#Кайфият

Саёҳатчи ўзбеклар: дам олиш кунлари ким қаерга боргани ҳақида

📌Биз саёҳатга чиқишни, табиатдан завқланишни ўрганиб олдик. Дам олиш маданияти қандайлиги алоҳида мавзу ва ҳозир бу ҳақида гапирмоқчи эмасмиз.

🔥Шу кунларда ўзбекистонликлар ноёб воқеага гувоҳ бўлишмоқда. Ватанимизда бугун уч фасл таровати бараварига уфуриб турибди. Асосийси, бундай манзарани олис-олисларда эмас, пойтахтимизнинг биқинидаги локацияларда топиш мумкин.

🌦Тошкент воҳасининг қуйи ҳудудларида ёз нафаси келиб қолган бўлса, тоғ олди ҳудудларда эрта баҳор таровати уфуради, тоғларда ҳамон қиш чекингани йўқ. Ўтган уч кун давомида Бўстонлиқ, Оҳангарон, Паркент тоғларида қор севалаб ёғди.

📷Кўраётганингиз видеолар – дам олиш кунларида аҳоли вакиллари, ёшлар қандай ўтказгани хусусида таассурот беради. Бу кунларнинг ноёб тароватидан завқланиш истагида бўлганларга она табиат ўз қучоғини очмоқда.

😍Кўринг, гўзал Тошкент вилояти манзаралари бу! Оҳангарон мовий тоғлари, Сўқоқ манзаралари, Ақчакўл бўйларига тўпланган одамлар, Олмалиқ ва Пискент манзаралари бу!

Yoshlar kundaligi