Bugun Samarqand shahrida o‘tkazilayotgan BMTning Butunjahon sayyohlik tashkiloti (UNWTO) 25-Bosh assambleyasi doirasida “Global ta’lim Forumi” bo‘lib o‘tdi. Forumda 140 davlatdan kelgan delegatlar, turizm rahbarlari bilan bir qatorda ta’lim sohasiga mas’ul rahbarlar ham ishtirok etmoqda.

Bugun turizm va ta’lim bir-biriga chambarchas bog‘liq soha ekanligi barchamiz bilamiz. Shu bois, Forum ishtirokchilariga O‘zbekistonda ta’limi sohasida amalga oshirilayotgan ishlar hamda xalqaro miqyosda erishilgan yutuqlar to‘g‘risida ma’lumot berib o‘tdik.

Xabaringiz bor, yurtimizda “Ta’lim uchun qulay muhit” dasturini amalga oshirish, umumiy o‘rta ta’lim tizimini yangi bosqichga olib chiqish, 1 000 nafar tarbiyachi va o‘qituvchini xorijiy mamlakatlarga malaka oshirishga yuborish, O‘zbekiston Global Innovatsion Indeksda Top-50 talik mamlakatlar ro‘yxatiga kirishiga erishish borasida katta maqsadlar amalga oshirishdagi dolzarb vazifalarimizdan biri.

Joriy yilda Prezident maktablari bitiruvchilaridan 114 nafari, Ixtisoslashtirilgan maktablar bitiruvchilaridan 378 nafari dunyoning nufuzli ta’lim maskanlarida tahsilni davom ettirmoqda. Ular qatorida Colorado State University, Harvard University, TUM (Technical University of Munich), Arizona State University, California Institute of Technology va King‘s College kabi nufuzli ta’lim dargohlarining borligi xorijiy ekspertlarda katta qiziqish uyg‘otdi.

Aytish lozim, 2023-yil xalqaro doirada katta yutuqlar davri bo‘lganligi, xususan o‘quvchilarimiz tarixdagi eng yuqori natijalarni qayd etib, xalqaro olimpiadalarda 8 ta oltin, 24 ta kumush va 37 ta bronza, jami 69 ta medalni qo‘lga kiritishdi.

Qolaversa, joriy yilda Ispaniya, Italiya, Оzarbayjon, Rossiya, Turkiya, Qozog‘iston, Qirg‘iziston, Tojikiston kabi davlatlarda 15 ta xalqaro tanlov, festival va musobaqalarda “Barkamol avlod” maktablarining 500 nafarga yaqin o‘quvchisi Gran pri va boshqa yutuqlarni qo‘lga kiritganliklari haqidagi yutuqlar qayd etildi.

Bugun oldimizda turgan asosiy vazifalardan biri o‘quvchilarimizda erta yoshlardanoq ushbu soha haqida tushuncha hosil qilish hamda ularning qiziqishlarini oshirishdir. Vazirlik tizimida Samarqand va Namangan viloyatlarida bolalar sayyohlik bazalari faoliyat ko‘rsatmoqda. Endilikda Samarqanddagi 20 ta maktabda tajriba sifatida maktabdan tashqari ta'lim sifatida turizm soatlarini yo‘lga qo‘ymoqchimiz. Bu borada Butunjahon sayyohlik tashkiloti bilan hamkorlikda ishlayapmiz.

Xalqaro forum doirasida ta’lim, fan va turizm sohasidagi innovatsiyalarga doir dolzarb masalalar jonli muhokama qilinib, samarali taklif-tavsiyalar ishlab chiqildi. O‘ylaymanki, Forum qatnashchilari tomonidan bildirilgan ta’limga doir fikr va mulohazalar, takliflar maktabgacha va maktab ta’limi rivoji yo‘lida xizmat qiladi. Buning uchun yurtimizda barcha imkoniyatlar yetarli.

Forum ishiga muvaffaqiyat tilab qolaman!

#ona_tilim_faxrim

“Oʻzbek tili nafaqat qadimiy til, u gʻoyatda nafosatga boy til, u har qanday maʼnoni eng inja qatlamlarigacha ochib bera oladigan, oʻzining goʻzalligi bilan odamga zavq-shavq ulasha oladigan, bahri dilini ochib, goʻzallik tuygʻusini qondira oladigan tildir”

✍️Ozod Sharafiddinov, Oʻzbekiston Qahramoni

Попкорн - BODROQ
Постаянно - DOIM, UZLUKSIZ
Потолок - SHIFT
Почти - DEYARLI
Права (водительская) - GUVOHNOMA
Практика - AMALIYOT
Приём - QABUL
Прическа - SOCH TURMAKI
Приятный - YOQIMLI
Пробка - TIRBAND
Просто - SHUNCHAKI
Простой - ODDIY
Пустой – BO‘SH

⚠️O‘zbek tilidan sof foydalaning!

#OAV_mehmonimiz
#ona_tilim_faxrim

"TONG YULDUZI" GAZETASI OGAHIY IJOD MAKTABIDA AZIZ MEHMON BO‘LDI

🔰 21-oktabr O’zbek tiliga davlat tili maqomi berilgan kun! Bu yil ushbu bayram “O’zbek tili – milliy o’zligimiz va mustaqil davlatchiligimiz timsoli!” shiori ostida o‘tkazilmoqda.

🔹Joriy yilning 19-oktabr sanasida Ogahiy nomidagi ijod maktabiga bayram munosabati bilan Respublikamizdagi nufuzli bolalar va o‘smirlar gazetasi hisoblangan "Tong yulduzi" gazetasi bosh muharriri Feruza Odilova, bosh muharrir oʻrinbosari Nurbek Xidiraliyev va boʻlim muharriri Nodira Nazarovalar tashrif buyurdilar.

🔸Mehmonlar maktab faoliyati bilan tanishgandan so'ng, kutubxonada bir guruh o'quvchi ijodkor yoshlar bilan uchrashuv bo‘lib o‘tdi.

➡️ “Tong yulduzi” gazetasi muhariri Feruza Odilova soʻzga chiqib, maktabda ijodkor oʻquvchilar koʻpligi, ularni ijodlari gazeta sahifalarida tez-tez chop qilinib borilayotganligini mamnuniyat bilan gapirib o‘tdi.

🌠 Gazetaning bo'lim muharriri Nodira Nazarova ijodkor oʻquvchilar yuborgan sheʼr, hikoya va maqolalarini telegram tarmog'i orqali qabul qilish yo'lga qo'yilgani haqida ma'lumot berib o'tdi.

🟤 Shundan so‘ng oʻquvchilar oʻz ijod namunalarini mehmonlarga oʻqib berdilar.

📌 Tadbirda tahririyat tomonidan kutubxonaga “Tong yulduzi” gazetalar toʻplami hadya qilindi. Maktab direktori Sarvar Abdullayev o'z navbatida mehmonlarga ijodkor oʻquvchilarimiz ijodi nashr qilingan "Ogahiy izdoshlari" jamoa toʻplamlaridan va otasi xotirasiga bagʻishlab yozgan “Tushday kechgan umrlar, yohud hayot kitobining ba'zi varaqlari” kitobini hamda maktab logotipi bilan tayyorlangan sovgʻalarni topshirdi.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram