#Спорт

⚡️⚡️⚡️ Волейболчи ёшларимиз туманимиз шарафини республика босқичида ҳам ҳимоя қилади

✔️ Паркент ёшларидаги шижоат, жўшқинлик ва мардлик, эзгу орзу-интилишларни кўп соҳаларда кўриш мумкин.

✔️ Бир сўз билан айтганда ёшларимизнинг фаоллиги шу азиз туман тараққиётида, айниқса шаънини муносиб ҳимоя қилишда муҳим аҳамият касб этмоқда.

✔️ Сўзимизни жорий йилнинг 18-22 июль кунлари Тошкент вилояти Олмалиқ шаҳар ОКМК спорт залида 17 ёшгача бўлган ўсмирлар ва ўсмир қизлар ўртасида волейбол бўйича “Ички ишлар вазири кубок”гининг вилоят чемпионати мисолида ҳам кўриш мумкин.

✔️ Мусобақада ёшларимиз Тошкент вилоятининг шаҳар ва туман жамоалари орасида спортнинг волейбол турида тенгсиз, деб топилди.

✔️ Беллашувларда волейболчи ёшларимиз Паркент тумани шарафини ҳимоя қилиб 1-ўринни қўлга киритди.

✔️ Афсуски, туманимиз қиз болаларидан жамоа кучли учталикни банд эта олмаган бўлсада, мусобақада муносиб иштирок этишди.

✔️ Мусобақа ғолибларига Тошкент вилояти ИИБ бошлиғи Тоҳир Арипов томонидан диплом, медаль, спорт кийимлари ҳамда пул мукофотлари билан тақдирланди.

⭕️ Энди туманимизнинг ўғил болалар жамоаси республика босқичида туманимиз шарафини ҳимоя қилади.

➡️😎@PARKENT_TONGI😎

#Спорт

⚡️⚡️⚡️ Бир гуруҳ спортчи ёшлар Тошкент вилояти босқичига йўлланма олишди

“Гулбоғ”марказий ўйингоҳида мактаб ўқувчилари ўртасида “Беш ташаббус олимпиадаси” спорт мусобақаларининг енгил атлетика туридан туман босқичи ўтказилди.

Унда 16 та мактаблардан 32 нафар ўқувчи иштирок этди.

Паркент туман Спорт мактабининг тренерлари ҳакамлик қилган мусобақа натижаларига кўра, ўғил болалар ўртасида 1-ўрин 5-мактаб ўқувчиси Дилшод Йўлдошбоевга, 2-ўрин 40- мактаб ўқувчиси Муҳаммад Aлимбоевга, 3-ўрин 55-мактаб ўқувчиси Лочинбек Жабборбергановга насиб қилди. 

Қиз болалар ўртасида эса, 1-ўринни 22-мактаб ўқувчиси Одина Aбдуқодирова, 2-ўринни 12-мактаб ўқувчиси Сабина Эргашова, 3-ўринни 28-мактаб ўқувчиси Малохат Тўлқинбоева қўлга киритди.

Ғолиблар Тошкент вилояти босқичига йўлланма олишди.

Шунингдек, 10-мактабда “Беш ташаббус олимпиадаси” спорт мусобақаларининг қувноқ стартлар туридан мактаб ўқувчилари ўртасида туман босқичи ўтказилди. Мусобақада 16 та мактабдан 160 нафар ўқувчи иштирок этди.

Баҳсларни Паркент туман Спорт мактабининг малакали тренерлари баҳолаб борди.

Якуний натижаларга кўра, 1-ўринга 10-мактаб, 2-ўринга 30-мактаб, 3-ўринга  47-мактаб жамоалари сазовор бўлишди.

Ғолиблар Тошкент вилоят босқичига йўлланма олишди.

👉 @PARKENT_TONGI

#Спорт

⚡️⚡️⚡️ Кураш спортида истеъдодли ёшлар аниқланмоқда

Туманимизда кураш миллий спортига бўлган қизиқиш ортиб бормоқда.

Бунда Президентимизнинг “Кураш миллий спорт турини ривожлантириш ва унинг халқаро нуфузини янада ошириш чора тадбирлари тўғрисида”ги ПҚ-4881-сонли қарори маҳаллаларимизда кураш мусобақаларини тез-тез ўтказиш имконини бермоқда.

Мазкур қарорнинг ижросини таъминлаш мақсадида туманимиз прокурори, ҳудудий туман кураш федерацияси раиси Жасурбек Ҳайитбоев ўтаётган мусобақаларга бош бўлаётгани истеъдодли ёшларни юзага чиқармоқда.

Фикримизни туман Спорт мактабида “Полвонлари кўп юрт қудратли бўлур” шиори остида ўтган кураш мусобақаси мисолида айтганимиз маъқул.

Паркент тумани прокурори кубоги баҳсларида Сўқоқ, Чанги, Кумушкон, Қорақалпоқ, Бойқозон, Сурхи маҳалласидаги 2009-2010 йилда туғилган 120 нафар ўғил-қиз ўзаро беллашишди.

Келинг энди кимлар ғолиб бўлганини айтиб ўтайлик!

Мусобақада ўз вазн тоифасида ғолиблик шоҳсупасига кўтарилган Ширин Ботирова, Ирода Холдарова, Шохжаҳон Эргашев, Элшод Холдаров, Нурулло Маҳмудов, Мадина Маъмурбоева, Хусан Тўлабоев Донохон Абдумуталибоваларни танирсиз балки?

Маҳалласининг фахри бўлган бу ёшлардан келгусида номдор чемпионлар етишиб чиқса ажабмас!

Мусобақа ғолиб совриндорларига Паркент туман прокуратураси ва туман ҳокимлиги томонидан тегишли диплом ва қимматбаҳо совғалар топширилди.

👉 @PARKENT_TONGI

#Спорт

⚡️⚡️⚡️ Мини-футбол бўйича туман чемпионатининг ғолиблари аниқланди

Бугун, туманимиздаги бир қатор ташкилотларнинг раҳбарлари бошчилигида спортнинг мини-футбол туридан Паркент тумани чемпионати бўлиб ўтди. Корхона ва ташкилот ходимлари ўртасида ўтказилган қизғин ва мазмунли мусобақада 8 та жамоадан 100 нафар ходим иштирок этишди. Мусобақа айланма усулида 30 кун давом этди.

Якуний натижаларига кўра, 1-ўринни туман ички ишлар бўлими, 2-ўринни туман тиббиёт бирлашмаси, 3-ўринни эса Миллий гвардиянинг туманлараро бўлими жамоалари қўлга киритишди.

Ғолиб жамоалар Тошкент вилояти Ёшлар сиёсати ва спорт бош бошқармасининг қимматбаҳо совғалари билан тақдирланди.

Совғаларни 3-сектор раҳбари, туман ички ишлар бўлими бошлиғи, подполковник Азизбек Алиасқаров жамоа сардорларига ўзининг самимий табрик ва тилаклари билан топширди.

👉 @PARKENT_TONGI

#Спорт

⚡️⚡️⚡️ "Ҳоким кубоги" мусобақалари бўлиб ўтмоқда

Ўтган йилнинг декабрь ойида туманимиз ҳокими Шоҳрух Шоаҳмедов ташаббуси билан спортнинг волейбол ва баскетбол тури бўйича мусобақаларга старт берилган эди.

Ёшлар ўртасида ўтказилиши белгиланган "Ҳоким кубоги" баҳсларида туманимиздаги барча умумий ўрта таълим мактаблари ҳамда Ислом Каримов номидаги Тошкент давлат техника университети Олмалиқ филиали ҳузуридаги академик лицей ва 2-сонли касб-ҳунар мактаби ўқувчилари иштирок этмоқда.

Мусобақаларда ўқувчи-ёшлардан ташкил топган 60 та жамоа 4 та ҳудудга бўлинган ҳолда айланма усулида ўзаро баҳслашмоқда.

Малакали ҳакамлар бириктирилган беллашувларда 3000 га яқин ўқувчилар иштирок этаётган бўлса, уларнинг 1500 нафарини қиз болалар ташкил этади.

“Ҳоким кубоги” мусобақасининг ҳудуд босқичида 1-, 2-ўринларни эгаллаган жамоалар финалда иштирок этади.

⭕️ Мусобақалар режа жадвал асосида  давом этмоқда!

👉 @PARKENT_TONGI

#Спорт

⚡️⚡️⚡️ Оталиққа олинган ёшлар ўртасида футбол мусобақаси ўтказилди

Туман прокурори Жасурбек Хайитбоев ўзига бириктирилган маҳаллалардаги оталиққа олинган ёшлар ўртасида спортнинг футбол тури бўйича мусобақа ўтказди.

Муросасиз кечган баҳсларда  Яшнобод маҳалла ёшлари 1-ўринни, Бойқозон маҳалла ёшлари 2-ўринни, Қайилма маҳалла ёшлари 3-ўринни қўлга киритди.

Ғолиблар туман прокуроринг эсдалик совғалари билан тақдирланди.

👉 @PARKENT_TONGI

#Спорт

⚡️⚡️⚡️ "Беш ташаббус олимпиадаси"нинг маҳалла босқичи бўлиб ўтди

Туманимизда "Беш ташаббус олимпиадаси" доирасида спортнинг стол тенниси ҳамда енгил атлетика тури бўйича мусобақаларининг маҳалла босқичи бўлиб ўтди.

Жумладан, Булоқбоши маҳалласидаги 4-мактабда ўтган қизғин баҳсларда 205 нафар ёш қатнашди.

Мазкур мусобақада иштирокчилар 16-21, 22-26, ва 27-30 ёш тоифасида ўзаро беллашишди.

Мусобақаларда ғолиб бўлганлар сектор босқичига иштирок этиш ҳуқуқини қўлга киритди.

👉 @PARKENT_TONGI

#Спорт

⚡️⚡️⚡️ “Ҳоким кубоги”нинг баскетбол ва волейбол бўйича қизлар ўртасида чорак финал учрашувлари бўлиб ўтди

Туманимиздаги 39-мактабда спортнинг волейбол туридан ўқувчи қизлар ўртасида туман “Ҳоким кубоги” спорт мусобақаларининг чорак финал учрашувлари ўтказилди.

Унда ҳудуд босқичида ғолиб бўлган 8 та жамоада 90 нафар қиз ғолиблик учун майдонга чиқишди.

Муросасиз кечган беллашувларнинг якуний натижасига кўра финал учрашувида 33-мактаб ва 58-мактаб жамоалари ғолиблик учун майдонга чиқадиган бўлди.

Шунингдек, 39-мактаб ва 28-мактаб жамоалари 3-ўрин учун курашади.

Баскетбол бўйича мактаб ўқувчи қизлари ўртасидаги чорак финал баҳсларида эса ҳудудий босқичларда ғолиб бўлган 8 та жамоада 80 нафар қизлар майдонга тушди.

Туманимиздаги 45-мактабда бўлиб ўтган беллашув натижаларига кўра 11-мактаб ва 30-мактаб жамоалари финалда ғолиблик учун курашадиган бўлди. Фахрли 3-ўрин учун 31-мактаб ва 27-мактаб жамоалари курашади.

Кези келганда алоҳида таъкидлаш жоизки, туманимизда ёшларни спортга кенг жалб қилиш ишлари тўғри йўлга қўйилгани, қолаверса маҳаллаларимизда “Ҳоким кубоги” мусобақалари ташкил этиб борилаётгани истеъдодли ёшларни юзага чиқармоқда.

Шу боис, ёшларимиз турли спорт мусобақаларининг вилоят ҳамда республика босқичларида муносиб иштирок этиб, туманимиз спортчилари нималарга қодир эканлигини исботламоқда.

Маълумот учун айтганда, эртага 20 март куни 45-, 39-мактабда волейбол ва баскетбол бўйича ўғил болалар ўртасида "Ҳоким кубоги" мусобақаларининг чорак финал учрашуви бўлиб ўтади.

Финал учрашувларида ғолиб бўлган жамоаларга ҳоким Шоҳрух Шоаҳмедов томонидан махсус диплом, медаль ва қимматбаҳо совғалар тантанали тарзда топширилади.

👉 @PARKENT_TONGI

#Спорт

⚡️⚡️⚡️ Ғолиб педагог ва ходимлар муносиб тақдирланди

Туманимизда "Беш ташаббус олимпиадаси" доирасида мактабгача ва мактаб таълими тизимида фаолият олиб бораётган ўқитувчи ва ходимлар ўртасида "Соғлом танда – сифатли таълим" шиорида спорт мусобақалари ўтказилди.

Спортнинг 5 тури — мини-футбол, шахмат-шашка, стол тенниси ва волейбол туридан ўтказилган  "Касаба уюшмалари кубоги" мусобақаларида туманимиздаги мактабгача ва мактаб таълими тизимида меҳнат қилаётган 800 га яқин педагог ва ходим иштирок этишди.

Бугун бўлиб ўтган финал мусобақаларининг натижаларига кўра, мини-футбол бўйича жамоавий баҳсларда 1-ўрин 22-мактаб, 2-ўрин 53-мактаб, 3-ўрин эса 54-мактаб жамоаларига насиб қилди.

Хотин-қизлар ўртасидаги волейбол мусобақасида эса 1-ўринга 22-мактаб, 2-ўринга 12-мактаб, 3-ўринга 54-мактаб жамоалари сазовор бўлишди.

Шунингдек, якка тартибда шахмат бўйича хотин-қизлар ўртасида 1-ўринни 4-мактабдан Лобар Тўйчибоева, 2-ўринни 31-мактабдан Зуҳра Султонова, 3-ўринни 55-мактабдан Доно Турматова эгаллади.

Эркаклар ўртасидаги шахмат баҳсида 1-ўринга 15-мактабдан Илҳом Эшматов, 2-ўринга 57-мактабдан Шавкат Холов, 3-ўринга 58-мактабдан Турдибой Мирзаев лойиқ кўрилди.

Хотин-қизлар ўртасидаги шашка баҳсида 1-ўринни 36-мактабдан Дилбар Нуриддинова, 2-ўринни 57-мактабдан Шаҳноза Маназарова, 3-ўринни 14-мактабдан Шаҳноза Қўчқорова қўлга киритди.

Эркаклар ўртасидаги шашка баҳсида 44-мактабдан Эркавай Холматов 1-ўринни, 36-мактабдан Сирожиддин Нуриддинов 2-ўринни, 34-мактабдан Дилшод Хўжаев 3-ўринни эгаллади.

Хотин-қизлар ўртасидаги стол тенниси баҳсида 1-ўрин 12-мактабдан Дилфуза Эштоевага, 2-ўрин 30-мактабдан Севдо Низомовага, 3-ўрин 36-мактабдан Гуландон Турғуновага насиб қилди.

Эркаклар ўртасидаги стол тенниси баҳсида 1-ўринга 49-мактабдан Исроил Носиров, 2-ўринга 31-мактабдан Рустам Ҳасанов, 3-ўринга 45-мактабдан Адҳам Назиров сазовор бўлди.

Мусобақаларнинг финал босқичида ҳоким Сардор Исоқулов иштирок этиб, ғолибларга "Касаба уюшмалари кубоги" ҳамда қимматбаҳо совғаларни  топширди.

👉 @PARKENT_TONGI

#Спорт

⚡️⚡️⚡️ Паркентлик спортчи Ўзбекистон давлат жисмоний тарбия ва спорт университетига имтиёз асосида ўқишга қабул қилинди

Яқинда Фарғона шаҳрида спортнинг муай тай тури бўйича ўсмирлар ва ёшлар ўртасида Ўзбекистон чемпионати бўлиб ўтди.

Унда республиканинг барча вилоятларидан келган спортчи-ёшлар турли вазн тоифаларида ғолиблик учун кураш олиб боришди.

Қувонарлиси, ушбу чемпионатда Тошкент вилояти терма жамоаси сафида Паркент туман Спорт мактаби тренери Дилшод Абдувалиевнинг шогирдлари, ёш муай тайчилармиз ҳам фаол қатнашиб, совриндорлар қаторидан жой олишди.

Жумладан, туман Спорт мактаби ўқувчиларидан Азизбек Равшанов (32 кг.), Бобур Хайриддинов ва Одилжон Ваҳобжонов (34 кг.) ҳамда Баҳром Махатов (67 кг.) фахрли 3-ўринни эгаллаган бўлса, 24 кг. вазн тоифасида рингга чиққан Шукруллоҳ Обидбоев 2-ўринни эгаллади.

Эътиборлиси, туманимиз ўғлонлари орасидан Самандар Ҳурсандов катталар ўртасидаги баҳсларда мутлақ ғолибликни қўлга киритди.

Шу боис, Самандар Ҳурсандов Ўзбекистон давлат жисмоний тарбия ва спорт университетига имтиёз асосида ўқишга қабул қилинди ҳамда спорт устаси унвонига сазовор бўлди.

Чемпионат якунида ғолиб ва совриндорлар Ўзбекистон муай тай федерацияси томонидан диплом, медаль ва эсдалик совғалари билан тақдирланишди.

👉 @PARKENT_TONGI