#xalqaro_hamkorlik

🇺🇿🇰🇷 Koreya Respublikasida boʻlib turgan Taʼlim delegatsiyasi aʼzolari bugun ikki guruhga boʻlingan holda mamlakatdagi taʼlim tashkilotlari bilan tanishdilar.

🗺Jumladan, birinchi guruh aʼzolari dastlab Chungcheongbuk-do provinsiyasining taʼlim departamenti hamda Fan va taʼlim boʻlimi masʼullari bilan uchrashib hozirgi kunda Oʻzbekistonda taʼlim sohasida olib borilayotgan islohotlar haqida ularga maʼlumot berdi.

📝 Tomonlar taʼlim jarayoni sifatini monitoring qilish tizimi va pedagoglar malakasini oshirish boʻyicha maʼlumot almashdilar. Kelajakda yaqin hamkorlik qilish va tajriba almashish boʻyicha Toshkent shahridagi Koreya ta'lim markazi hamda Chungcheongbuk-do provinsiyasining taʼlim departamenti oʻrtasida Memorandum imzolandi.

⚡️Shundan soʻng, guruh aʼzolari Chungcheongnam-do taʼlim departamenti faoliyati bilan tanish, oʻzaro muzokaralar oʻtkazish maqsadida Chungcheongnam-do provinsiyasiga yoʻl oldi.

Telegram | Facebook | Instagram | YouTube

#xalqaro_hamkorlik

🇺🇿🇰🇷 Koreya Respublikasida boʻlib turgan Taʼlim delegatsiyasi aʼzolari bugun ikki guruhga boʻlingan holda mamlakatdagi taʼlim tashkilotlari bilan tanishdilar.

🗺Ikkinchi guruh aʼzolari birinchi guruhdan farqli ravishda Seulda joylashgan "Kyung Bok Elementary School", "Sunjung Middle school" va "Sungjun International Tourism High School" maktablarining faoliyati, ularda yaratilgan shart-sharoitlar, dars oʻtish metodikalari bilan tanishdi.

📝Oʻzaro fikr-mulohazalar almashish davomida mazkur taʼlim muassasalari rahbariyatiga O‘zbekistondagi maktabgacha va maktab taʼlimi tizimi, jumladan Agentlik tizimidagi Prezident maktablari, ijod maktablar, ixtisoslashtirilgan maktab va maktab internatlarining faoliyati, ushbu maktablarga oʻtkaziladigan qabul imtihonlari bo‘yicha maʼlumotlar berildi.

✅Taʼlim delegatsiyasi aʼzolarining Koreya taʼlim tizimini oʻrganish jarayonlari davom etmoqda.

Telegram | Facebook | Instagram | YouTube

#xalqaro_hamkorlik

🇺🇿🇰🇷 Koreya Respublikasida boʻlib turgan Taʼlim delegatsiyasi aʼzolari Koreya National Education Training Institute taʼlim tashkilotda boʻlishdi.

🗺Bu yerda:
➖Koreya taʼlim tizimida pedagoglar malakasini oshirish tajribasi;
➖maktab direktorlarni tayyorlash va malakasini oshirish tizimi;
➖zamonaviy IT taʼlim tizimidagi mavjud muammolar va ularning yechimlari;
➖pedagog va maktab direktorlariga litsenziya berish mexanizmi bilan tanishib chiqildi.

📝Oʻz navbatida Oʻzbekistondagi taʼlim tizimida amalga oshirilayotgan oʻzgarishlar, joriy etilayotgan yangiliklar va shu bilan birgalikda malaka oshirish sohasini rivojlantirish borasida olib borilayotgan ishlar haqida maʼlumot berildi

✅Kelajakda pedagoglar va maktab direktorlarining malakasini oshirish tizimida hamkorlik qilish va ular uchun seminar-treninglar tashkil etish masalalari muhokama qilindi.

Telegram | Facebook | Instagram | YouTube