#prezident_maktabi
#bizning_shunday_oʻquvchilarimiz_bor

⚡️ Agentligimiz tizimidagi Nukus shahridagi Prezident maktabi o‘quvchisi Aynaxan Xo‘jamuratova "TECHGIRLS" dasturida g‘oliblikni qo‘lga kiritdi va AQShning yozgi oromgohiga yo‘llanma oldi.

✅"TechGirls" oromgohiga qatnashish uchun 36 ta davlatdan 3 tadan iqtidorli qizlar tanlab olindi. "TechGirls" – Markaziy Osiyo, Yaqin Sharq va Shimoliy Afrika mamlakatlarida yashovchi qizlarni ilm-fan va texnologiyalar sohasida ish yuritishga rag'batlantirish va ilhomlantirishga qaratilgan xalqaro yozgi almashinuv dasturi hisoblanadi.

📌 Ushbu dastur malaka oshirish seminarlarida qatnashish va AQSHning eng yaxshi innovatsion texnologiya mutaxassislari bilan tajriba almashish bilan bir qatorda, Virjiniya texnologik lagerida ishtirok etish imkonini ham beradi.

Agentlikning rasmiy sahifalariga ulanish:
Telegram | Facebook | Instagram | YouTube

#eslatma

📣 Agentligimiz tizimidagi Prezident maktablariga kirish uchun tayyorlaydigan rasmiy o‘quv kurslari mavjud emas!

❗️Ijtimoiy tarmoqlarda “Prezident maktablariga tayyorlaymiz”, “Prezident maktablariga kirish uchun oraliq “repetitsion” test sinovlari” qabilidagi e’lonlar asosida “Prezident maktablari” brendi ostida mo‘maygina daromad orttirayotgan tayyorlov kurslarining e’lonlari juda ko‘p uchramoqda. Bunday yolg‘on xabarlarga ishonmasligingizni so‘raymiz.

✅ Eslatib o‘tamiz, Prezident maktablariga o‘quvchilar Cambridge Assessment International Education tashkiloti tomonidan taqdim etiladigan testlar asosida shaffof tarzdagi imtihonlar orqali tanlab olinadi. Yuqorida ta’kidlangan tayyorlov kurslarida aniq qo‘llanmalar mavjud emas.

⏰ Shuningdek, ijtimoiy tarmoqlarda Prezident maktablari nomidan faoliyat yuritib kelayotgan turli kanal va sahifalar ko‘p uchramoqda. Bu kabi telegram kanallarining Prezident maktablariga hech qanday aloqasi yo‘q.

📌 Prezident maktablariga qabul bo‘yicha barcha tasdiqlangan ma’lumotlar Ixtisoslashtirilgan ta'lim muassasalari agentligining rasmiy kanallari orqali berib boriladi.

🔹 Siz qabul jarayonlari, kvotalar, imtihonlar va boshqa ma’lumotlarni aynan shu sahifalar orqali kuzatib borishingiz mumkin.

Agentlikning rasmiy sahifalariga ulanish:
Telegram | Facebook | Instagram | YouTube

#gʻalaba
#bizning_shunday_oʻquvchilarimiz_bor

⚡️G‘ALABALAR MEHNATLAR SAMARASI

🇺🇿🇨🇳 Xitoyning Pekin shahrida 1-Xalqaro matematika yozgi intellektual oromgohida 25 mamlakat terma jamoalaridan 156 nafar iqtidorli o’quvchilar o’rtasida Xalqaro matematika olimpiadasi metodologiyasi asosida tashkil qilingan olimpiadada O’zbekiston terma jamoasi a’zolari 4 ta bronza va 2 ta faxriy yorliq (honorabl mention) bilan taqdirlandi.

✅ E’tirof etish joizki, O’zbekiston terma jamoasi a’zolari orasida Agentligimiz tizimidagi Muhammad al-Xorazmiy nomidagi ixtisoslashtirilgan maktab o’quvchisi Ozodbek Axtamov va Qorako‘l tuman ixtisoslashtirilgan maktab-internati o‘quvchisi Anvarbek Rahmatov ham borligi faxr va iftixor tuyg’usini uyg’otadi.

💫 O‘quvchilarmizning kelgusidagi o‘qish va ishlarida omad tilaymiz!

Agentlikning rasmiy sahifalariga ulanish:
Telegram | Facebook | Instagram | YouTube