“Bizga maktab kerak”

Kuni kecha Muqimiy nomidagi O‘zbekiston davlat musiqali drama teatrida shu nomli spektakl premyerasi bo‘lib o‘tdi.

Zamon Avloniysi, deya ta’rif berilgan O‘zbekiston Xalq o‘qituvchisi, "Buyuk xizmatlari uchun" va "Mehnat shuhrati" ordenlari sohibi, "Qorako‘l maktabi" asoschisi To‘xtamurod Jumayevning hayotiga bag‘ishlangan mazkur spektakl namoyishiga marhum ustozning oila a’zolari, shogirdlari, “Qorako‘l maktabi” sobiq bitiruvchilari, ta’lim sohasi xodimlari hamda OAV vakillari ishtirok etishdi.

Davomiy olqishlar bilan qarshi olingan mazkur sahna asarida millat kelajagi bilan bog‘liq dolzarb mavzuga qo‘l urilgan bo‘lib, ustozning ilm yo'lida bosib o‘tgan mashaqqatli yo‘li aks etgan. To‘xtamurod Jumayev o‘z orzusidagi maktabni yaratish uchun qanday qiyinchiliklarni boshidan kechirgani, maktabning bugungi kunga kelib erishgan yutuqlari tomoshabinlarning olqishlariga sabab bo‘ldi.

Muallifi Qo‘chqor Norqobil, rejissyor Dilmurod Haqberdiyev, musiqasi Oydin Abdullayevalar tomonidan yaratilgan mazkur sahna asari To‘xtamurod Jumayevning xotirasiga bag‘ishlangan bo‘lib, real voqealar asosida sahnalashtirilgan.

Spektakl premyerasi 3-noyabr kuniga qadar davom etadi. Teatr ijodkorlari barcha ta’lim sohasi xodimlarini mazkur spektakl namoyishiga taklif qiladi.

Fursatdan foydalanib, teatr jamoasiga ta’limning mashaqqatli yo‘liga bag‘ishlab yaratilgan sahna asari uchun minnatdorlik bildiramiz!

Vazirlikning rasmiy sahifalariga ulanish
Telegram | Youtube | Facebook | Instagram

#ota_onalar_majlisi
#1_chorak_yakuni

IJOD MAKTABIDA OTA-ONALAR YIG'ILISHI BO‘LIB O‘TDI

📍Ogahiy nomidagi ijod maktabida 3-noyabr kuni o‘quvchilarning ota-onalari bilan yig'ilish bo‘lib o‘tdi.

🔶 Yig'ilishda maktab direktori S.Abdullayev 1-choraklik sarhisobi, erishilgan yutuqlar haqida ma'lumot berdi va 2-choraklik rejalari o'rtoqlashildi. O'qish jarayonini yanada samarali va natijador tashkil qilishga qaratilgan bir qator takliflar o'rtaga tashlandi va ular ota-onalar tomonidan qo'llab-quvvatlandi.

🔹 O‘IBDO' N.Abdullayev chorak yakuni bo‘yicha olingan ChSB imtihon natijalari, oldinda kutilayotgan fan olimpiadasi bo‘yicha fikrlar bildirdi.

🟢 Shundan so‘ng o‘quvchilarning tarbiyaviy-axloqiy jihatlari bo‘yicha maktabning MMIBDO' B.Sadullayev so'zga chiqib, bevosita tarbiyaning ham muhimligiga oid tahliliy misollarga to'xtalib o‘tdi.

🔻Yig'ilish davomida ota-onalar o‘zlarini qiziqtirgan savollariga javoblar olishdi.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram

#Iliqqina_tortiq
#Yoshlar_toʻplami

📚 "IJODGA OSHUFTA DILLAR" YOSH IJODKORLAR JAMOA TO‘PLAMI CHOP ETILDI

➡️ Vohamizdagi bir guruh yosh ijodkorlarni iste'dodini namoyish qilish maqsadida "Xorazm" nashriyoti tomonidan "Ijodga oshufta dillar" nomli antalogiya nashr qilindi. Joriy yilning 4-noyabr sanasida Toshkent shahrida ushbu to‘plamning taqdimoti o‘tkazildi.

📄 Unda bizning Ogahiy nomidagi ijod maktabiga ushbu o'quv yilidan qabul qilingan 7-"A" sinf o‘quvchisi Maqsudova Anoraning she'rlari ham o‘rin olgan. O‘quvchimizning Ogahiy nomidagi ijod maktabida o'qishi davridagi ushbu dastlabki salmoqli yutuqi navbatdagi ijodiy muvaffaqiyatlariga zamin yaratishiga ishonamiz.

👏 O‘quvchimizni, ustozlarini va ota-onasini yangi antalogiya bilan qutlab, ijodiy zafarlar tilaymiz.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram