#сайлов_2023

⭕️Тошкент вилоятида сайлов жараёнлари қизғин давом этяпти

📍Ўзбекистон Республикаси Президенти сайловини ўтказувчи 10-Тошкент вилояти округ сайлов комиссияси навбатдаги брифинг ўтказилди. Унда округ комиссияси раиси Улуғбек Тўхтаев ва комиссия аъзолари ахборот берди.

✔️Қайд этилганидек, бугун соат 8.00 да 10-Тошкент вилояти округи ҳудудидаги 968 та сайлов участкасида овоз бериш жараёнлари бошланди. Сайловчиларнинг ягона электрон рўйхатига кўра, округ бўйича овоз берувчиларнинг умумий сони 1 миллион 810 минг 281 нафарни ташкил этмоқда. Улардан 9 минг 136 нафари илк бор сайловда иштирок этаётган ёшлардир.

➡️Ҳозиргача округ ҳудудидаги участкаларда рўйхатга олинган овоз берувчиларнинг 53 фоиздан ортиғи ўз конституцион ҳуқуқларидан фойдаланди. Жойларда сайловчилар учун барча шарт-шароит яратилган. Айрим сабабларга кўра участкага кела олмайдиган фуқаролар учун овоз бериш уларнинг истагига кўра, яшаб турган жойида ташкил этилмоқда.

👉Айни чоғда сайлов участкаларидаги овоз бериш жараёнларини сиёсий партиялар ваколатли вакиллари, фуқароларнинг ўзини ўзи бошқариш органлари кузатувчилари, оммавий ахборот воситалари вакиллари, халқаро кузатувчилар кузатиб бормоқда. Шу пайтгача округ комиссиясига сайловга оид қонунчилик бузилиши юзасидан мурожаат келиб тушмади.

☄️Жараёнда, айниқса, кўзи ожиз ва кўришда нуқсони бор фуқароларга алоҳида эътибор қаратилган. Улар учун Брайль алифбоси асосида махсус трафаретлар чиқарилиб, жойлардаги сайлов участкаларига тарқатилган. Ногиронлиги бўлган фуқароларга яшаб турган жойларида овоз бериш учун шароитлар яратилиб берилган ва уларга кўчма қутилар олиб борилмоқда.

🗓Сайлов участкаларида овоз бериш давом этмоқда.

10-Тошкент вилояти
округ сайлов комиссияси матбуот маркази.

👉каналга уланиш👈

#Сайлов_2023

⚡️⚡️⚡️ Европада хавфсизлик ва ҳамкорлик ташкилоти кузатувчилари Паркент туманидаги сайлов участкалари фаолияти билан яқиндан танишди

✔️ Бугун Паркент туманида ўтаётган сайлов жараёнлари билан яқиндан танишиш мақсадида турли давлат, халқаро ташкилотлардан кузатувчилар келди.

✔️ Улар орасида Европада хавфсизлик ва ҳамкорлик ташкилоти кузатувчиларини ҳам учратдик.

✔️ Жумладан, ушбу нуфузли ташкилотнинг вакилларидан van Peski Caecila Johanna ҳамда Cassola Arnold “Қайилма” маҳалласидаги 484-сайлов участка комиссияси фаолияти билан яқиндан танишди.

📝 “Паркент тонги” газетасининг журналистлари улардан интервью олди.

💬–  Ўзбекистонга Европада хавфсизлик ва ҳамкорлик ташкилоти 200 нафар кузатувчиси келган, – дейди халқаро кузатувчилар. – Ўзбекистон бўйича сайлов жараёнларини 100 та жамоага бўлиниб кузатиб юрибмиз. Бизнинг жамоа Нидерландия ва Италия фуқароси ҳисобланади. Паркент туманидаги сайлов жараёнлари билан яқиндан танишдик. Кузатишларимизда эътиборимизни тортган жиҳат бу аҳолининг кенг қатлами сайловга келяпти. Ёшлар, ўрта ёшлилар, кексалар, ҳатто касаллар ҳам келиб овоз беряпти. Бизга энг ёққан томони шу бўлдики, ногиронлиги бор шахслар учун зарур шарт-шароитлар яратиб қўйилибди. Айниқса, имконияти чекланганлар учун брайл алифбосида сайлов бюллетенлари тайёрлаб қўйилган экан. Умуман, Ўзбекистондаги сайлов жараёнларида яратилган қулайликларни юртимизда ҳам жорий этишга тавсияларимизни берамиз.

➡️😎@PARKENT_TONGI😎