#seminar_trening
#Jizzax_shahar_2_IMI

⚡️Ixtisoslashtirilgan taʼlim muassasalari agentligi tizimidagi Jizzax shahar 2-son ixtisoslashtirilgan maktab-internatining pedagog xodimlari uchun oʻquv-trening boʻlib oʻtdi.

✅Seminar Agentlik tizimidagi Pedagogik mahorat va xalqaro baholash ilmiy-amaliy markazi direktor oʻrinbosari Iroda Saibova tomonidan oʻtkazilib, pedagoglarga yangi baholash tizimining yutuqlari va yuzaga kelgan muammolarni bartaraf etish, oʻquvchilarning amaliy koʻnikmalarini rivojlantirish, taʼlim jarayoniga zamonaviy pedagogik texnologiyalarni joriy etish hamda takomillashtirilgan mahalliy fan dasturlari va qoʻllanmalaridan samarali foydalanish toʻgʻrisidagi maʼlumotlar berildi.

🗣Seminar davomida oʻqituvchilar oʻquv jarayonini
rejalashtirish, taʼlim samaradorligini taʼminlash, oʻquvchining ehtiyojini hisobga olgan holda taʼlim dasturlarini amalga oshirish, hamkasblar va oʻquvchilarning ota-onalari bilan hamkorlik qilish singari mavzularda oʻzaro fikr almashdilar.

Agentlikning rasmiy sahifalariga ulanish:
Telegram | Facebook | Instagram | YouTube

#yangi_avlod_darsliklari

⚡️Abu Ali ibn Sino nomidagi ixtisoslashtirilgan maktabining birinchi toifali Biologiya fani oʻqituvchisi Zilola Mirxonova hammuallifligida oliy taʼlimning bakalavr va magistratura bosqichi talabalari uchun "Zoogeografiya" darsligi yaratildi.

📝Ushbu kitob Mirzo Ulugʻbek nomidagi O'zbekiston Milliy universiteti tomonidan oliy oʻquv yurtlarining 70510101 – Biologiya (zoologiya, ixtiologiya va gidrobiologiya) mutaxassisligi uchun darslik sifatida tavsiya etilgan.

📚Mazkur darslikdan nafaqat oliy taʼlimning bakalavr va magistratura bosqichi talabalari, balki ushbu fanga ixtisoslashtirilgan va chuqurlashtirib oʻqitiladigan maktab oʻquvchilari uchun ham qoʻshimcha manba sifatida foydalanish mumkin.

Agentlikning rasmiy sahifalariga ulanish:
Telegram | Facebook | Instagram | YouTube

#xalqaro_hamkorlik
#CIS

⚡️Agentligimiz tizimidagi Qarshi shahridagi Prezident maktabiga Xalqaro maktablar kengashi (CIS) vakillari tashrif buyurdi

✅ Xalqaro maktablar kengashi – xalqaro taʼlimga qaratilgan aʼzolik tashkiloti hisoblanib, yurtimiz hududidagi barcha Prezident maktablari dastlabki 2 bosqichdan muvaffaqiyatli oʻtgan.

❗️Kengashga aʼzo boʻlish 3 bosqichda amalga oshiriladi:
➖ hujjat topshirish;
➖ maktab jamoasi bilan onlayn suhbat;
➖ maktab faoliyatini oflayn oʻrganish.

✔️Prezident maktabiga tashkilot vakillari tashrif buyurib, oʻquvchilarga yaratilgan sharoitlar, taʼlim jarayonining sifatli tashkil etilgani, maktab binosining xavfsizlik talablariga javob berishi bilan tanishdi.

Agentlikning rasmiy sahifalariga ulanish:
Telegram | Facebook | Instagram | YouTube

#Qoraqalpoq_adabiyoti_kunlari
#ijod_maktabi

⚡️O‘zbekiston Respublikasi Prezidentining joriy yil 30-mart kuni Qoraqalpog‘iston Respublikasiga tashrifi davomida madaniyat va san’at sohasini yanada rivojlantirish bo‘yicha bergan topshiriqlari ijrosini ta’minlash maqsadida joriy yilning 9-10-11-noyabr kunlari Qashqadaryo viloyatida "Qoraqalpoq adabiyoti kunlari" o‘tkazildi.

📝 Ushbu tadbir doirasida O‘zbekiston xalq yozuvchisi, Qoraqalpog‘iston xalq shoiri, Qoraqalpog‘iston Yozuvchilar uyushmasi raisi Kenesboy Karimov, O‘zbekistonda xizmat ko‘rsatgan madaniyat xodimi, shoir Baxtiyor Genjemuratov, O‘zbekiston Yozuvchilar uyushmasi mas’ul xodimi, Qoraqalpog‘iston xalq shoiri Rustam Musurmon, Qoraqalpog‘iston xalq shoiri Xalila Dao‘letnazarov hamda viloyat hokimining Davlat tili masalalari bo‘yicha maslahatchisi Ziyoda Aminovalar Abdulla Oripov nomidagi ijod maktabiga tashrif buyurishdi.

✅Mehmon-ijodkorlar Abdulla Oripov muzeyida bo‘lib, shoirning ijodi va hayotiga oid eksponatlar bilan yaqindan tanishishdi.

Agentlikning rasmiy sahifalariga ulanish:
Telegram | Facebook | Instagram | YouTube