Fransiyaning O‘zbekistondagi Favqulodda va muxtor elchisi Oreliya Bushezga ham “Xalq ta’limi fidoyisi” ko‘krak nishoni topshirildi

✅ Maktabgacha va maktab ta’limi vazirligining yana bir xalqaro hamkori — Fransiyaning O‘zbekistondagi Favqulodda va muxtor elchisi Oreliya Bushezga ham bugun “Xalq ta’limi fidoyisi” ko‘krak nishoni topshirildi.

✔️Taqdirlash marosimida ishtirok etgan vazir Hilola Umarova elchi Oreliya Bushezga O‘zbekistonda maktab ta’limini rivojlantirish yo‘lidagi samarali hamkorligi uchun minnatdorlik bildirdi.

⚡️Tadbirda qayd etilganidek, Fransiya elchixonasi tomonidan O‘zbekistondagi ta’lim tizimini rivojlantirish, jumladan fransuz tilini o‘qitishni rivojlantirish, o‘qituvchilarning malakasini oshirish, maktablardagi kutubxonalarni adabiyotlar bilan boyitish bo‘yicha qator muhim ishlar qilindi.

Shuningdek, Fransiya elchixonasi bilan hamkorlikda 17 nafar fransuz tili o‘qituvchisi O‘zbekistonga xorijiy o‘qituvchilarni jalb qilish loyihasi doirasida jalb qilingan. Joriy yilning iyul oyida o‘zbekistonlik 10 nafar o‘qituvchi elchixona ko‘magida Fransiyada malaka oshirib kelishgan.

📍Ma’lumot uchun: hozirgi kunda mamlakatimizdagi 705 ta maktabda 1268 ta fransuz tili o‘qituvchisi faoliyat yuritmoqda, 150 mingdan ortiq o‘quvchilar fransuz tilini chet tili sifatida o‘rganmoqda.

Agentlikning rasmiy sahifalariga ulanish:
Telegram | Facebook | Instagram | YouTube