⚡️ Maktabgacha va maktab ta’limi vaziri Hilola Umarova boshchiligidagi delegatsiya Buyuk Britaniyaning London shahrida bo‘lib o'tayotgan Butunjahon ta’lim forumi doirasida ta‘lim vazirliklari delegatsiyalari bilan uchrashdi va quyidagi masalalar muhokama qilindi.

✅ Hindiston Respublikasi Assam shtati federal taʼlim vazirligi bilan ingliz tili va informatika yo‘nalishlaridagi oliy taʼlim muassasalari bitiruvchilarini O‘zbekistondagi umumiy o‘rta taʼlim muassasalariga “ustoz-shogird” modeli asosida amaliyotga va taʼlim jarayoniga jalb etish;

✅ Liviya mamlakati oliy taʼlim va ilmiy tadqiqot vaziri Doktor Omran Muhammad al Giyib tomonidan O‘zbekiston umumiy o‘rta taʼlim tizimida arab tilini xorijiy til sifatida o‘qitish yo‘nalishida hamkorlik, jumladan, Liviya tomonidan arab tilida dars beruvchi o‘qituvchilar uchun Liviya oliy taʼlim muassasalarida magistr va ilmiy tadqiqot (PhD) taʼlimi uchun taʼlim grantlarini ajratilish;

✅ Britaniya Kengashi Maktablar, kasbiy taʼlim va noanʼanaviy taʼlim bo‘yicha Global direktori Mark Gerbert bilan O‘zbekistonda maktabgacha va maktab taʼlimidagi islohotlarning to‘rt asosiy yo‘nalishida Britaniya Kengashi bilan hamkorlik olib borilish;

✅ ETS xalqaro taʼlimda baholash tashkilotining Bosh direktori Amit Sevak bilan o‘qituvchilarning kasbiy mahoratini baholovchi Praxis imtihonlarini O‘zbekiston taʼlim tizimiga adaptatsiya qilish, o‘qituvchi va maktab rahbarlari uchun malaka oshirish kurslari va ularning kasbiy baholash testlarni joriy qilish;

✅ ODILO onlayn taʼlim texnologiyalari tashkilotining global tijoriy vitse-prezidenti Skot Smit bilan onlayn-taʼlim platformasi imkoniyatlaridan foydalangan holda maktabdan tashqari taʼlim yo‘nalishida o‘quvchilarning bilimini mustahkamlashning moslashtirilgan raqamli taʼlim tizimini joriy qilish kabi masalalar muhokama qilindi.

Agentlikning rasmiy sahifalariga ulanish:
Telegram | Facebook | Instagram | YouTube