#Xalqaro_bolalar_forumi

🗺Turkiyaning Anqara shahrida “Iqlim o‘zgarishi va bolalar ishtiroki” mavzusida 24-Xalqaro bolalar forumi o‘tkazildi.

📆 Joriy yilning 19-20-noyabr kunlari bo‘lib o‘tgan ushbu forumda 24 ta davlatdan kelgan iqtidorli va tashabbuskor yoshlar qatnashdi.

🇺🇿 Mazkur forumda O‘zbekiston yoshlari vakili sifatida Namangan shahridagi Prezident maktabi o‘quvchisi Gavharshodbegim Xomidova ishtirok etdi.

⚡️O‘quvchimiz iqlimni muhofaza qiluvchi ijtimoiy harakat a’zosi sifatida o‘zining taklif va tashabbuslarini ilgari surdi.

🗣Forum iqlim o‘zgarishi bilan bog‘liq umumiy jarayonlarda o‘tayotgan turli madaniyatlarga mansub bolalar o‘rtasida hamkorlikni va madaniyatlararo xabardorlikni oshirishga qaratilgan.

📝Ma’lumot uchun, mazkur Xalqaro forum Turkiya Oila va Ijtimoiy xizmatlar vazirligi tomonidan BMTning Bolalar jamg‘armasi (UNICEF) bilan hamkorlikda o‘tkaziladi.

Agentlikning rasmiy sahifalariga ulanish:
Telegram | Facebook | Instagram | YouTube

#muloqot_muhokama_munozara

📚Umumta’lim maktablarining 5-sinf ona tili, adabiyot va o‘zbek tili fanlari o‘quv dasturi muhokama qilindi

🗺 Bugun Ixtisoslashtirilgan ta’lim muassasalari agentligida Maktabgacha va maktab vazirligi tizimidagi Respublika ta’lim markazining “Filologiya fani bo‘yicha Ilmiy metodik kengash”ining qo‘shma yig‘ilishi bo‘lib o‘tdi.

📝Unda sohaga doir yetakchi metodist olimlari va amaliyotchi o‘qituvchilar ishtirok etdi hamda umumta’lim maktablarining Milliy o‘quv dasturi asosida takomillashtirilgan 5-sinf ona tili, adabiyot va o‘zbek tili fanlariga doir o‘quv dasturlari muhokama etildi.

✅ Kengash yig‘ilishida ilmiy jamoatchilik vakillari tomonidan yangi o‘quv dasturida ona tili, adabiyot va o‘zbek tili fanlari ta’limi maqsad va vazifalari, mazmunini yanada takomillashtirish bo‘yicha qator takliflar o‘rtaga tashlandi.

Vazirlikning rasmiy sahifalariga ulanish
Telegram | Youtube | Facebook | Instagram

#Xorijiy_hamkorlik

⚡️Ixtisoslashtirilgan taʼlim muassasalari agentligi hamda Cambridge University Press&Assessment xalqaro taʼlim tashkiloti rahbariyati oʻrtasida uchrashuv boʻlib oʻtdi.

🗣Ikki tomonlama muzokaralar davomida oʻtgan yillardagi hamkorlik natijalari va kelgusidagi rejalar haqida soʻz bordi. Jumladan, 2023-2024-oʻquv yili uchun Prezident maktablariga qabul jarayonlari, maktablarimiz uchun darsliklarni ishlab chiqish, oʻqituvchilar malakasini oshirish boʻyicha seminarlar tashkil etish va ularning Cambridge sertifikatiga ega boʻlishi singari masalalar muhokama qilindi.

➖ Muzokaralar soʻngida 2024-yil mart oyida Prezident maktablari oʻqituvchilari uchun navbatdagi seminar-treningni oʻzkazishga kelishib olindi.

📝Maʼlumot uchun, Prezident maktablariga qabul imtihonlari savollari toʻliq mazkur tashkilot tomonidan Oʻzbekistondagi umumtaʼlim maktablarida qoʻllaniladigan oʻquv dasturlari asosida tayyorlanadi hamda aynan shu tashkilot tomonidan imtihon natijalari baholanib, tashkilotning rasmiy veb-saytida eʼlon qilinadi.

#Angliya #Cambridge

Agentlikning rasmiy sahifalariga ulanish:
Telegram | Facebook | Instagram | YouTube

#new_Uzbekistan_university

⚡️Germaniyaning Rheinmetall AG kompaniyasi bilan hamkorlikda Mexatronika laboratoriyasi tashkil etiladi

🌐Germaniyaning Rheinmetall AG kompaniyasi bilan o‘zaro anglashinuv memorandumi imzolandi.

⚙️ Kelishuvga ko‘ra, universitetda nemis kompaniyasining grant mablag‘lari evaziga zamonaviy asbob-uskunalar bilan jihozlangan Mexatronika laboratoriyasi tashkil etiladi.

✅ Ushbu laboratoriyada talaba-yoshlar amaliy ko‘nikmalarni yanada oshirish imkoniga ega bo‘ladi.

📝Ma'lumot uchun: Rheinmetall AG kompaniyasi 134 yillik tarixga ega bo‘lib, dunyoda 139 ta filial va 28 mingga yaqin xodimga ega.

#Rheinmetall #memorandum #mexanika

Agentlikning rasmiy sahifalariga ulanish:
Telegram | Facebook | Instagram | YouTube