#Mulohaza

Ushbu ijtimoiy videorolikni ko‘rib, beixtiyor ulug‘ ajdodimiz Abdurauf Fitratning quyidagi so‘zlari yodga tushdi:

“Xalqning aniq maqsad sari harakat qilishi, davlatmand bo‘lishi, baxtli bo‘lib izzat-hurmat topishi, jahongir bo‘lishi yoki zaif bo‘lib xorlikka tushishi, baxtsizlik yukini tortishi, e’tibordan qolib, o‘zgalarga tobe va qul, asir bo‘lishi ularning o‘z ota-onalaridan bolalikda olgan tarbiyalariga bog‘liq”.

Shunday ekan, bebaho madaniyatimizni asrab-avaylashga, ta'lim-tarbiyaga, farzandlarimiz kelajagiga befarq bo‘lmaylik...

Videorolik ijodkorlariga esa bugungi kunning eng o‘g‘riqli muammosiga e'tibor qaratib, kishini mulohazaga undaydigan kontent tayyorlaganliklari uchun alohida minnatdorlik bildiraman.

🚀 Telegram / 📷 Instagram

#Koʻcha_sanʻati
#Surxondaryo

🎼 Ko'cha san'ati va musiqasi loyihasi Surxondaryoda

Yurtimiz bo'ylab 2024-yil 1-apreldan boshlab, tegishli manzillarda “Ko'cha san'ati va musiqasi” loyihasi amalga oshirila boshlangan. Ayni kunlarda, barcha hududlarda yoshlar o'rtasida ko'cha san'atiga bo'lgan qiziqish ortib bormoqda, kuni-kecha Surxondaryoning markazida “Ko'cha san'ati va musiqasi”ning bir ko'rinishi namoyish etildi.

🎙 “Ko'cha san'ati va musiqasi” nafaqat yurtimizda balki xorijiy davlatlarda ham ommabop tomoshaga aylangan, quyida bir necha davlatlardan misollar keltiramiz:

🇬🇧 Angliya

🇩🇪 Germaniya

🇮🇹 Italiya

🇰🇷 Koreya

🇨🇳 Xitoy

🇮🇳 Hindiston

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

Bugun Xalqaro turkiy madaniyat tashkiloti – TURKSOY tashkil topgan kun

Turkiy xalqlarning madaniyati, san’ati, an’ana va qadriyatlarini asrab-avaylash, o‘rganish va keng targ‘ib etishda muhim o‘rin tutuvchi mazkur tashkilot 1993-yil 12-iyulda Olmaota shahrida Ozarbayjon, Qozog‘iston, Qirg‘iziston, O‘zbekiston, Turkiya va Turkmaniston o‘rtasidagi kelishuv natijasida ta’sis etilgan.

Mamlakatimizning TURKSOY bilan hamkorligi, ayniqsa, oxirgi yillarda, ya’ni islohotlarning yangi davrida mutlaqo yangi bosqichga ko‘tarildi. O‘zbekiston tashkilotga to‘laqonli a’zo bo‘lib kirdi.

Shu asosda TURKSOY bilan hamkorlikda qator loyihalarni amalga oshirib, turli madaniy tadbirlarni tashkil etib kelmoqdamiz. O‘tgan yili TURKSOYning 30 yillik yubileyi yurtimizda tantanali ravishda nishonlangani ham o‘zaro munosabatlarimiz naqadar yuksak ekanini yaqqol ifodalaydi.

Fursatdan foydalanib, bugungi sana bilan TURKSOYni samimiy tabriklab, qardosh xalqlar o‘rtasidagi do‘stlik va hamjihatlikni mustahkamlash, umumiy turkiy madaniyatni targ‘ib etish hamda kelgusi avlodlarga yetkazish yo‘lidagi ezgu faoliyatida ulkan muvaffaqiyat tilayman.

🚀 Telegram / 📷 Instagram

Fargʻona azaldan sanʼatni sevadigan, ardoqlaydigan, ne-ne ulugʻ hofizlaru sanʼatkorlar, adiblaru shoirlar, soʻz ustalariga beshik boʻlgan zamin. Odamlari ham samimiy, xushfeʼl, shinavanda. Mana shu ruh, mana shu muhit har qadamda sezilib turadi, desam mubolagʻa boʻlmaydi.

Madaniyatni oʻzgacha qadrlaydigan fargʻonaliklar uchun yana bir ajoyib madaniyat maskani tuhfa qilindi. Yaʼni, Prezidentimiz tashabbuslari bilan barpo etilgan fayzli va muhtasham “Yangi Oʻzbekiston” bogʻi hududida 4 ming tomoshabinga moʻljallangan zamonaviy amfiteatr qurilib, aholi uchun foydalanishga topshirildi. Davlatimiz rahbari Fargʻona viloyatiga tashrifi chogʻida ushbu amfiteatr bilan tanishdilar. Bu yerda qisqa konsert dasturi ham namoyish etildi.

Kecha bogʻning ochilishi munosabati bilan tantanali marosim tashkil etildi va unda Prezidentimiz Shavkat Miromonovich Mirziyoyevning Fargʻona ahliga tabrigi oʻqib eshittirildi. Tabrikda bu maskan isteʼdodli yoshlar uchun oʻziga xos ijodiy parvoz maydoniga aylanishiga ishonch bildirildi. Bu juda katta eʼtirofdir.

Tantanali tadbirning konsert dasturi koʻtarinki ruhda oʻtdi. Tomoshabinlar har bir sanʼatkorni olqishlar bilan qarshi olishdi. Shaxsan men ham shu dasturda qatnashib, oʻz qoʻshiqlarim bilan yigʻilganlarga xushkayfiyat ulashganimdan behad mamnunman. Rosti, goʻzal davra boʻldi, rohatlanib ijro qildim.

Niyatimiz, yurtimiz tinch, xalqimiz omon, mana shunday bayramlarimiz, quvonchli kunlarimiz bardavom boʻlsin.

🚀 Telegram / 📷 Instagram

#ZOR_OVOZ

Bugun soat 20:00 da "ZO‘R TV" telekanalida dunyoga mashhur "OVOZ" loyihasining 1-mavsum zarba bosqichini o‘tkazib yubormang.

🚀 Telegram / 📷 Instagram