#Ustozlar_milliy_forumi

⚡️⚡️⚡️Bugun tumanimizda"Ustozlar milliy forumi" bo'lib o'tdi

📌Parkent tuman hokimligi katta majlislar zalida Parkent tuman Xalq ta’limi bo’limi tarkibida faoliyat yuritayotgan faol va nuroniy ustozlar ishtirokida an’anaviy Ustozlar milliy forumi tashkil etildi.

📌Parkent tumani hokimi Shoxrux Shoaxmedov Xalq ta’limi sohasi vakillari, ustoz va murabbiylar ishtirokida tashkil etilgan an’anaviy Ustozlar milliy forumida: “Dunyoda shunday bir ulug‘ kasb borki, boshqa barcha kasblar uning negizida shakllanadi va taraqqiy etadi. Ustoz va murabbiy! Biz barchamiz kasbu korimizdan qat’iy nazar, bu so‘zlarni eshitganimizda ko‘nglimizdan iliq fikrlaru yorqin xotiralar o‘tadi. Shu tobda ko‘z o‘ngimizda qo‘limizga qalam tutqazib, endigina ilm olamiga yetaklagan birinchi ustozlarimiz gavdalanadi. Shu bilan birga, qalbimizda unutilmas iz qoldirgan qadrdon maktabimiz va uning bag‘rida kechgan beg‘ubor yoshlik yillarimizni, bizga bilim bergan, mehribon o‘qituvchi va murabbiylarimizni katta hurmat va ehtirom bilan eslaymiz. Biz uchun ibrat namunasi, yuksak insoniy fazilatlar timsoli bo`lgan sizlar kabi aziz va mo`tabar zotlar sha`niga eng go`zal so`zlar, ezgu tilaklarimizni izhor etamiz. O`qituvchi zimmasiga hayot talablariga to`la javob beradigan va o`z zamoniga munosib kishilarni tarbiyalashdek ma'suliyatli vazifa yuklatilgan. Quyosh o`z nuri bilan butun tabiat, borlig`ni jonlantirgani kabi, o`qituvchi, murabbiy ham bor mahorati, ilmi bilan o`quvchi-yoshlar qalbini ilm ziyosi bilan to`ldirishga ahd qilgan buyuk kasb egasidir. Qadrli va muhtaram Parkent tumani ustozlari! Avvalo, siz, azizlarni, sizlarning timsolingizda ustoz degan sharafli nomni ulug`lab kelayotgan yurtimizdagi barcha insonlarni bugungi quvonchli kun Ustozlar milliy forumi bilan tabriklaymiz”,-deya ustozlarni muborakbod etdi.

📌Forumga tashrif buyurgan ustozlar ko’zlarida katta quvonch va yangi o’quv yili boshidan mustahkam ishonch ko’rinib turganini sezish qiyin emas. O’tgan o’quv yillari davomida ta’lim va sport sohasida yaxshi natija ko’rsatgan ustozlar,maktab direktorlari hamda sport murabbiylari tuman hokimi Shoxrux Shoaxmedov tomonidan faxriy yorliqlar hamda esdalik sovg’alari bilan taqdirlandi.

📌Forumda ta’lim sohasida erishilgan yutuqlar, xususan, tumanimizda yangi qurilgan va qurilayotgan maktablar, maktabgacha ta’lim muassasalari haqida ham so’z bordi. Forumdatuman Xalq ta’limi bo’limi mudiri Zokirjon Nurov o’z nutqida ta’lim jarayonidagi kamchiliklarning asl sababi nimada ekanligi, ularga yechim topish masalalari hamda ta’lim sifatini oshirishning kechiktirib bo’lmaydigan choralari haqida tanqidiy va tahliliy fikrlarini bildirib o’tdi.

📌Oliy talim muassasalariga Toshkent viloyatidan hujjat topshirgan abituriyentlarning juda past ball to’plagani ham ta’lim sohasidagi kamchiliklarning yuzaga sizib chiqayotganiga misol bo’lgani alohida tanqid qilindi. Forumda maktab ta’limi tizimini isloh qilish bo‘yicha mamlakatimizda amalga oshirilayotgan islohotlar, bu borada oldimizda turgan dolzarb vazifalar turar ekan, ulug‘ ma’rifatparvar bobomiz“ Dunyo imoratlari ichida eng ulug‘i maktabdir” degan fikrini alohida ta’kidlab, bu masalaning mohiyati va ahamiyatini to’liq anglashimiz juda-juda zarurligi ta’kidlandi.

📌Haqiqatan ham, jahondagi rivojlangan davlatlar tarixiga nazar tashlaydigan bo‘lsak, ularda jamiyat hayotini o‘zgartirishga qaratilgan islohotlar avvalo ta’lim tizimidan, bog‘cha, maktab, tarbiya masalasidan boshlanganini ko‘ramiz. Chunki maktabni o‘zgartirmasdan turib, odamni, jamiyatni o‘zgartirib bo‘lmaydi. Ta’lim va tarbiyaning asosi, poydevori bu – maktab. Maktabni maktab qiladigan kuch esa o‘qituvchilardir.

📌Kelayotgan yangi o’quv yilida barcha ustozlarimizga yuksak muvaffaqiyatlar va kasbiy rivojlanish tilaymiz.

🌐Kanalimizga obuna bo'ling!⤵️
👇👇👇👇
@parkent_hokimiyati

#Eslatma

❗️Parkent tumani aholisi diqqatiga:

📆 Bugun soat 18:00 da

📍@parkent_hokimiyati Telegram kanali orqali

👤 Parkent tuman hokimi o'rinbosari - oila va xotin-qizlar bo'limi boshlig'i Inayatova Ma'ruba Nomozovna tuman aholisi bilan online tarzda jonli muloqot o’tkazadi

📌Online muloqotda:

1️⃣Ayollar daftari
2️⃣Tumanimizdagi xotin-qizlarni tadbirkorlika yo'naltirish hamda ularning bandligini ta'minlash borasida amalga oshirilayotgan ishlar
3️⃣Tumanimizdagi ijtimoiy himoyaga muxtoj xotin-qizlarga bugungi kunda qanchalik e'tibor berilmoqda?

Ushbu masalalari yuzasidan tanqidiy va tahliliy muhokamalar bo’lib o’tadi

☝️Yuoqridagi yo'nalishlar bo’yicha sizni qiziqtirgan savol va takliflar yuzasidan o’z fikrlaringizni online tarzda tashkil etilayotgan jonli muloqotda bildirishingiz mumkin

Online tarzdagi jonli muloqot uchun havola👇
📲https://t.iss.one/parkent_hokimiyati

🌐Kanalimizga obuna bo'ling!⤵️
👇👇👇👇
@parkent_hokimiyati