#Qádiriń bálent bolsın-Ana tilim


Sáne múnásibeti menen 9-b klass oqıwshılarınıń tayarlaģan videoroligi



https://t.iss.one/piimanukus

Bùgin mektebimizdiń  pedagogları ushın  Qaraqalpaq mámleketlik universitetiniń pedagogika hám psixologiya kafedrası assistentı Tóremuratova Aziza Begbaevna tárepinen oqıwshılar menen islesiwde  zamanagóy metodlardı qollanıw  boyınsha seminar- trening ótkizildi

Psixolog  tárepinen  balalar menen islesiwde  qollanılatuģın metodlar haqqında kerekli maģlıwmatlar berildi

Oqıtıwshılar bul baģdarda ózlerin qızıqtırģan  sorawlarģa juwaplar aldı.




https://t.iss.one/piimanukus

#Qádiriń_bálent_bolsın_Ana_tilim!
Aldın xabar bergenimizdey háptelik sheńberinde videorolikler tańlawı járiyalanģan edi.
Tańlawģa kelip túsken videorolikler menen tanısıń


https://t.iss.one/piimanukus

Assalawma áleykum, húrmetli zamanlaslar!
Qaraqalpaq tiline mámleketlik til biyligi beriliwiniń 34 jıllıǵı menen gúllán xalqımızdı qutlıqlaymız!
Sizdi internette qaraqalpaq tilindegi maǵlıwmatlardı bayıtıwǵa qaratılǵan Qaraqalpaqsha Wikipedia joybarına qanalas bolǵan Qaraqalpaqsha Wikisózlik joybarınıń rawajlanıwına «Ana tilim, sen qamsıqpa ̶ biz barmız!» súreni astında úles qosıwǵa shaqıramız.

Qaraqalpaqsha Wikisózlik joybarı Wikimedia Fondı joybarlarınıń qaraqalpaq tilindegi bir shaqabı bolıp, ol haqqında qısqasha tómendegilerdi atap ótiw múmkin:
 joybar latın grafikasına tiykarlanǵan qaraqalpaq álipbesinde alıp barıladı;
 joybardıń maqseti Qaraqalpaqsha Wikipedia (kaa.wikipedia.org) joybarına kómekshi bolıw;
 onı Qaraqalpaqsha Wikipedia administraciyası júrgizedi. Bunıń ushın arnawlı jabıq telegram kanal jaratılǵan bolıp, administratorlar barlıq sorawlarǵa sol jerde juwap berip otıradı;
 kirgizilgen maǵlıwmatlar bazası AQSh mámleketinde saqlanadı hám bul óz gezeginde joybardıń toqtap qalıwınıń yamasa onıń saytınıń islemey qalıwınıń aldın aladı;
 joybardıń imkaniyatları anaǵurlım keń bolıp, belgili bir sózdiń mánisinen tısqarı onıń sepleniwi, túrleniwi boyınsha kestelerdi, onıń antonimlerin, sinonimlerin, basqa tildegi awdarmasın kórsetiw múmkin;
 qaraqalpaq tili boyınsha tiyisli bilimge iye (ózin qaraqalpaq tilin jaqsı bilemen dep esaplawshı) hárbir insan bul joybarǵa óz úlesin qosa alıw múmkinshiligi – bul joybardıń eń baslı qolaylıǵı bolıp esaplanadı.

Joybarda tiykarǵı jumıs kólemi Qaraqalpaq tiliniń túsindirme sózliginiń aqırǵı basılımına (7 tomlıq) kirgizilgen maǵlıwmatlardı (sózlerdi, olardıń mánileri hám mısalların) Qaraqalpaqsha Wikisózlik joybarı saytına (kaa.wiktionary.org) qosıp barıwdan ibarat.
Wikisózlikke úles qosıw boyınsha jańa úyreniwshiler ushın eki dana arnawlı videosabaqlıq islep shıǵılǵan bolıp (atları Wikipedia: Akkaunt jaratıw hám Wikisózlik: Element qosıw) olar búgingi kúnde Qaraqalpaqsha Wikipedia joybarınıń rásmiy Youtube kanalına (kanal siltemesi: www.youtube.com/@qaraqalpaqshawikipedia) júklengen.

Úles qosıwdı qálewshilerde tómendegi qásiyetler hám múmkinshilikler bolsa maqsetke say keledi:
 qaraqalpaq tiliniń imlasın jetik dárejede biliw;
 internet, kompyuter is qurallarına hám olardan paydalanıw kónlikpelerine iye bolıw;
 joybarǵa kúndelikli waqıt ajıratıw;
 básekili jaǵdaylarda basqalar menen doslıq-qanalaslıq múnásibette bolıp, qaraqalpaq tiliniń rawajlanıwı degen ulıwma maqsetti óziniń jeke mápinen, minezinen ústem qoyıw.