#Yubiley

"Tong yulduzi" 95 yoshda

✅ Bugun O‘zbekiston Milliy kutubxonasida Maktabgacha va maktab ta’limi vazirligi muassisligidagi “Tong yulduzi” gazetasining 95 yilligi hamda “Tong yulduzi” yoritgan olam” kitobi taqdimoti bo‘lib o‘tdi.

✔️ Unda Maktabgacha va maktab ta’limi vazirligi, Axborot va ommaviy kommunikatsiyalar agentligi, O‘zbekiston Milliy axborot agentligi, “Milliy tiklanish” demokratik partiyasi Markaziy kengashi vakillari, jurnalistlar va ijodkorlar, o‘quvchilar hamda keng jamoatchilik vakillari ishtirok etdi.

❗️Tadbirni Maktabgacha va maktab ta’limi vaziri o‘rinbosari Farhod Boqiyev ochib berdi hamda tahririyat jamoasini qutlab, o‘zining ezgu tilaklarini bildirdi.

⚡️Shundan so‘ng, tahririyat jamoasiga Maktabgacha va maktab ta'limi vaziri tabriknomasi hamda qimmatbaho sovg‘alar topshirildi.

Bundan tashqari, hamkor tashkilotlar vakillari ham so‘zga chiqib, gazetaning 95 yilligi bilan barchani muborakbod etishdi.

➖ Yubiley tadbiri doirasida uzoq yillar gazetada faoliyat yuritgan Ravil Albekovning suratlar ko‘rgazmasi ham tashkil etildi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin