#ixtisoslashtirilgan_maktablar

📶 ZAMONAVIY METODIKA OLIS HUDUD PEDAGOGLARI BILAN

🗺Jizzax shahar 2-son ixtisoslashtirilgan maktab-internatining matematika, ingliz tili, tarix hamda fizika fani o‘qituvchilari tomonidan Sharof Rashidov tumanidagi olis Ko‘rpasoy qishlog‘ida joylashgan 41-umumta’lim maktabida “O‘rganamiz, o‘rgatamiz” mavzusida o‘quv-seminar tashkil etildi.

📝Unda trenerlar tomonidan o‘quvchilar bilan ishlashda yangicha ta’lim uslublaridan foydalanish, har bir o‘quvchining qiziqish va istaklaridan kelib chiqib, ta’lim jarayonlarida qo‘llanilishi muhim bo‘lgan dasturlarni o‘rganish, dars mashg‘ulotlarini amaliyotga bog‘lagan holda tashkil qilish muhimligi ta’kidlab o‘tildi.

✅Seminarda o‘qituvchilar o‘quvchilar ishtirokida interaktiv o‘yinlar va vazifalarni jamoaviy va yakka tartibda qo‘llash usullarini tajribadan o‘tkazishdi.

Telegram | Facebook | Instagram | YouTube

#ChSB_sinovlari

✅Bugun Agentligimiz tizimidagi barcha ixtisoslashtirilgan maktab va maktab-internatlarida II chorak yakuni yuzasidan ChSB (choraklik summativ baholash) sinovlari boʻlib oʻtdi.

⏺Mazkur sinovlar 7-, 8-, 9-, 11- sinflarda offlayn, 10-sinflarda esa yangidan joriy etilgan maxsus platforma orqali tajriba-sinov tariqasida birinchi marotaba onlayn tarzda tashkil etildi.

🗣Maʼlumot uchun, ChSB savollari Agentlik huzuridagi Pedagogik mahorat va xalqaro baholash ilmiy-amaliy markazi tomonidan Agentlik oʻquv dasturlariga muvofiq ishlab chiqilgan.

⏺Sinovlar Agentlikdan jarayonlarga masʼul etib belgilangan xodimlar tomonidan joylarga chiqilgan holda kuzatib borilmoqda.

🗺Hududlardan suratlar.

Telegram | Facebook | Instagram | YouTube