahbari Steve King Nukus shahridagi 1-son ixtisoslashtirilgan maktab-internatida boʻlib, ta'lim maskanida  oʻquvchilarga yaratilgan sharoitlar bilan yaqindan tanishdi.

Tashrif doirasida S.King maktabdagi yuqori sinf oʻquvchilari bilan suhbatlashdi, ularning xalqaro darajada erishayotgan yutuqlari bilan qiziqdi.

Muloqot davomida mehmon oʻquvchilarni qiziqtirgan savollarga javob berib, maktabda ingliz tilini oʻqitish sifatini yanada takomillashtirish boʻyicha oʻz takliflarini ham bildirib oʻtdi. 

Tadbirda Qoraqalpogʻiston Respublikasi Maktabgacha va maktab ta’limi vaziri Gulistan Kojabayeva ishtirok etdi.

Telegram | Facebook | Instagram | YouTube

#IOI_2024

⚡️36-Xalqaro Informatika olimpiadasida ishtirok etgan O‘zbekiston terma jamoasi vakillari Islom Karimov nomidagi Toshkent xalqaro aeroportida tantanali tarzda kutib olindi.

Unda Maktabgacha va maktab ta'limi vazirligi, Ixtisoslashtirilgan taʼlim muassasalari agentligi hamda tizimdagi ta'lim muassasalari mas'ullari ishtirok etib, oʻquvchilarni samimiy tabriklashdi.

Eslatib oʻtamiz, Misrda 90 dan ziyod davlat vakillari ishtirokida oʻtkazilgan 36-Xalqaro Informatika Olimpiadasi (IOI 2024) da Oʻzbekiston terma jamoasi sovrinli oʻrinni egalladi.

Xususan, Agentligimiz tizimidagi Navoiy shahar 1-son ixtisoslashtirilgan maktab-internati bitiruvchisi, "Yangi Oʻzbekiston" universiteti talabasi Mardon Hazratov bronza medalini qoʻlga kiritdi.

Oʻzbekiston terma jamoasining yana bir aʼzosi, Muhammad al-Xorazmiy nomidagi ixtisoslashtirilgan maktab oʻquvchisi Asilbek Sunnatov o‘zining ajoyib bilimlarini namoyish etib, "honorable mention" (namunali ishtirok) mukofotiga sazovor boʻldi.

Telegram | Facebook | Instagram | YouTube