#Xalqaro_hamkorlik

Saudiya Arabistoni Qirolligining Jidda shahrida Islom dunyosi Madaniyat vazirlarining 13-yig‘ilishida ishtirok etayabmiz.

🚀 Telegram / 📷 Instagram

#Xalqaro_hamkorlik

⚡️ Avval xabar berilganidek, ayni kunlarda Jidda shahrida Islom dunyosi Madaniyat vazirlarining 13-yig‘ilishi bo‘lib o‘tmoqda.

Mazkur konferensiya doirasida O‘zbekiston Madaniyat vaziri Ozodbek Nazarbekov hamda ICESCO bosh direktori Salim Al-Malik o‘rtasida hamkorlik uchrashuvi bo‘lib o‘tdi.

Uchrashuv davomida O‘zbekiston va ICESCO o‘rtasidagi ta’lim, ilm-fan va madaniyat sohalaridagi hamkorlikning tobora mustahkamlanib borayotganligi alohida ta’kidlandi. ICESCOga a’zo davlatlar sonining ortib borayotgani va tashkilotning keng geografik qamrovi uning nufuzi va xalqaro ishonchning ortib borayotganidan dalolat ekani qayd etildi.

Uchrashuvda ICESCO tomonidan a’zo davlatlarning ijodiy va ilmiy tashabbuslarini qo‘llab-quvvatlashga qaratilgan sa’y-harakatlar yuqori baholandi.

Telegram | Instagram | Facebook | Veb-sayt

#Xalqaro_hamkorlik 🇺🇿 🇸🇦
#Saudiya_Arabistoni

⚡️ Vazir Ozodbek Nazarbekov Saudiya Arabistoni Podshohligi madaniyat vaziri, shahzoda Badir bin Abdulloh bin Muhammad bin Farxon Al Saud bilan uchrashdi

👉 Batafsil: https://gov.uz/oz/madaniyat/news/view/36226

Telegram | Instagram | Facebook | Veb-sayt

#Xalqaro_hamkorlik
#Xitoy

⚡️ Tsindaoda O‘zbekiston madaniyat vaziri Ozodbek Nazarbekov Xitoyning madaniyat va turizm vaziri bilan uchrashdi

O‘zbekiston Respublikasi madaniyat vaziri Ozodbek Nazarbekov va Xitoy Xalq Respublikasi madaniyat va turizm vaziri Sun Yeli o‘rtasida hamkorlik uchrashuvi bo‘lib o‘tdi.

👉 Batafsil: https://gov.uz/oz/madaniyat/news/view/67238

Telegram | Instagram | Facebook | Veb-sayt | YouTube

#Xalqaro_hamkorlik

⚡️Dunyoning 140 ta davlatini bir manzilda jamlagan xalqaro anjumanda O‘zbekiston madaniyat vaziri Ozodbek Nazarbekov nutq so‘zladi

"Assalomu alaykum! Hurmatli forum ishtirokchilari! Hurmatli hamkasblar!

Avvalo ushbu forumni yuqori saviyada tashkil etgan va bizga o‘zaro fikr almashishga imkon yaratgani uchun Xitoy Xalq Respublikasi Rahbariyati va tadbir tashkilotchilariga o‘z minnatdorchiligimizni bildiramiz.

Dunyoda ziddiyatlar tobora ko‘payib borayotgan bir vaqtda ushbu forumni tashkil etilishi, xalqlar o‘rtasida tinchlik va barqarorlikni ta’minlashga xizmat qilishiga umid qilamiz.

Hurmatli forum ishtirokchilari !

Bugungi dunyoda turli ichki va tashqi omillar xalqlar o‘rtasidagi birdamlikka tahdid solmoqda. Xususan, geosiyosiy raqobat, mafkuraviy ziddiyatlar, resurslar uchun kurash, axborot urushi hamda globallashuv kabi masalalar dunyo xalqlarini tashvishga solmoqda.

Hozirgi zamonda dunyoning turli chekalarida paydo bo‘layotgan yangi turdagi salbiy harakatlar butun insoniyatning ma’naviy-ruhiy kelajagiga tahdid solmoqda.

Xususan, ijtimoiy tarmoqlarda tarqalayotgan zararli kontentlar ma’naviy muhitni zaiflashtirib, odamlar o‘rtasida shubhalarni kuchaytiradi.

Bundan tashqari, sifatsiz ommaviy madaniyat mahsulotlar madaniy o‘zligimizning qimmatini tushirmoqda hamda jamiyatimizning ma’naviy poydevoriga aylangan insoniy madaniyatga bevosita tajovuz qilayotgan turli urinishlar ham keng tarqalmoqda.

Bunday urinishlarga qarshi faqatgina milliy darajada emas, balki xalqaro hamkorlik asosida javob qaytarishimiz shart deb o‘ylaymiz.

Hurmatli hamkasblar!

Yana bir muhim masala, sun’iy intellekt va raqamli texnologiyalarning keskin rivojlanishi, madaniyat sohasiga ham yangi imkoniyatlar va chaqiriqlarni olib kirmoqda

Sun’iy intellekt madaniy mahsulotlarni yaratishda muhim yordamchiga aylangan bo‘lsa-da, uning madaniyatimizga ta’siri chuqur va har tomonlama o‘rganilishni talab qiladi.

Shu o‘rinda, insonning o‘ziga xosligi, ijodiy fikrlashi va madaniy qadriyatlarni asrab-avaylash vazifasi hech qachon orqaga chekinmasligi muhim ahamiyat kasb etadi.

Sun’iy intellekt va yuqori texnologiyalar madaniyatning rivojlanishi uchun vosita bo‘lishi kerak.

Hurmatli tadbir ishtirokchilari!

Yuqorida ta’kidlab o‘tilgan tahdidlarga birgalikda, jipslashib yechim topishimiz zarur.

Shu maqsadda, quyidagi takliflarni tadbir ishtirokchilari e’tiboriga havola etamiz.

Birinchi, xalqlarimiz o‘rtasida madaniy almashinuv va muloqot dasturlarini kengaytirish, xususan, konferensiyalar, davra suhbatlari, forumlar tashkil etish hamda “madaniyat elchilari”ni tayinlashimiz maqsadga muvofiq.

Ikkinchi, axborot makonida o‘zaro tushunishni kuchaytirish, jumladan internet va ommaviy axborot vositalarida milliy ksenofobiya va nafratni emas, hamjihatlikni yoritish zarur deb hisoblaymiz.

Uchinchi, ta’lim tizimida sivilizatsiyalar muloqotini o‘rgatish. Maktab va universitetlarda “madaniyatlararo muloqot”, “inson madaniyati”, “inson huquqlari” kabi fanlarni joriy etish.

Beshinchi, xalqaro tashkilotlar faolligini oshirish. YUNESKO, SHHT kabi tashkilotlar orqali sivilizatsiyalar muloqotini qo‘llab-quvvatlashimiz lozim.

Hurmatli tadbir ishtirokchilari!

So‘zimni yakunida, ushbu Forumni tashkil etgani uchun Xitoy tomoniga o‘zimizni cheksiz hurmatimizni izhor etamiz. Forum ishiga omad tilaymiz.

E’tiboringiz uchun rahmat!" – dedi vazir Ozodbek Nazarbekov.

Pekinda “Insoniyat sivilizatsiyalari xilma-xilligini asrash – jahon tinchligi va taraqqiyoti uchun” xalqaro anjumani bo‘lib o‘tdi.

Telegram | Instagram | Facebook | Veb-sayt | YouTube

#Xalqaro_hamkorlik

⚡️ 10 ta davlatni birlashtirgan ShHT yig'ilishida O‘zbekiston Respublikasi madaniyat vaziri Ozodbek Nazarbekov nutq so'zladi

“Ayni paytda ShHTga a’zo davlatlar o‘rtasidagi madaniy hamkorlik nafaqat do‘stlikni mustahkamlash, balki bir-birimizni hurmat qilish, tushunish, madaniy merosimizni asrab-avaylashda muhim ahamiyat kasb etmoqda.

O‘zbekiston ShHTning madaniy loyihalarida faol ishtirok etib, madaniy hamkorlikni rivojlantirishga katta ahamiyat beradi.

Mamlakatimiz ShHTga a’zo davlatlar bilan kino, teatr, musiqa, raqs, muzey va boshqa sohalarda madaniyat sohasida hamkorlik qiladi.

“Madaniyat kunlari”ni tashkil etish, teatr gastrollari, muzeylar ko‘rgazmalari yaxshi an’anaga aylangan.

Hurmatli hamkasblar!

Madaniyat sohasidagi hamkorligimizni yanada rivojlantirish uchun katta imkoniyatlar mavjudligiga ishonamiz.

Biroq, biz bu imkoniyatlardan to‘liq foydalanmayapmiz, deb hisoblaymiz. Bizga ma’lumki, ShHTga a’zo davlatlar aholisi uch milliarddan ortiq, ya’ni dunyo aholisining deyarli yarmini tashkil etadi. Bu ko‘rsatkich ko‘plab qo‘shma madaniy loyihalarni amalga oshirish zarurligini ko‘rsatadi.

Bugun dunyoda ziddiyatlar ko‘payib borayotgan bir paytda tinchlik va barqarorlikni saqlashda aynan madaniyat muhim o‘rin tutadi.

Endi barcha mamlakatlar uchun eng muhimi iqtisodiy rivojlanishdir, aholining o‘sishi esa energiya va resurslarga talabni oshiradi. Iqtisodiyot bilan birga milliy madaniyatni ham asrab-avaylash va rivojlantirish muhim.

Xitoy misolida iqtisodiy taraqqiyotni madaniy qadriyatlarni saqlash va rivojlantirish bilan muvaffaqiyatli uyg‘unlashtirish mumkinligini ko‘rsatadi” – dedi vazir Ozodbek Nazarbekov yig‘ilishdagi nutqi davomida.

✅ Xitoyda ShHTga a’zo davlatlar madaniyat vazirlarining 22-yig‘ilishi bo‘lib o‘tdi.

✅ Ma'lumot o'rnida, Shanxay hamkorlik tashkilotiga a’zo davlatlarning rasmiy tili xitoy va rus tili hisoblanadi.

❕ Eslatib o'tamiz, Xitoy, O'zbekiston, Rossiya, Eron, Hindiston, Pokiston, Belarus, Tojikiston, Qozog'izton va Qirg'iziston ShHTga a'zo davlatlardir.

Telegram | Instagram | Facebook | Veb-sayt | YouTube