Паркент тумани Сайлов комиссиясининг ахбороти

Паркент туманида бугун соат 8-00 дан 20-00 гача 70040 нафар сайловчи сиёсий жараёнда фаол иштирок этишди.

Азиз вилоятимиз сайловчилари!

Сиз берган овозлар бугун қандай акс-садолар бермоқда?

Вилоят Кенгаши депутатларининг янги сифат таркиби қандай?

Вилоят Кенгашига сайлов ўтказувчи бир неча округда нима учун ҳеч ким сайлана олмади?

Олий Мажлис Қонунчилик палатасига сайлов ўтказувчи Бўка ва Ангрен сайлов округларидаги гаплардан хабарингиз борми?

Вилоят сайлов комиссиясига вилоятда ўтган сайлов жараёнлари ва қонунчилик бузилишига доир қандай нохуш маълумотлар келиб тушди ва уларнинг тақдири нима бўлаяпти?

Хуллас, саволлар кўп. Қизиқувчилар эса унданда бисёр. Жавоблар орасида эса сиз мутлақо кутмаган жиҳатлар ҳам талай.

Барчаси бугун — 16.00 да шу каналда маълум қилинади.

Биздан узоқлашмай туринг... Каналга уланиш учун:
https://t.iss.one/joinchat/AAAAAETup4eaEqzyyCqKgQ

#Диққат!

Роппа роса бир соатдан сўнг сайлов-2019 кампаниясининг Тошкент вилояти бўйича натижаларини эълон қиламиз!!!

Халқаро матбуот маркази Тошкент вилояти бўлими

Каналга уланиш учун:
https://t.iss.one/joinchat/AAAAAETup4eaEqzyyCqKgQ

#Расмий

Ўзбекистон Республикаси Бош вазирининг ўринбосари – Хотин-қизлар қўмитаси раиси Элмира Боситхонова Тошкент вилоятидаги фаол аёллар билан учрашди

Аввал хабар берганимиздек, Олмалиқ шаҳрида ўтказилган “Хотин-қизлар инновацион ҳафталиги” якунларига бағишланган тадбирларда Ўзбекистон Республикаси Бош вазирининг ўринбосари – Хотин-қизлар қўмитаси раиси Элмира Боситхонова иштирок этди.

Таъкидлаш жоизки, Ўзбекистон Республикаси Инновацион ривожланиш вазирлиги, Ўзбекистон Ихтирочи аёллари маркази, Тошкент вилояти ҳокимлиги биргаликда ташкил этган мазкур ҳафталик доирасида бир қатор лойиҳалар амалга оширилди.

Хусусан, ихтирочи аёллар, меҳнатни ташкил этишга янгича ёндашган хотин-қизлар, ахборот-коммуникациялар тизимини ўрганишга иштиёқманд уй бекалари ҳамда қизларга имконият тақдим этилди. Ўқишлар ташкил этилди ва тажриба алмашиш мақсадида диалоглар ўтказилди.

Элмира Боситхонова вилоятимизда ФҲДЁ ва “Оила” илмий-тадқиқот маркази фаолияти самарадорлигини оширишда хотин-қизлар қўмитаси масъуллари олдида турган долзарб масалалар юзасидан соҳа ходимлари билан очиқ ва самимий мулоқот қилди.

Хотин-қизлар қўмитасининг таянч тузилмаси – бошланғич ташкилотлари жойларда қандай ишлаётгани ўрганилди, мавжуд ҳолат танқидий-таҳлилий назардан кўриб чиқилди.

Умуман, тадбир доирасидаги учрашув ва мулоқотларда жамиятимизда хотин-қизларнинг ижтимоий фаоллигини ошириш, уларнинг ҳақ-ҳуқуқларини тўлақонли амалга ошириш бўйича давлат ҳамда жамоат ташкилотлари ўртасида ўзаро ҳамкорлик қилиш, қолаверса, фан, таълим, маданият, спорт, соғлиқни сақлаш каби жабҳаларда уларни етакчи кучга айлантириш масалалари атрофлича муҳокама қилинди.

“Энг муҳими, тадбиркорлик фаолиятини йўлга қўйиш истагида бўлган ёшлар, фаол аёллар учун яратилган шароитлардан самарали фойдалана билиш керак. Аёл – миллат тарбиячиси, фақат маърифатли аёлларгина буюк фарзандларни вояга етказишга қодир”, деди Элмира Боситхонова.

Мухтасар айтганда, “Хотин-қизлар инновацион ҳафталиги” доирасида ўтказилган тадбирлар, амалий мулоқотлар, моҳият-эътибори билан Олмалиқ шаҳрида яшовчи, кенг маънода, вилоятимизда истиқомат қилувчи фаол жамоатчи аёллар, уй бекалари, кўзлари порлоқ истиқбол орзусида чақнаб турган қизлар учун ўзига хос маҳорат мактаби, тажриба алмашиш, ўқиш, изланиш майдони бўлди.

Тадбир якунида фаол аёллар ва тадбир доирасида ўтказилган танлов ва беллашувларниг ғолибларига эсдалик совғалари топширилди.


Тошкент вилояти ҳокимлиги ахборот хизмати

@toshvilpressa

#Эслатма

Ҳафта давомида (16 – 21 декабрь кунлари) қабул қилинган муҳим қонун ҳужжатлари:

▫️“Мактабгача таълим ва тарбия тўғрисида”ги Қонун.

▫️“Тошкент шаҳридаги Ёджу техника институти фаолиятини ташкил этишнинг қўшимча чора-тадбирлари тўғрисида”ги Ҳукумат қарори.

▫️“Божхона тўловларидан озод қилинадиган технологик ва лаборатория ускуналари, уларнинг бутловчи ва эҳтиёт қисмлари, шунингдек, хомашё ва материаллар, тиббиёт буюмлари ва қадоқлаш материаллари рўйхатини тасдиқлаш тўғрисида”ги Ҳукумат қарори.

▫️ “Транспорт ва туризм объектларида хавфсизликни таъминлашга оид қўшимча чора-тадбирлар тўғрисида”ги Ҳукумат қарори.

▫️“Иқтисодий жиҳатдан самарасиз, кам ҳосил берадиган боғ ва токзорларни яроқсиз деб топиш тартиби тўғрисида”ги Ҳукумат қарори.

▫️Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги тўғрисида низом.

▫️Оммавий ахборот ва коммуникациялар соҳасида давлат хизматлари кўрсатишнинг айрим маъмурий регламентларини тасдиқлаш тўғрисида Ҳукумат қарори.

▫️Моддий маданий мероснинг кўчмас мулк объектларини асрашга доир фаолиятни лицензиялаш тўғрисида низом.
Манба: huquqiyaxborot

Биласизми?

Тўйлар ҳақидаги низом 1 январдан кучга киради:

1) Тўй, оилавий байрамлар, марака ва маросимлар (дафн маросимидан ташқари) 1 кун бўлади;

2) Улар соат 6:00-23:00 оралиғида ўтказилади;

3) Шароитга қараб ош вақти халқ депутатлари томонидан алоҳида белгиланади;

4) 200 нафаргача одам қатнашади, ошда 250тагача;

5) Қўшалоқ тўйда 250 нафаргача, ошда 300 нафаргача;

6) Дафн маросимида чекланмаган одам қатнашиши мумкин, ош бериш вақти бундан мустасно;

7) Кортежда 3 тадан кўп машина мумкин эмас;

8) Диний маърузани рухсати бор одам ўқийди;

9) «Келин навкари», «чорлар», «ота кўрди», «сеп ёйди», «қуда чақирди», «куёв чақирди», «келин чақирди», «тоғора юбориш», «пул сочиш» ва ҳоказоларни ўтказишга йўл қўйилмайди;

10) «етти», «пайшанбалик», «йигирма», «қирқ», «йил оши», «пул тарқатиш», «мато улашиш» ва ҳоказоларни ўтказишга йўл қўйилмайди;

11) 50 ва ундан ортиқ шахс иштирокида тўйлар, оилавий тантаналар, маърака ва маросимлар ўтказиш учун тадбир ўтказувчи шахс ҳамда тўйхона, кафе ва ресторан раҳбари ўртасида шартнома тузилади;

12) Тўйни олиб борувчи артист, фотограф ва бошқалар билан шартнома тузилади;

13) 2 нафардан ортиқ хонандага (гуруҳ) рухсат берилмайди;

14) Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши, Республика «Нуроний» жамғармаси, Маънавият ва маърифат маркази, Хотин-қизлар қўмитаси, «Оила» илмий-амалий тадқиқот маркази, Ўзбекистон мусулмонлари идораси, Ўзбекистон ёшлар иттифоқи ўз ваколатлари доирасида жавобгар бўлади.

Паркент тумани ҳокимлиги Ахборот хизмати

#Биласизми
Газ етказиб берувчи томонидан газ шартномавий ҳажмлардан кам етказиб берилган тақдирда газ етказиб берувчи муддати ўтказиб юборилган ҳар бир кун учун мажбуриятнинг бажарилмаган қисми суммасининг 0,4 фоизи миқдорида, бироқ етказиб берилмаган газ қийматининг 50 фоизидан ортиқ бўлмаган миқдорда пеня тўлайди.

Каналга уланиш👇👇👇
https://t.iss.one/huquqiyaxborot

#Биласизми
Газ етказиб берувчи томонидан газ шартномавий ҳажмлардан кам етказиб берилган тақдирда газ етказиб берувчи муддати ўтказиб юборилган ҳар бир кун учун мажбуриятнинг бажарилмаган қисми суммасининг 0,4 фоизи миқдорида, бироқ етказиб берилмаган газ қийматининг 50 фоизидан ортиқ бўлмаган миқдорда пеня тўлайди.

Каналга уланиш👇👇👇
https://t.iss.one/huquqiyaxborot

#Сайлов_2019

САЙЛОВЛАРДА ОВОЗ БЕРИШ ТАРТИБИНИ БИЛАСИЗМИ?

1. Овоз бериш вақти ва жойини қаердан билса бўлади?

Бу ҳақда участка сайлов комиссияси сайловчиларни сайловдан камида 10 кун олдин хабардор қилади.

2. Овоз бериш қачон ўтказилади?

Сайлов куни (22 декабрь) соат 8.00 дан 20.00 гача овоз бериш мумкин.

3. Овоз бериш учун шахсни тасдиқловчи ҳужжат шартми?

Ҳа, шарт. Сайловчи участка сайлов комиссиясининг аъзосига ўз шахсини тасдиқловчи ҳужжатни кўрсатиб, сайловчилар рўйхатига имзо қўйгандан сўнг унга сайлов бюллетени берилади.

4. Фуқаронинг фамилияси сайловчилар рўйхатида бўлмаса, нима бўлади?

Бундай ҳолда сайловчи шахси, фуқаролиги ва яшаш жойини тасдиқловчи ҳужжати асосида сайловчилар рўйхатининг иловасига киритилади ва унга сайлов бюллетени берилади.

5. Овоз бериш вақтида сайлов бюллетени бузиб қўйилса-чи?

Сайловчининг илтимосига кўра янгисига алмаштирилиши мумкин.

6. Овоз бериш хонасига яқин қариндошлар бирга кирса бўладими?

Овоз бериш хонасида сайлов бюллетенини тўлдириш чоғида овоз берувчи шахсдан бошқа шахсларнинг бўлиши тақиқланади.

7. Сайловчи бюллетенни мустақил равишда тўлдириш имкониятига эга бўлмаса-чи?

Бундай ҳолда сайловчи ўз хоҳишига кўра яширин овоз бериш хонасига бошқа шахсни таклиф қилишга ҳақли. Сайлов комиссияси таркибига кирадиган шахслар, кузатувчилар ва оммавий ахборот воситалари вакиллари бундан мустасно.

8. Вақтинча яшаш жойи бўйича ҳам сайловда иштирок этиш мумкинми?

Ҳа мумкин. Сайлов кунига қадар ёки сайлов куни 18 ёшга тўлган фуқаролар доимий ёки вақтинча яшаш жойларидаги сайлов участкасида овоз бериши мумкин.

9. Касаллиги ёки бошқа сабабларга кўра овоз беришга кела олмаган сайловчилар нима қилади?

Тегишли комиссиянинг камида 2 нафар аъзоси кўчма сайлов қутиси билан сайловчининг турган жойига боради.

10. Кимлар овоз бериш ҳуқуқига эга эмас?
👉 суд томонидан муомалага лаёқатсиз деб топилган;
👉 оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар.

Каналга уланиш👇👇👇
https://t.iss.one/huquqiyaxborot

#Биласизми
Ўзгалар парваришига муҳтож ёлғиз кексалар ва ногиронлиги бўлган шахслар қуйидаги маҳсулотлар билан бепул таъминланади (1 киши учун бир ойда):

👉 Ун (олий нав) – 3 кг;
👉 Гуруч – 1 кг;
👉 Гречка ёрмаси – 500 гр;
👉 Макарон маҳсулотлари – 500 гр;
👉 Мол гушти (суяксиз) – 1 кг;
👉 Хонаки парранда гўшти – 1 кг;
👉 Сариёғ – 200 гр;
👉 Тухум – 15 дона
👉 Қанд-шакар – 1 кг;
👉 Кунгабоқар ёғи – 1 л;
👉 Кўк ёки қора чой – 200 гр;
👉 Атирсовун – 100 гр;
👉 Кирсовун (65%) – 200 гр;
👉 Кир ювиш порошоги – 150 гр;
👉 Катта ёшдагилар учун таглик газмол – 8 дона.

Каналга уланиш👇👇👇
https://t.iss.one/huquqiyaxborot

Контракт тўлаш муддати узайтирилди

Таълим муассасаларига ўқишга қабул қилиш бўйича Давлат комиссиясининг 2019 йил 20 декабрдаги 11-сон баёни билан олий таълим муассасаларининг бакалавриат таълим йўналишларига (кундузги, сиртқи, кечки, махсус сиртқи таълим шакллари) ҳамда магистратура мутахассисликларига тўлов-контракт асосида талабаликка тавсия этилган (шу жумладан, табақалаштирилган тўлов-контракт асосида ўқиш истагини билдирган) абитуриентлар, ўқиши кўчирилган ва қайта тикланган талабалар ҳамда хорижий фуқаролар ўқиши учун тўлов-контракт маблағларининг биринчи ярмини ўтказиш ва уларни талабалар сафига қабул қилишни расмийлаштиришнинг сўнгги муддати этиб 2019 йил 31 декабрь (шу куни ҳам) белгиланди.

Манба: Олий ва ўрта махсус таълим вазирлигининг Телеграм канали

Каналга уланиш👇👇👇
https://t.iss.one/huquqiyaxborot

#Сайлов_2019
Дастлабки маълумотларга кўра, Ўзбекистон Республикаси Олий Мажлиси Қонунчилик палатасига сайлов ўтказувчи 150 сайлов округининг 128 тасида депутатлар сайланди.

✅ Шу жумладан:
👉 Ўзбекистон Либерал-демократик партиясидан – 43 нафар;
👉 Ўзбекистон “Миллий тикланиш” демократик партиясидан – 35 нафар;
👉 Ўзбекистон “Адолат” социал-демократик партиясидан – 21 нафар;
👉 Ўзбекистон Халқ демократик партиясидан – 18 нафар;
👉 Ўзбекистон Экологик партиясидан – 11 нафар депутат сайланди.

Сайлов кодексига кўра, овоз беришда иштирок этган сайловчиларнинг ярмидан кўпининг овозини, яъни 50 фоиздан ортиқ овоз олган номзод депутат этиб сайланган, деб ҳисобланади.

Қонунчилик палатасига сайлов ўтказувчи 22 округларда номзодларнинг биронтаси ҳам етарли миқдорда овоз ололмаганлиги сабабли мазкур округлардан депутат сайланмади.

Мирзо-Улуғбек Абдусаломов, Марказий сайлов комиссияси раиси

Каналга уланиш👇👇👇
https://t.iss.one/huquqiyaxborot

Президент Шавкат Мирзиёев Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни келиб кўрди.
Давлатимиз раҳбари бу ердаги шароитлар билан танишди, ўқитувчи ва ўқувчилар билан суҳбатлашди.
Мутасаддиларга шу каби илғор бинолар андозаси асосида мактабларнинг қурилиш лойиҳаларини ўзгартириш, методологияни мустаҳкамлаш орқали таълим сифатини ошириш бўйича кўрсатмалар берилди.
www.president.uz/uz/3177
--
Президент Шавкат Мирзиёев посетил специализированную школу по углубленному изучению предметов направления информационно-коммуникационных технологий имени Мухаммада аль-Хорезми.
Глава государства ознакомился с созданными здесь условиями, побеседовал с учителями и учащимися.
Ответственным лицам даны указания по изменению проектов строительства школ, взяв за модель здания этой и других подобных учебных заведений, повышению качества образования путем укрепления методологии.
www.president.uz/ru/3177

Ҳурматли солиқ тўловчилар!

🔴 2019 йил 28 декабрь куни Тошкент вилояти Қибрай туманида,2019 йил 29 декабрь куни Янгийўл шаҳар ва Янгийўл туманида, 2019 йил 30 декабрь куни Юқоричирчиқ ва Паркент тумани давлат солиқ инспекцияларида давлат солиқ бошқармаси мутахассислари ҳамда давлат солиқ инспециялари бошлиқлари иштирокида Солиқ кодексининг янги тахрири лойихаси билан таништириш бўйича давра сухбати ва семинарлар ўтказилади.

🔵 Тадбирга хўжалик субъектларининг раҳбарлари, бош бухгалтерлари ҳамда якка тартибдаги тадбиркорлар таклиф этилади.

⏳Ўтказилиш вақти – Қибрайда соат 15:00да, Янгийўл туманида соат 11:00 да, Юқоричирчиқ туманида соат 11:00да ва Паркент туманида соат 14:00 да

⏳Рўйхатдан ўтиш: 14:30, 10:30 ва 13:30да (Семинарга кириш учун паспорт ёки хизмат гувоҳномаси бўлиши талаб этилади).

Қўшимча маьлумот учун тел.(90) 345-07-05