#Fotolahza

Har faslning oʻz tarovati bor | Parkentda bahor manzaralari

Toshkent viloyati hokimligi axborot xizmati tomonidan Parkent tumaniga press-tur oʻtkazildi. Unda ayni damda boʻlib oʻtayotgan “Somsa sayli” shukuhi, shuningdek, hududning bugungi bahoriy manzaralari jurnalistlar diqqat markazida boʻldi. Xususan, tuman markaziy bozorida boʻlib, shifobaxsh mador giyohi savdosini kuzatishdi, rastalardagi toʻkin-sochinlik, bahoriy mahsulotlarni “birinchi qoʻl”dan xarid qilishdi, el orasida “Gulbahor opa somsapaz” deb tanilgan taniqli tadbirkor xonadonida boʻlishdi.

📸 Fotolavhalar muallifi Nozim Abdulla.

🌐Telegram| 🌐Website| 🌐YouTube| 📱Instagram| 📱Facebook| 📱Twitte‌‌|

#Сессия

⚡️⚡️⚡️ Депутатлар туманимиз ҳаётига оид муҳим 5 та масалаларни муҳокама қилишди

Халқ депутатлари туман Кенгашининг олтинчи чақириқ, тўқсон иккинчи  сессияси  бўлиб ўтди.

Унда туманимиз ҳокими Сардор Исоқулов, сектор раҳбарлари, депутатлар, ҳоким ўринбосарлари, тегишли ташкилот бошлиқлари ҳамда ОАВ вакиллари иштирок этишди.

Жумладан, туман Халқ қабулхонаси мудирининг Аҳоли мурожаатлари ва муаммолари билан ишлаш ҳолати, мурожаатларда кўтарилаётган мавжуд муаммолар ва уларнинг ечими юзасидан ҳамда жорий йилнинг 1-чораги давомида туман Ички ишлар бўлими томонидан ҳуқуқбузарлик ва жиноятчиликни олдини олиш борасида амалга оширилган ишлар ҳақида маълумот берилди.

Навбатдаги масала — Олий Мажлиси Сенати Кенгашининг “Маҳаллалардаги муаммоларни ҳал этишда халқ депутатлари маҳаллий Кенгашлари депутатлари ва сенаторларнинг “Маҳалла еттилиги” билан ўзаро ҳамкорлигини йўлга қўйиш чора-тадбирлари тўғрисида”ги қарорининг Паркент туманидаги ижросини таъминлаш тўғрисида  ахборот берилди.

Сессияда хотин-қизларнинг жамиятдаги ролини ошириш, гендер тенглик ва оила масалалари бўйича Республика комиссиясининг кенгайтирилган тарзда ўтказилган мажлисида берилган топшириқларнинг Паркент туманидаги ижроси тўғрисидаги ахборот депутатлар томонидан эшитилди.

Шунингдек, туманда “Аёллар дафтари” 5-босқичи рўйхатига киритилган ижтимоий ёрдамга муҳтож хотин-қизларга манзилли ёрдам кўрсатиш тўғрисидаги ахбороти ҳам муҳокама қилинди.

Савол-жавобларга бой ўтган сессия якунида туманимиз ҳаётида муҳим бўлган масалалар атрофлича муҳокама этилиб, тегишли қарорлар қабул қилинди.

👉 @PARKENT_TONGI