Президент раислигида видеоселектор йиғилиши бошланди.

“Бугунги ўзгарувчан шароитда иқтисодиётимизни барқарор ўсишини таъминлашнинг энг самарали йўли – ички имкониятларни ишга солиш, яъни импорт бўлаётган тайёр маҳсулотларни ўзимизда ишлаб чиқариш ва маҳаллий саноатни янада ривожлантиришдан иборат.

Бу миллий иқтисодиётимизнинг устувор йўналиши бўлиши керак.

Буни ўйламаган, атрофдаги вазиятдан бехабар, сиёсатни тушунмайдиган ҳоким ёки тармоқ раҳбарининг ишлашга ҳаққи йўқ”, деди давлатимиз раҳбари.

37 триллион сўмлик янги маҳсулот ишлаб чиқариш бўйича 2022-2023 йиллар учун 2,5 мингта лойиҳани ишга тушириш бўйича қабул қилинган дастурнинг аниқ ижросини сўраш вақти келгани қайд этилди.

Президент кўп тармоқ ва ҳудуд раҳбарлари бу масалада ҳали дунёқарашини ўзгартирмагани, ҳозирги вазиятдан хулоса чиқармаётганини танқид қилди.

Ушбу дастур ижроси бўйича Фармацевтика агентлиги режани 51 фоизга, “Ўзбекистон темир йўллари” эса 10 фоизга бажармагани, ушбу икки тизимда саноат кооперацияси бўйича ишлар умуман бошланмагани, “Иссиқлик электр станциялари” эса режани атиги 26 фоизга бажаргани кўрсатиб ўтилди.

Шунинг учун Фармацевтика агентлиги директорига “ҳайфсан” эълон қилинди. Унинг иккала ўринбосарини ишдан олишга кўрсатма берилди.

Бош вазирга Фармацевтика агентлиги тизими ва фаолиятини тубдан ўзгартириш чораларини кўриш топширилди.

“Ўзбекистон темир йўллари” раиси вазифасини бажарувчисига “ҳайфсан”, "Иссиқлик электр станциялари" раиси, "Ўзметкомбинат" раиси, "Ўзбекнефтгаз" раисининг биринчи ўринбосарига қатъий огоҳлантириш берилди.

Январь-февраль ойларида “Электрон кооперация” портали орқали 860 миллиард сўмлик 5 мингта шартнома тузилган бўлсада, уларнинг ижроси айрим ҳудудларда бажарилмагани, электрон савдоларда Қорақалпоғистон, Наманган, Сурхондарё ва Хоразмдаги корхоналар улуши 1 фоизни ҳам ташкил қилмаслиги танқид қилинди.

Йиғилишда бундан икки йил аввал озиқ-овқат саноати Қишлоқ хўжалиги вазирлиги тизимига ўтказилиб, алоҳида вазир ўринбосари лавозими, махсус жамғарма ташкил этилгани, барча ваколатлар берилгани таъкидланди.

Лекин, қишлоқ хўжалиги вазири Ж.Ходжаев ва унинг ўринбосари А.Асомов масалани ичига кирмаётгани, пастга тушиб тизимда амалий натижалар қила олмаётгани танқид қилинди.

Улар озиқ-овқат саноати бўйича бир ой муддатда ўзгариш қилмаса, уларга қатъий чоралар кўрилади, деди давлатимиз раҳбари.

Бирорта ҳокимда ҳудудий импорт баланси, ички имкониятлар ва вилоятда ишлаб чиқарса бўладиган товарлар бўйича ҳисоб-китоб йўқлиги таъкидланди.

“Бу борада ҳокимлар берган режалар ҳам буни тасдиқлаб турибди. Бу мутлақо етарли эмас”, деди Президент.

Вазирлар Маҳкамасига ҳукумат қарорини қабул қилиб, ҳар бир тармоқ ва ҳудуд раҳбарининг мажбуриятлари, аниқ ҳисоб-китоблар, масъул ва жавобгарларни белгилаш топширилди.

Йиғилишда Инвестициялар ва ташқи савдо вазирлиги вилоят ҳокимлари билан бирга янги қувватларни жойлаштириш, уларга шароит яратиш ва маҳаллий корхоналар билан кооперацияни йўлга қўйиш бўйича тизимли ишлашга кўрсатма берилди.

“Очиқ айтиш керак, маҳаллий саноатимиз илм ва инновациядан ажраб қолгани сабабли кўплаб корхоналар янги рақобат шароитига мослашиши жуда қийин бўлади”, деди давлатимиз раҳбари.

Шунинг учун Инновацион ривожланиш вазирлиги ишини тубдан ўзгартириши шартлиги кўрсатиб ўтилди.

Вазирлик ҳудудларда маҳаллий саноатни ривожлантиришда янги технологиялар ва амалий ечимлар олиб кириш билан шуғулланиши зарур.

Бунда, вазирлик вилоят “лойиҳа гуруҳлари” билан бирга 2022 йилда янги ўзлаштириладиган 644 та маҳсулотнинг (2,6 миллиард долларлик) технологик ечимлари билан шуғулланади.

Саноат тармоқлари, йирик корхоналар билан маҳаллий ишлаб чиқарувчилар ўртасида “маҳсулотбай” кооперацияни йўлга қўйиш зарурлиги таъкидланди.

Бу борада Навоий комбинати биринчи қадамларни қўяётгани таъкидланди.

Комбинат импорт маҳсулотлар ва уларга техник талаблар ҳақидаги маълумотларни “кооперация портали”га жойлаштиргани ҳисобига, олдин импорт қилинган 600 млрд сўмлик маҳсулотлар 18 та маҳаллий корхона томонидан ишлаб чиқарилмоқда.

Энг муҳими, ушбу 18 та корхона сўнгги 3 йилда кичик корхонадан ўрта ишлаб чиқарувчилар тоифасига ўтиб, иш ўринларини 10 бараварга оширган.

Ушбу тажрибани барча тармоқ ва ҳудудлар йўлга қўйиши кераклиги кўрсатиб ўтилди.

Бу борада 2022 йил учун 4,4 трлн сўмлик кооперация шартномалари тузиш режалари мутлақо қониқарсиз эканлиги таъкидланди. Бунии 15 трлн сўмга етказиш бўйича барча имкониятлар мавжуд.

Шунинг учун 1 июлга қадар жами 283 турдаги импорт қилинаётган маҳсулотларни маҳаллийлаштириш бўйича тайёр бизнес-режаларни тадбиркорларга таклиф этиш вазифаси қўйилди.

#Паркент_тумани

⚡️Паркент тумани ҳокими Шохрух Шоаҳмедов фуқаролар билан юзма-юз суҳбатлашиб, мурожаатларини бирма-бир тинглади.

👉БАТАФСИЛ

🌐Kanalimizga obuna bo'ling!⤵️
👇👇👇👇
@parkent_hokimiyati

#Дайжест

❗️11 - март : БУГУН ВИЛОЯТДА

*Зангиота тумани. "Биз ОИВ инфекциясига қаршимиз"

*Бекобод шаҳри. Жиноятчиликни олдини олиш ҳар биримизнинг вазифамиздир

*Нурафшон шаҳри. Орамиздаги саховатпеша инсонлар...

*Тошкент тумани. Ҳоким ёшлар етакчилари билан учрашди

*Оққўрғон тумани. Бандлик инспекторлари ва ҳоким ёрдамчилари ташаббуси

*Олмалиқ шаҳри. Ҳоким бошчилигида фуқаролар билан очиқ мулоқот

*Янгийўл тумани. Сайёр қабул давомида очиқ мулоқот тарзида муаммолар ўрганилди

*Янгийўл шаҳри. Халқаро хотин-қизлар куни муносабати билан байрам тадбири бўлиб ўтди

*Чирчиқ шаҳри. Наврўз байрамига тайёргарлик

*Паркент тумани. Ҳар бир мурожаат эътиборда

*Қуйи Чирчиқ тумани. Халқ қабулхоналари халқ хизматида

*Юқори Чирчиқ тумани. Президентимиз Шавкат Мирзиёев ташаббуси билан мамлакатимизда аҳоли мурожаатлари билан ишлаш борасида янгича тизимлар амалга оширилмоқда

*Бекобод тумани. Бекобод тумани ҳокими Италялик инвесторлар билан учрашди

*Оҳангарон тумани. Ҳоким байрам куни нега кутубхонага борди?

*Бўстонлиқ тумани. Мудофаа вазирининг кубоги учун "Ватанпарварлар" ҳарбий-спорт мусобақасининг туман босқичи бўлиб ўтди

*Пискент тумани. Аҳоли мурожаатлари эътиборда

*Чиноз тумани. "Эъзоз учун яралган аёл"

*Ангрен шаҳри. Ҳар бир мурожаат эътиборда

*Қибрай тумани. Шоирни эслаб...

*Ўрта Чирчиқ тумани. Ҳар бир мурожаат назоратда!

👉Каналга уланиш: https://t.iss.one/toshvilpressa

Facebook | Instagram |YouTube |Twitter | TikTok

​❗️ДИҚҚАТ, ТАНЛОВ!

📣Наврўз умумхалқ байрами муносабати билан Тошкент вилояти ҳокимлиги, вилоят Маданият бошқармаси, Ёшлар ишлари агентлиги вилоят бошқармаси, вилоят Ёзувчилар уюшмаси, Маънавият ва маърифат маркази вилоят бўлимлари билан ҳамкорликда Тошкент вилояти ҳокими мукофоти учун "Янги Ўзбекистонда янги овозлар" вилоят кўрик-танлови эълон қилинади.

▶️ Танлов йўналишлари:

1. 🪕 Энг яхши миллий мақом ижрочиси;
2. 🎼 Энг яхши фольклор (лапар, ўлан, жиров, оқин, бахшичилик) ижрочилиги;
3. 🎹Миллий эстрада йўналишидаги энг яхши қўшиқ ижрочиси;
4. ✍️ Қўшиқ учун ёзилган энг яхши шеър;
5. 🎼Қўшиқ учун ёзилган энг яхши мусиқа.

🧍‍♂️🧍 7 ёшдан 70 ёшгача бўлган мақом, миллий эстрада ҳонандалари ва ҳаваскорлари, фольклор жамоалари ва яккахонлари, шоир ва бастакорлар иштирок этишлари мумкин.

❗Танловга тақдим этиладиган асарларда она-Ватан, баҳор васфи, Наврўз қадриятлари, умуминсоний фазилатлар, меҳр-оқибат, эзгулик ва саҳоват туйғулари тараннум этилиши мақсадга мувофиқдир.

⚠️Танловнинг энг муҳим шарти — тақдим этиладиган асарлар янги тайёрланган ижод намуналаридан иборат бўлиши керак.

🎁Танлов ғолиблари Наврўз байрамига бағишлаб ўтказиладиган оммавий сайил тадбирларида эълон қилинади ва мукофотланади.

🏆Танловда бешта йўналиш бўйича ғолибларни қуйидаги пул мукофотлари кутмоқда:

🥇-ўрин учун 5 миллион сўм;
🥈-ўрин учун 3 миллион сўм;
🥉-ўрин учун 2 миллион сўм.

🎖Шунингдек, ҳар бир йўналиш бўйича биттадан рағбатлантирувчи мукофотлар ҳам таъсис этилган.

⭕Танловга материаллар 2022 йилнинг 15 мартигача (видео, аудио, электрон матн кўринишида) қабул қилинади.

📞Мурожаат учун телефонлар:
99-859-25-11, 97-448-56-57 (мусиқий ва ижрочилик йўналишлари)
99-484-83-34 (шеърият йўналиши)

Обуна бўлинг 👉@parkent_hokimiyati