#Xalqaro_hamkorlik

⚡️ DUBAY SHAHRIDA 57-XALQARO KIMYO OLIMPIADASI BOSHQARUV QOʻMITASINING NAVBATDAGI YIGʻILISHI BOʻLIB OʻTMOQDA

Unda Oʻbekiston delegatsiyasi vakillari ham ishtirok etib, joriy yil Dubay shahrida oʻtkaziladigan ushbu olimpiada imtihonining amaliy va nazariy jarayonlari boʻlib oʻtadigan joylarning tayyorgarlik holati bilan tanishdi.

Ma’lumot uchun, Ixtisoslashtirilgan ta’lim muassasalari agentligi huzuridagi Fan olimpiadalari markazi direktori Toʻraboy Shermatov Xalqaro kimyo olimpiadasining Boshqaruv qoʻmitasi a’zosi hisoblanadi.

Shu bilan birga, yigʻilishda 58-Xalqaro Kimyo Olimpiadasi (ICHO-2026) doirasida amalga oshiriladigan ishlar boʻyicha Oʻzbekiston delegatsiyasi tomonidan maxsus taqdimot oʻtkazildi.

Tayyorgarlik jarayonlari yuqori baholanib, yigʻilish ishtirokchilari tomonidan olimpiadani tashkil etish boyicha takliflar bildirildi.

Taqdimot yakunida kelgusida Oʻzbekistonda boʻlib oʻtadigan nufuzli xalqaro fan olimpiadalarida doimiy ravishda ilmiy hamkorlik qilishga kelishib olindi.

58-Xalqaro kimyo olimpiadasining yurtimizda oʻtkazilishi xalqaro miqyosda Oʻzbekistonning ilm-fan sohasidagi nufuzini oshirishda muhim ahamiyat kasb etadi.

Ilm-fan rivoji yoʻlida hamkorlik davom etadi!

Telegram | Facebook | Instagram | YouTube