#Ижодий_учрашув

📌 Паркент туманидаги 10-умумий ўрта таълим мактабида ёш истеъдод эгаларининг навбатдаги учрашуви бўлиб ўтди. Унда мактаб ўқитувчилари ва ўқувчилари иштирок этдилар.

📝 Устоз-шогирдлик анъаналарини мустаҳкамлаш, ёшларнинг истеъдод қирраларини очиб, уларни тўғри йўналтириш мақсадида ўтказилган мазкур учрашувга Ўзбекистон Ёзувчилар уюшмаси аъзоси Шуҳрат Тоҳир, Республика Маънавият ва маърифат марказий мутахассиси Бахтиёр Мироталиев, “Ватанпарвар” ташкилоти Паркент ўқув спорт техника клубининг маънавият ва маърифат ишлари бўйича бош мутахассиси Миркомил Хомидовлар таклиф этилди. Давра суҳбатида мактабнинг иқтидор эгалари ўзларининг шеърлари ва ҳикояларидан намуналар ўқиб бердилар.

✅ Савол-жавобларга бой тарзда кечган учрашувдан унинг иштирокчилари катта таассурот олдилар.

✍ Паркент тумани ҳокимлиги Ахборот хизмати

📌 Паркент туманидаги 14-сонли “Ширин” номли мактабгача таълим ташкилотида “Йилнинг энг яхши тарбиячиси” кўрик танлови ўтказилди.

✅ Танловда мазкур болалар боғчаси тарбиячиси Мушаррам Зокирова биринчи ўринга эга бўлиб, беллашувларнинг туман босқичига йўлланмани қўлга киритди.

✍ Паркент тумани ҳокимлиги Ахборот хизмати

#Маънавий_тадбир

✅ 31-умумий ўрта таълим мактабда Паркент туман халқ таълими бўлими, Республика Маънавият ва маърифат маркази туман бўлинмаси, Ўзбекистон “Миллий тикланиш” демократик партияси Паркент туман Кенгаши, туман Маданият бўлими ҳамкорлигида “Янги Ўзбекистонда эркин ва фаровон яшайлик!” мавзусида давра суҳбати ташкил этилди. Унда битирувчи ўқувчилар ҳамда ёшлар иштирок этдилар.

📖 Шунингдек, Маданият бўлими ижодий ходимлари, мактаб ўқувчилари ижросида куй ва қўшиқлар ижро этилиб, шеърлар ўқилди.

📝 Тадбир якунида давра суҳбатини ташкиллаштирган 31-умумий ўрта таълим мактабнинг Ижодий маданий масалалар бўйича тарғиботчиси Зуҳриддин Сайриддиновга ЎзМТДП нинг ташаккурномаси топширилди.

✍ Паркент тумани ҳокимлиги Ахборот хизмати