Breakthrough Junior Challenge: 13-18 yoshli oʻquvchi va talabalar uchun mukofoti 400 ming dollar boʻlgan tanlov!

Tanlovda 13-18 yoshli maktab, litsey, kollej oʻquvchilari va OTM talabalari qatnashishi mumkin.

Ishtirokchilar fizika, matematika yoki hayot haqidagi fanlar (biologiya, botanika, biokimyo va h.k.) boʻyicha 2 daqiqadan oshmaydigan qisqa video (ingliz tilida) topshirishi kerak.

Tanlov mukofoti:
– Gʻolibning universitetda oʻqishi uchun 250 ming AQSH dollari mablagʻ;
– Gʻolibning oʻqiydigan taʼlim muassasasida ilmiy laboratoriya tashkil qilish yoki laboratoriyani jihozlash uchun 100 ming AQSH dollarigacha mablagʻ;
– Gʻolibning oʻqituvchisiga 50 ming AQSH dollari mablagʻ.

Arizalar 2024-yil 25-iyungacha qabul qilinadi.

Batafsil👇
https://grantlar.uz/aqsh-breakthrough-junior-challenge-tanlovi/

@grantlar

O‘zbekistonda ilk marotaba Аbu Аli ibn Sino nomidagi xalqaro biologiya olimpiadasi tashkil qilinmoqda.

Joriy yilning 9-14-iyun kunlari Buxoro shahrida tashkil qilinayotgan xalqaro olimpiadada dunyoning 19 ta mamlakatidan 120 nafar iqtidorli yoshlarning (30 ta jamoa) ishtirok etishi kutilmoqda.
Olimpiadada Finlyandiya, Turkiya, Saudiya Аrabistoni, Xitoy, Rossiya, Tojikiston, Qozogʼiston, Qirgʼiziston, Turkmaniston, Mongoliya, Qatar, Ozarbayjon, Hindiston, Quvayt, Belorus, Gruziya, Vyetnam, Tailand davlatlarining terma jamoalari ishtirok etadi.

Olimpiada nazariy va amaliy topshiriqlardan iborat ikki bosqichda tashkil etiladi. Birinchi bosqich ishtirokchilarning nazariy bilimlarini baholashga qaratilgan bo‘lib, ularga yozma ish va test topshiriqlari beriladi. Ikkinchi bosqich amaliy ish (laboratoriya) shaklida o‘tkaziladi.

Ishtirokchilarning bajargan ishlarini tekshirish, ularni baholash uchun Turkiya, Ozarbayjon, Rossiya, Belorus, Qirgʼiziston va Oʼzbekiston Respublikalaridan xalqaro olimpiadalar boʼyicha koʼp yillik tajribaga, yuqori salohiyatga ega xalqaro darajadagi ekspert mutaxassislar hakamlar hayʼati aʼzoligiga jalb qilingan.

Xalqaro olimpiadaga tashrif buyurgan iqtidorli yoshlar hamda jamoa rahbarlari Buxoroning tarixiy obidalari, uning boy madaniy merosi va urf-odatlari bilan tanishish imkoniyatiga ega boʼlishadi. Shuningdek, olimpiada dasturidan turli sayohatlar, madaniy tadbirlar joy olgan.

9-iyun kuni Buxorodagi “Varnet” botanika bog‘ida olimpiadaning ochilish marosimi, 13-iyun kuni Poyi Kalon tarixiy obidalar majmuasida yopilish marosimi tashkil qilinishi rejalashtirilgan.