#Dayjest

18-noyabr – “Oʻzbekiston Respublikasining Davlat bayrogʻi toʻgʻrisida”gi Qonun qabul qilingan kun. Mazkur sana munosabati bilan hududlarda oʻtkazilgan tadbirlar qisqa satrlarda...

🔘Viloyat prokuraturasi. “Davlat bayrogʻi — baxt va iftixorimiz timsolidir!” mavzusida davlat ramzlariga nisbatan hurmat, faxr, muhabbat ruhida munosabatda boʻlish lozimligi borasida tashviqot-targʻibot ishlari yanada kuchaytirildi.

🔘IIBB. “Bayrogʻim-gʻururim!” shiori ostida joylarda targʻibot tadbirlari boʻlib oʻtdi.

🔘Soliq boshqarmasi. “Muqaddasdir Vatan bayrogʻi” shiori ostida soha xodimlari ishtirokida maʼrifiy suhbatlar uyushtirildi.

🔘Adliya boshqarmasi. Davlat bayrogʻidan foydalanishning qonuniy asoslari, xususan, undan reklama maqsadida foydalanishga yoʻl qoʻyilmasligiga oid talablar keng targʻib qilindi.

🔘Kadastr boshqarmasi. “Bayroqqa hurmat – millatga muhabbat ramzi” shiori ostida “chellenj” oʻtkazildi.

🔘Chinoz tumani. Bayram tantanalari oldidan mehmonlarga sharaf lentalari taqildi.

🔘Yangiyoʻl tumani. Harbiylar, taʼlim va tibbiyot muassasalari vakillari hamda yoshlar ishtirokida “Muqaddasdir Vatan bayrogʻi!” shiori ostida avtokarvon tashkil etildi.

🔘Yuqori Chirchiq tumani. “Mustaqillik” maydoni uzra hilpirab turgan ulkan bayroq yonida katta bayram tadbiri tashkil etildi.

🔘Parkent tumani. Mudofaa boʻlimi va Milliy gvardiyaga qarashli harbiy texnikalar, otliq boʻlinmalar, avtoulovlarda harbiy xizmatchilar hamda faol yoshlar ishtirokidagi tantanali parad boʻlib oʻtdi.

🔘Ohangaron tumani. Harbiy qism askarlarlari mahalla yoshlari bilan uchrashib, bayroqni madh etuvchi kuy-qoʻshiqlarni ijro etishdi.

🔘Qibray tumani. Keng jamoatchilik bilan birga “Sogʻliq uchun 5000 qadam!” shiori ostida salomatlik aksiyasi oʻtkazildi.

🔘Bekobod tumani. Korxona va tashkilotlar xodimlari, uyushmagan yoshlar ishtirokida bayram marofoni tashkil etildi.

🔘Toshkent tumani. “Shuhrating porlasin toki bor jahon!” shiori ostida keng jamoatchilik ishtirokida bayram tantanasi oʻtkazildi.

✉️Telegram 🌐YouTube 📱Instagram 📱Facebook 📱Twitter

#кун_тартиби

Бугун вилоят мутасаддилари ҳамда туман ва шаҳар раҳбарлари билан ўтказган мулоқотимизда иккита муҳим масалага алоҳида тўхталдик.

Яширишнинг ҳожати йўқ, жойларда бўлганимизда айрим маҳалла фаоллари, нуроний отахонлар мавжуд қабристонларни кенгайтириш учун ер ажратиш масаласида кўп-кўп мурожаатлар қилишаяпти. Буни жуда тўғри тушунишимиз керак, бу ҳаёт, ҳар бир тирик жоннинг борар манзили шу.

Афсуски, кейинги пайтларда ҳар нимага топилган ер қабристонларга "топилмай" келди. Ахир, бу кутиб турадиган масала эмас-ку.

Шу сабабли, аниқланган ҳолатлар ва қилинган мурожаатларга кўра, вилоятдаги 47 та қабристонга қўшимча ер ажратиш масаласини уч кун ичида ваколатимиз доирасида ҳал этишга қарор қилдик. Керак бўлса, буни ҳукумат даражасига ҳам олиб чиқамиз.

Яна бир масала бугун ниҳоятда долзарбдир. Бу ҳам бўлса, хонадонларни қуёш батареялари билан таъминлаш орқали уларнинг электр тежамкорлигига эришишдир. Биз бошламасига 100 та эҳтиёжманд оилани танлаб олиб, керакли маблағни ажратиб, уларга ана шундай қурилмаларни ўрнатиб бериш ниятидамиз. Бу оилаларга жуда яхши ижтимоий ҳимоя бўлади, албатта.

Муҳими, бу ташаббус ўзига хос кичик бир тажриба ҳамдир. Келгусида бутун-бутун ҳудудларни мана шундай қулай энергия таъминоти билан таъминлаш бўйича катта-катта режаларни амалга оширишимизда бу тажриба жуда асқотади.

📱 Instagram | 📱 Twitter | 📱 Facebook | ✉️ Telegram